ازاي تحصلي على المقاس المثالي لما تشتري اي حاجة اون لاين

ريهام محمود
ريهام محمود
1361

دلوقتي مع زيادة شرا كل حاجة تقريبا عن طريق الانترنت حتى الملابس ، بقينا محتاجين نعرف اكتر ازاي نشتري حاجة وتطلع مظبوطة علينا لان مشكلة الشراء اون لاين انك بتشتري اي حاجة من غير ما تقيسيها وبتعتمدي على مقاساتك التقليدية اللي انتي عارفاها ، ولكن احيانا المقاسات بتختلف ، عشان كده النهاردة هنقولكم مجموعة نصايح عند شراء الملابس اون لاين.

نصايح عند شراء الملابس اون لاين:

1- استخدمي ورق طباعة لمعرفة مقاس الخصر:

الزقي ورق طباعة A4 حوالين منطقة الوسط واعملي معادلة حسابية سريعة عشان تجيبي المقاس المظبوط ، اضربي عدد قطع الورق اللي استخدمتيها في  8.5 بوصة (لو مستخدمة الجنب القصير من الورق يعني بالعرض) او في 11 بوصة (لو مستخدمة الجنب الطويل يعني بالطول) ، والرقم اللي هيطلع معاكي هيبقى هو ده مقاس محيط الخصر الصح.

نصايح عند شراء الملابس اون لاين 1
نصايح عند شراء الملابس اون لاين 1

2- شراء الملابس حسب الستايل بتاعها وشكلها:

ده ممكن يساعدك تختاري ملابس انيقة ومناسبة من غير ما تجربيها ، وده بيرجع ان الملابس اللي بتكون مناسبة للقوام او واخدة شكل الجسم زي الجاكيت ، بتعتمد على قياسات دقيقة ، كمان لما تيجي تشتري فستان اختاري ستايل ال A-line او الفساتين الواسعة من تحت لانك في الحالة دي مش هتحتاجي مقاس الوسط ، والجيبة الواسعة او المنفوشة من تحت مش هتحتاجي معاها الا مقاس الوسط بس لانها مش بتكون على قد الجسم من تحت.

نصايح عند شراء الملابس اون لاين 2
نصايح عند شراء الملابس اون لاين 2

3- المقاس الداخلي:

طول الرجل من الداخل مهم عند شراء البنطلونات ، لانك هتعرفي طول الرجل من اول الفتحة اللي بين الرجلين لنهاية رجل البنطلون ، وتقدري تعرفي ده بسهولة بمساعدة اي شخص يقيسلك الرجل من الداخل من الفتحة اللي بين الرجلين لحد عضمة الكاحل ، واتأكدي انك واقفة بشكل مستقيم وان القدمين بعيد عن بعض بمقدار عرض الوركين.

نصايح عند شراء الملابس اون لاين 3
نصايح عند شراء الملابس اون لاين 3

4- اعرفي محيط الخصر الطبيعي:

ارتفاع الخصر بيختلف من شخص للتاني ، وعشان تعرفي مكان وسطك صح ، انحني لجنب واحد وشوفي مكان التجعد الطبيعي لخصرك ، القياس من النقطة اللي فيها تنية جسمك هتديكي مقاس خصرك الصح ، واتأكدي انك متشديش شريط القياس اوي سيبيه مرخي شوية.

نصايح عند شراء الملابس اون لاين 4
نصايح عند شراء الملابس اون لاين 4

5- اعرفي قياس محيطك:

معرفة قياس محيط جذعك السفلي مفيد بشكل خاص للملابس والسراويل المصنوعة حسب الطلب ، اربطي خيط حوالين محيط الخصر قبل ما تمرري شريط القياس بين الساقين من الامام للخلف ، واتأكدي انك ماسكة شريط القياس ماشي مع محيط الخصر ، اضغطي على الشريط من قدام وشوفي القياس ، ده يعتبر نص محيطك او المعروف بارتفاعك.

عشان تجيبي القياس كامل ، اعملي نفس اللي عملتيه بس المرة دي قيسي من الخلف للامام ، بداية من محيط الخصر ، وممكن تستعيني بمساعدة شخص معاكي.

