احدث ستايلات موضة لموسم الربيع والصيف للمحجبات

ريهام محمود
ريهام محمود
861

الربيع يعني الالوان الزاهية والملابس المطبوعة والمنقوشة ، واتجاه الموضة في ربيع 2021 في اختيارات كتير ممكن تضيفيها لدولابك ، منها الجيبات الطويلة اللي فيها كشكشة, والبنطلونات اللي بوسط عالي اللي رجلها واسعة, والبلوزات الناعمة, والفساتين الطويلة, والبليزر بالالوان المشرقة ، تعالوا نتعرف مع بعض اكتر من خلال موضوعنا على موضة الربيع والصيف للمحجبات.

موضة الربيع والصيف للمحجبات:

الجيبات الطويلة زي ما قولنا من القطع الموضة جدا الموسم ده سواء الجيبة الطبقات او الكشكشة ، اللي تقدري تلبسيها مع كعب او سنيكرز حسب المناسبة والمكان.

كمان الجيبات الكُسر بخامات زي الحرير او الساتان الناعم من الحاجات الموضة جدا ، وخصوصا المطبوعة بالورد هتكون مناسبة جدا لموسم الربيع ، اللي تقدري تنسقيها مع بلوزة حرير بألوان الباستيل للوك ناعم ، مع شوز بكعب وشنطة مناسبة ، واللوك ده ينفع للمناسبات الخاصة.

التل كمان من الحاجات التريندي للموسم ده ، ممكن تلبسي جيبة طبقات من التل مع حزام ، كمان الجيبات الطويلة المكشكشة المطبوعة بالورود او السادة ، او المخططة بخطوط مونوجرام ، او الجيبة الماكسي المطبوعة بطبعات جريئة ملفتة ، كلها تعتبر من افضل القطع اللي ممكن تشتريها الموسم ده.

موضة الربيع والصيف للمحجبات 15
موضة الربيع والصيف للمحجبات 15

الجيبات مش هي بس التريندي للموسم ده ، كمان البنطلونات اللي بوسط عالي ، والبنطلونات اللي رجلها واسع لسه موضة وتريندي واللي تقدري تلبسيها بلوك كاجوال او رسمي.

موضة الربيع والصيف للمحجبات 22
موضة الربيع والصيف للمحجبات 22

البليزر بالالوان الزاهية والمشرقة من القطع الاساسية للموسم ده ، اللي تقدري تلبسيها بلوك كاجوال بتنسيقها مع الجينز والاحذية الرياضة.

موضة الربيع والصيف للمحجبات 35
موضة الربيع والصيف للمحجبات 35

بالنسبة للتوب ، البلوزات بالتفاصيل الانثوية الناعمة موضة للموسم ده ، تقدري تلبسي بلوزة مطبوعة بالورد او تختاري الالوان الباستيل الناعمة ، ممكن تختاري بلوزة برقبة على شكل حرف V متزينة بالكشكشة او باكمام منفوخة ، اللي ممكن تنسقيها مع جيبة كُسر على شكل حرف A او مع الجينز.

موضة الربيع والصيف للمحجبات 40
موضة الربيع والصيف للمحجبات 40

شوفي معانا بالصور مجموعة منوعة من موضة الموسم ده للمحجبات:

مقالات متعلقه

نصايح للوك شتوي كاجوال وانيق بالحجاب

نصايح للوك شتوي كاجوال وانيق بالحجاب

افكار ستايلات للمحجبات تستوحي منها اللوك بتاعك في الصيف

افكار ستايلات للمحجبات تستوحي منها اللوك بتاعك في الصيف

افكار ستايلات للمحجبات مناسبة للجامعة

افكار ستايلات للمحجبات مناسبة للجامعة