5 اطعمة وقفي اكلهم للتخلص من دهون البطن
دهون البطن من اصعب الاماكن اللي مش بنعرف نتخلص منها بسهولة ، واحيانا بيكون صعب معرفة الاطعمة اللي بتسبب ده ، والنهاردة من خلال موضوعنا هنقولك 5 اطعمة بتسبب دهون البطن عشان تتجنبيها.
اطعمة بتسبب دهون البطن:
1- السموزي والعصاير:
العصاير بالرغم انها ممكن تبقى وجبة فطار صحية ، ولكن ده في حالة بس انها تكون متوازنة ومليانة بالتوازن الجيد بين العناصر الغذائية ، بما فيهم البروتين والكربوهيدرات والدهون الصحية ، ولكن لسوء الحظ ان معظم العصاير مليانة بالسكر ، وفي بعض الانواع بيكون فيها سكر صحي زي التفاح, الموز, الكمثرى ، ولكن برضه في الحالتين السكر ده بيتحول لدهون في الجسم.
ولما الفواكة بتتعمل عصاير بيتم تجريدها من الالياف ، وبالتالي بتفقد الفوايد اللي كنتي ممكن تحصلي عليها لو اكلتي الفاكهة نفسها على طول.
ولو عايزة تشربي عصير الافضل تعتمدي على العصاير اللي بتحتوي على خضار زي الليمون, اللفت ، وابعدي عن العصاير الجاهزة اللي فيها سكريات مضافة ، السكر ممكن يأدي لزيادة الالتهاب ويزود الضغط على الجسم ويأدي للتوتر ، وده بدوره هيزود هرمون الكورتيزول اللي هيأدي بدوره لزيادة الدهون.
ممكن تاخدي بعض الدهون الصحية من زبدة المكسرات, زبدة الشيا, بذور الكتان ، وضيفي معاها 2% من الزبادي اليوناني اللي بيحتوي كمان على الدهون الصحية والبروتينات من غير ما يزود الجسم بسعرات حرارية كتير.
2- الخضروات النية:
هل بتفكري ان الخضار مفيد فعلا وغني بالمواد الغذائية ، الجواب هو نعم ولا ، كلنا محتاجين الخضار في نظامنا الغذائي ، ولكن في بعض الخضروات اللي بيكون صعب على الجسم هضمها خصوصا لما بتكون نية.
هنقولك 5 خضروات المفروض متاكليهاش نية وتاخد وقتها في السوا كويس قبل الاكل:
– السبارجوس: اكله ني مش هيأدي ، ولكن طبخه هيساعد جسمك على امتصاص العناصر الغذائية المقاومة للسرطان بشكل اكبر ، جربي تسويه على البخار, او تشويحه في شوية زيت زيتون مع الثوم وعصير الليمون.
– المشروم: المشروم زي السبارجوس بالظبط ممكن يتاكل ني ، ولكن انتي تقدري تحصلي على فوايده الغذائية الغنية بالبوتاسيوم لو اخد وقت كافي في الطبخ بقليه او شويه.
– براعم بروكسل: النوع ده من الخضار ممكن انه يسبب غازات وانتفاخ ، وهما حاجتين اكيد مش عايزين انهم يحصلوا ، وعشان تقللي من ان ده يحصل اطبخيه شوية قبل الاكل ، وحتى بعد الطبخ ممكن انها تسبب انتفاخ شوية ، عشان كده خدي بالك من الكمية.
– البروكلي والقرنبيط: السكريات اللي موجودة في الخضروات الصليبية بيكون صعب هضمها الا لو اتفتت عن طريق الطبخ ، لازم الاشخاص اللي بيعانوا من الغدة الدرقية التأكد من تجنب الانواع دي من الخضروات الا لما تتطبخ الاول ، لان الخضروات الصليبية بتحتوي على مثبطات الغدة الدرقية اللي ممكن تأدي لزيادة حالة الغدة.
– البطاطس: البطاطس لو مش مطبوخة ممكن تكون مضره ، لانها بتحتوي على سموم ومضادات تغذية ممكن تضر جسمك ، وممكن كمان تسبب اضطراب في الجهاز الهضمي ، عشان كده لازم تتأكدي من خبزها كويس.
3- تجنب منتجات الالبان العادية:
تجنب منتجات الالبان العادية هيساعدك على التخلص من الانتفاخ ، ولو انتي بتحبي الالبان فانتي محتاجة للنوع المناسب من منتجات الالبان ، زي الجبنة النية او غير المطبوخة (زي الجبنة الشيدر) او اللي بالاعشاب ، بيكون ليها فوايد اكتر من منتجات الالبان التقليدية بسبب احتوائها على نسبة عالية من مضادات الاكسدة والفيتامينات ، بالاضافة انها غنية بالبروبيوتيك اللي تعتبر مفيدة جدا لصحة الامعاء.
4- اتخلصي من كل الاطعمة المصنعة وقللي الجلوتين:
الاطعمة المصنعة من اكتر الحاجات اللي لازم تتخلصي منها ، لان دي الاطعمة اللي بتحتوي على نسبة كبيرة من الجلوتين ، ولكن ده مش معناه برضه انك محتاجة حاجة خالية من الجلوتين خالص ، لان الخالية من الجلوتين تماما مش معناها انها صحية.
والحقيقة ان الحبوب او السيريال مش جيدة ، لانه بيتعمل لها معالجة للحصول على عمر افتراضي اطول ونكهة تدوم فترة اطول ، وده ممكن يأدي لزيادة الوزن والانتفاخ.
الاطعمة المصنعة كلها بيتضاف لها الصوديوم, السكر, والدهون الضارة ، عشان تخلي طعمها احلى وتدوم فترة اطول.
5- اتجنبي المحليات الصناعية:
المحليات الصناعية مش جيدة زي ما انتي متخيلة لانها ممكن تسبب انتفاخ وتضر المعدة ، والحقيقة ان الحاجات الخالية من السكر هتخليكي بدل ما تتخلصي من الرغبة الشديدة في اكل السكر ، فانتي في الواقع بتغذيها اكتر ، والحل انك كل ما استبعدتي السكر من نظامك الغذائي هتقل رغبتك ليه.
ممكن تستخدمي من وقت للتاني بدائل للسكر زي ستيفيا.