نصايح عند شراء الملابس اون لاين 5
نصايح عند شراء الملابس اون لاين 5

6- اعرفي مقاس صدرك:

قيسي تحت الصدر ، وحوالين اكبر جزء في الصدر ، ومهم ان شريط القياس يبقى محكوم ولكن مش زيادة عن اللزوم ، هتعرفي ان شريط القياس محكوم زيادة عن اللزوم لو لقيتي الصدر بارز على الشريط ، لان القياس الضيق معناه ملابس ضيقة ومش مريحة بالنسبة لك.

نصايح عند شراء الملابس اون لاين 6
نصايح عند شراء الملابس اون لاين 6

7- اعرفي مقاس الورك:

قياس الوركين مهم جدا لانه لو غلط هيبوظلك المقاس كله ، وفي الغالب الوركين هيكونوا في نص المسافة بين المنطقة اللي بين الرجلين والسرة ، وعشان تقيسي ده بنفسك ،هتحتاجي لقياس اكبر منطقة من الوركين والمؤخرة ، واتأكدي ان القدمين جنب بعض وسايبة شريط القياس فضفاض شوية مش محكوم اوي ، عشان ميبقاش مقاس الفستان صغير او ضيق اوي.

نصايح عند شراء الملابس اون لاين 7
نصايح عند شراء الملابس اون لاين 7

8- دوني الاماكن اللي اشتريتي منها قبل كده:

دوني ملاحظات حوالين الاماكن اللي اتسوقتي منها قبل كده ، ومقاسك ، وملاءمته ليكي ، لان ده معناه مادان لقيتي علامة تجارية او ستايل او قصة مثالية ليكي ، هتقدري انك تلاقيها مرة تانية بسهولة ، بمجرد ما تلاقي العلامة التجارية اللي فيها المقاس والقصة المناسبين ، تقدري تستغني عن خطوة انك تاخدي المقاسات كل مرة.

نصايح عند شراء الملابس اون لاين 8

9- اتأكدي من مخطط المقاسات بتاع المكان:

كلنا مرينا بلحظة اننا ممكن نقيس مثلا مقاس كبير في مكان ، ولكن في مكان تاني ممكن نقيس مقاس اكبر ، وده بيحصل لان كل الاماكن او المتاجر ليها مقاسات مختلفة للصغير والمتوسط والكبير ، عشان كده ضروري انك تشوفي مخطط مقاسات المقاس على الموقع الرسمي للعلامة التجارية ، لان احيانا مخطط المقاس بيختلف ما بين موقع البراند الرسمي وما بين موقع التسوق من خلال الانترنت.

بالاضافة كمان من التأكد من طول وحجم الموديل اللي لابسه الملابس على الموقع ، ده هيديكي فكرة عن طول او قصر اي قطعة.

نصايح عند شراء الملابس اون لاين 9

10- اقري اراء العملاء عن المكان:

راجعي دايما ال reviews او اراء العملة اللي مكتوبة على الصفحة او المكان اللي هتشتري منه ، وكمان عشان تتأكدي ان المكان اللي هتشتري منه مضمون ومافيش اي عملية نصب في الموضوع.

نصايح عند شراء الملابس اون لاين 10

11- خدي مقاساتك بملابس غير مبطنة:

لما  تيجي تاخدي المقاسات بتاعتك ، مهم انك تلبسي ملابس داخلية مناسبة ، لانك لو اخدتي المقاسات وانتي لابسة جينز او حمالة صدر مبطنة ، ده ممكن يخلي المقاس يطلع اكبر من مقاسك الفعلي بمقاس واحد او اتنين ، عشان كده لازم تلبسي الحد الادنى من الخامات للحصول على ادق القياسات.

نصايح عند شراء الملابس اون لاين 11

12- روحي لخياطة:

في النهاية لو بعد ما اخدتي المقاسات ، ومع ذلك اشتريتي حاجة اون لاين ولقيتي مقاسها مش مظبوط ، في الحالة دي افضل حل تروحي لخياطة تظبطلك المقاس عليكي وتصلحه.

نصايح عند شراء الملابس اون لاين 12

يا ترى مين اشترى حاجة من على النت وكانت مش مناسبة او لقاها مختلفة عن الانترنت؟ شاركونا تجاربكم في التعليقات ، ولو في اي نصايح تانية غير القائمة اللي احنا قولناها ممكن تشاركونا بيها.

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا