ليه المفروض متخليش شعرك سايب وانتي نايمة

ريهام محمود
ريهام محمود
في
شعر
2178

شعرنا بيحتاج عناية زي بشرتنا بالظبط ، وزي ما بتاخدي من وقتك قبل النوم للعناية ببشرتك ، شعرك كمان محتاج نفس الاهتمام ، ويمكن متعرفيش ان النوم وشعرك سايب ممكن يكون ليه اضرار اكتر من انك هتقومي الصبح هتلاقيه متشابك ، والنهاردة من خلال موضوعنا هنقولك اضرار النوم بشعر سايب.

اضرار النوم بشعر سايب:

1- هتصحي بشعر متشابك:

لو نمتي بشعرك سايب اكيد هيتقعد ويتشابك ، وده بيحصل بسبب احتكاك الشعر بكيس المخدة ، وده مش هيخليكي تحصحي الصبح بشكل متشابك وفوضوي بس ، ولكن ده مع الوقت ممكن يضعف الشعر ويخليه يتكسر.

اضرار النوم بشعر سايب 1
اضرار النوم بشعر سايب 1

2- ممكن يسبب لك حب الشباب:

لو بشرتك حساسة ومعرضة لحب الشباب ، يبقى الافضل انك تمنعي ان شعرك يلمس بشرتك ، لان منتجات التصفيف والبلسم اللي بيتراكم على الشعر ممكن تلامس بشرتك بالليل وتسد المسام ، وده بدوره هيأدي لظهور البثور وتهيج الجلد ، وكمان البنات اللي شعرهم طويل ممكن يصابوا بحب الشباب على ضهرهم ، عشان كده رفع الشعر بعيد عن البشرة اثناء النوم هيساعد على منع بعض الامراض الجلدية.

اضرار النوم بشعر سايب 2
اضرار النوم بشعر سايب 2

3- ممكن انه يوقف نمو شعرك:

لما الشعر بيتشابك ده معناه ان مسامه مرفوعة ومفتوحة ، وده هيتلف الشعر والشعر التالف بينمو ببطء ، فلو بتحلمي بشعر طويل وصحي يبقى متناميش ابدا وشعرك سايب ، اتأكدي انك تحميه اثناء النوم بلبس سكارف.

اضرار النوم بشعر سايب 3
اضرار النوم بشعر سايب 3

4- ممكن يسبب تجعد وهيشان الشعر:

ممكن تكوني استخدمتي كل منتج متاح لتصفيف الشعر ومنع الهيشان ولكن مافيش نتيجة ، لكن حاجة بسيطة زي انك تسيبي شعرك مفرود وانتي نايمة ممكن انه يسبب فقدان الشعر لرطوبته ، المخدة ممكن تكون مسؤولة بشكل كبير عن تجعد وهيشان الشعر ، لانه كل ما زاد احتكاك المخدة بشعرك ، كل ما اتبخرت الرطوبة منه.

اضرار النوم بشعر سايب 4
اضرار النوم بشعر سايب 4

5- ممكن يسبب انقسام الاطراف:

الاطراف المقصفة مش بس مزعجة ، الا انه لو التقصف موجود في كل الشعر ده هيخلي تصفيفة الشعر تطلع غير صحية ومش مترتبة ، لو مربطيش شعرك قبل النوم ، التقليب اثناء النوم ممكن انه يسبب الضرر لشعرك ، وده بدوره هيأدي لتكسره وتقصف الاطراف ، والافضل تنامي على كيس مخدة من الحرير او الساتان عشان تمنعي تقصف وانقسام اطراف الشعر.

اضرار النوم بشعر سايب 5

6- ممكن يأثر على نوعية نومك:

النوم بشعر سايب مش بس هيأدي لشعر متشابك وفوضوي الصبح ، لكن كمان ممكن يخليكي صاحية طول الليل ، لان الشعر ممكن يحتك بالوجه ويزعج نومك ، وافضل طريقة للعناية بالشعر قبل النوم هو انك تسرحيه كويس وتلميه ضفيرة فضفاضة.

اضرار النوم بشعر سايب 6

ازاي تحمي شعرك اثناء النوم:

في حين ان النوم بديل حصان محكوم ممكن يضر شعرك ، في طرق تانية سهلة للعناية بشعرك اثناء النوم.

– لفيه بسكارف ، يكون حرير او ساتان ده هيحافظ على اطراف شعرك صحية ومش هيزيل الرطوبة من شعرك.

– البسي توكه قماش ، لفي شعرك عقدة او كحكة واربطيها بتوكة قماش بدل من التوكة المطاط او الاستك.

– اعتمدي على الضفاير الفضفاضة ، بدل ما تتلفي شعرك باستخدام الكيرلر او مكوة التجعيد لعمل الشعر كيرلي ، ضفري شعرك قبل النوم ، ده هيخلي شعرك بعيد عن وجهك طول الليل ، وهيديكي تمويجات طبيعية للشعر تاني يوم الصبح من غير استخدام حرارة تضر الشعر.

اضرار النوم بشعر سايب 7

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية

6 خرافات عن العناية بالشعر بنفتكر انها صح ومفيدة

6 خرافات عن العناية بالشعر بنفتكر انها صح ومفيدة