تسريحات شعر مناسبة لموسم الصيف

بقلمريهام محمود فيشعر visibility601

في الصيف بنبقى محتاجين تسريحات شعر مناسبة لحرارة الجو ومتحسسناش بالحر اكتر ، سواء شعرك طويل او قصير او كثيف او خفيف ، هتلاقي في موضوعنا النهاردة تسريحة تناسبك ، تعالوا نشوف مع بعض مجموعة تسريحات شعر مناسبة للصيف.

تسريحات شعر مناسبة للصيف:

ديل حصان عالي:

ديل الحصان العالي تسريحة انيقة وبسيطة ومناسبة جدا لموسم الصيف ، لانها بتلم الشعر بعيد عن الوش والرقبة ، وتسريحة ديل الحصان مثالية جدا للاطلالات غير الرسمية , والعمل ، وحتى في حفلات الزفاف ، يعني مناسبة لكل الاوقات وفي كل المناسبات ، بكل بساطة لمي الشعر في ديل حصان عالي بتوكة وخدي خصلة من الشعر لفيه حواليه وثبتيه من تحت بالبنس ، وبعدها ممكن ترشي عليه مثبت شعر.

تسريحات شعر مناسبة للصيف
تسريحات شعر مناسبة للصيف

تسريحات شعر مناسبة للصيف تسريحات شعر مناسبة للصيف تسريحات شعر مناسبة للصيف

ضفيرة ديل حصان فرنسية مزدوجة:

لو بتحبي الضفاير ، جربي تسريحة الضفيرة الفرنسية المزدوجة ، من التسريحات المناسبة جدا لجو الصيف والحر ، كل اللي هتعمليه ، قسمي شعرك نصين واعمليه ضفيرة فرنسية لحد ما توصلي لرقبتك اربطي الضفاير بتوكة مطاطية صغيرة.

تسريحات شعر مناسبة للصيف تسريحات شعر مناسبة للصيف

ضفيرة ديل السمكة:

زي ما قولنا الضفيرة من انسب التسريحات للصيف ، ومن الضفاير اللي ممكن تعمليها هي ضفيرة ديل السمكة ، ومتستغربيش لو قولنا ان ضفيرة السمكة تعتبر اسهل كمان من الضفيرة الفرنسية بالرغم انها ممكن تبان صعبة ومعقدة ولكن هي طريقتها اسهل كتير ، ممكن تعملي ضفيرة واحدة ورا ، او ضفيرتين في الجنبين ، وممكن تسحبي كام خصلة شعر على وشك من قدام ، وتسحبي الضفيرة نفسها عشان تبان ناعمة وسميكة اكتر ، والتسريحة دي من التسريحات النهارية اللي ممكن تعمليها لخروجة بالنهار مع اصحابك او للتمشية او في حفلات التخرج.

تسريحات شعر مناسبة للصيف تسريحات شعر مناسبة للصيف

كحكة منخفضة:

الكحكة المنخفضة من اسهل تسريحات الشعر اللي ممكن تعمليها ، ومظهرها انيق جدا ، وممكن تعمليها بطريقتين ، الاولى كحكة منخفضة محكمة ، واسحبي خصلتين شعرك من قدام على الوجه ودي تعتبر تصفيفة شعر انيقة مناسبة للعمل او اي اجتماع ، والطريقة التانية هي كحكة منخفضة فضفاضة ، مع سحب خصلات شعر على الوجه للحصول على مظهر فوضوي اكتر ودي مناسبة جدا للخروجات الصباحية.

تسريحات شعر مناسبة للصيف تسريحات شعر مناسبة للصيف تسريحات شعر مناسبة للصيف

ضفيرة فرنسية مع ديل حصان:

على نفس طريقة ضفيرة ديل الحصان الفرنسية المزدوجة ، هنا هتعملي شعرك من اول فوق ضفيرة فرنسية لورا بدل من الجانبين ، ولما الضفيرة توصل للرقبة اربطيها بتوكه مطاطية صغيرة وسيبي باقي الشعر ديل حصان ، واسحبي خصل شعر رفيعة من قدام على الوجه ولكن متكونش اكتر من سمك قلم رصاص ، اعملي التسريحة دي مع اي فستان صيفي او جامبسوت هيطلع شكلها حلو جدا.

تسريحات شعر مناسبة للصيف

ديل حصان منخفض:

على نفس طريقة ديل الحصان العالي ، تسريحة ديل الحصان المنخفض بسيطة ومثالية لاي وقت ، بكل بساطة سرحي شعرك ولميه ديل حصان منخفض واربطيه بتوكه ، واسحبي خصل شعر حوالين الوجه ، وممكن تستخدمي كيرلر لتجعيد الخصل دي ، وبننصحك كمان انك ممكن تعملي الشعر كيرلي مع ديل الحصان المنخفض عشان يبان سميك اكتر ، التسريحة دي مثالية للحفلات, مواعيد العشا, وللخروج بالليل.

تسريحات شعر مناسبة للصيف تسريحات شعر مناسبة للصيف

عقدة عالية:

العقدة العالية ، والكحكة الفوضوية ، من انسب التسريحات للصيف ، ومناسبة جدا لخروجات الصبح وللشاطيء ، جربيها مع سحب خصل من الشعر حوالين الوجه.

تسريحات شعر مناسبة للصيف

ماتنسيش اكسسوارات الشعر:

استخدمي سكارف او باندانا على الشعر واللي هتلاقيها متوفرة بالوان واشكال مختلفة وهتكمل اي لوك ، لفي السكارف حوالين العقدة العالية او الكحكة او مع ديل الحصان العالي او المنخفض او استخدميه مع الضفيرة الفرنسية ، ولو عايزة تخلي شعرك سايب ممكن تجربي تخلي نصه سايب والنص التاني ترفعيه وتستخدمي معاه السكارف.

تسريحات شعر مناسبة للصيف

اعرفي إيه هي ألوان الشعر الموضة لموسم صيف 2021 واختاري اللون اللي يناسبك منها

اعرفي إيه هي ألوان الشعر الموضة لموسم صيف 2021 واختاري اللون اللي يناسبك منها
اعرفي إيه هي ألوان الشعر الموضة لموسم صيف 2021 واختاري اللون اللي يناسبك منها