ازاي تنسقي العقد الطويل مع اللبس الكاجوال
لو محجبة وبتدوري على افكار تستوحي منها طريقة لبس العقد الطويل مع اللبس الكاجوال ، النهاردة من خلال موضوعنا هنشارك معاكم افكار لـ تنسيق العقد الطويل مع اللبس الكاجوال للمحجبات ، ونصايح لاختيار العقد المناسب.
تنسيق العقد الطويل مع اللبس الكاجوال:
حاجات لازم تحطيها في الاعتبار لما تيجي تختاري العقد واللبس:
– لما تيجي تشتري عقد جديد ، حطي في اعتبارك طول العقد ، والبسيه عشان تشوفي طوله واصل لحد فين.
– لو هتلبسي حجاب كبير مغطي الصدر ، يبقى اختاري عقد اطول عشان يبان من تحت الحجاب ، وعشان تخليه اطول لو عندك عقدين قصيرين اربطيهم من السلسلة بتاعتهم مع بعض ، او اشتري عقد طويل ويكون في امكانية انك تتحكمي في طول السلسلة تطوليها او تقصريها حسب الطول اللي انتي عايزاه.
– لو لابسة بليزر فوق التوب البسي عقد طويل يكمل طول البليزر.
– لو لابسة توب واسع ، خلي لفة الطرحة حوالين الرقبة ، والبسي عقد قصير شوية ، او البسي عقد طبقات.
تعالوا نشوف مع بعض مجموعة افكار بالصور من بعض البلوجرز تستوحي منها للبس العقد الطويل مع اللبس الكاجوال.
تنسيق العقد الطويل مع اللبس الكاجوال