طريقة عمل البراونيز مع جوز الهند

بقلمريهام محمود فيحلويات visibility226

لو انتي من محبين شوكولاتة باونتي بجوز الهند جربي الوصفة دي ، وهي البراونيز مع جوز الهند المتغطي بالشوكولاتة ، وصفة مختلفة وسهلة وطعمها لذيذ.

طريقة عمل البراونيز مع جوز الهند:

مكونات البراونيز:

– 125 جرام زبدة غير مملحة, بدرجة حرارة الغرفة.

– 125 جرام شوكولاتة غامقة, مبشورة.

– 3 بيضات مخفوقين.

– 335 جرام سكر ابيض.

– 115 جرام دقيق.

– 30 جرام كاكاو بودر.

– 1 معلقة صغيرة مستخلص الفانيليا.

– ذرة ملح.

مكونات طبقة جوز الهند:

– 3 كوبايات جوز هند مبشور.

– 1 كوباية لبن مكثف.

– ½ كوباية سكر بودرة.

– ¼ كوباية زبدة غير مملحة, سايحة.

مكونات طبقة الشوكولاتة:

– 600 جرام شوكولاتة غامقة.

– 300 مل كريمة خفق تقيلة.

البراونيز مع جوز الهند
البراونيز مع جوز الهند

طريقة البراونيز:

1- سخني الفرن على درجة حرارة 180 درجة مئوية ، ادهني صينية خبز مربعة مقاس 20 سم بالزيت وغطيها بورق خبز او ورق زبدة ، وخليها على جنب.

2- في طبق مقاوم للحرارة حطي الزبدة والشوكولاتة مع بعض في الميكروويف لمدة 20 ثانية في كل مرة ، وقلبيه ورجعيه تاني لحد ما الخليط يسيح ويبقى ناعم ، او ممكن تسيحيه على حمام مية سخنة ، ضيفي عليه البيض والسكر والدقيق والكاكاو وخلاصة الفانيليا والملح وقلبيهم مع بعض كويس لحد ما يمتزجوا ، صبيهم في الصينية واخبزيهم لمدة 30 دقيقة ، وبعدين طلعيها من الفرن وسيبيها تبرد.

البراونيز مع جوز الهند

طريقة طبقة جوز الهند:

1- اخلطي كل المكونات مع بعض في طبق كبير ، وضيفي الخليط فوق البراونيز ، ووزعيه بالمعلقة بالتساوي.

البراونيز مع جوز الهند

طريقة طبقة الشوكولاتة:

1- في طبق كبير اخلطي الشوكولاتة وكريمة الخفق ، ودخليه الميكروويف لمدة 20 ثانية كل مرة لحد ما يسيح ، او سيحيه على حمام مية سخنة ، لما الخليط يبقى ناعم صبيه في قالب الكيك فوق البراونيز وجوز الهند ، بعدها سيبيه لمدة ساعتين او طول الليل لحد ما الشوكولاتة تجمد والطبقات كلها تتماسك مع بعض.

2- وكده البراونيز جاهز يتقطع ويتقدم.

بخطوات سهلة ومقادير بسيطة.. اعرفي إزاي تعملي حلو لقمة القاضي بالموز والقرفة

بخطوات سهلة ومقادير بسيطة.. اعرفي إزاي تعملي حلو لقمة القاضي بالموز والقرفة
بخطوات سهلة ومقادير بسيطة.. اعرفي إزاي تعملي حلو لقمة القاضي بالموز والقرفة