8 تمارين للخدود سهلة وبسيطة تخلصك من الخدود الممتلئة من غير مجهود كتير
لما بتكوني عاوزة تخسي بتغيري نظام اكلك وتعملي تمارين عشان توصلي جسمك للشكل اللي انتي عايزاه، الخدود كمان زيها زي الجسم بتحتاج تمارين تفضل في حالة كويسة وكمان في حجم كويس من غير ما تبقى مليانة او كبيرة زيادة عن اللزوم، مع إن علم الوراثة بيلعب دور اساسي لو عندنا خدود منحوته أو معضمة زي مابيقولوا وتبقي شبه أنجلينا جولي أو لو خدودك كيوت ومليانة.. في كل الحالات، أكيد التمارين هتاخد وقت عشان تلاقي نتيجة كويسة، اعرفي معاني في المقال ده 8 تمارين للخدود سهلة وبسيطة تخلصك من الخدود الممتلئة من غير مجهود كتير
8 تمارين للخدود سهلة وبسيطة تخلصك من الخدود الممتلئة من غير مجهود كتير
1- تمرين بوز البطة
أكيد عارفة الحركة دي وجربتيها كتير في الصور.. لكن كن عرفتي إنها تمرين للخدود! ضُمي شفايفك وافتحي واقفلي فمك واتأكدي إن شفايفك ممدودة لبره وشدي وشك عشان عضلات خدودك تشتغل.. كرريها 15 مرة.
2- تمرين ضم الشفايف
تخيلي حاجة ممكن تخليكي تضحكي، او تبتسمي، وحركي زاوية واحدة من الفم لورا كانك هتضحكي، وحاولي تشدي العضلات اوي على قد ما تقدري، وبصي في المراية، ولما تشوفي العضلات في رقبتك مشدودة يبقى كده عملتي التمرين صح، كرري الحركة دي 15 مرة.
3- تمرين فم السمكة
من الوجوه المُضحكة اللي سهل تعمليها هي انك تحاولي تشفطي خدودك لجوا وجعدي شفايفك، رجعي رأسك لورا شوية وتخيلي دقنك بتترفع للسقف عشان يكون فيه تمديد في رقبتك ودقنك والتمرين يكون صح، اثبتي على الوضعية دي 10 ثواني، وكرري 15 مرة .
4- تمرين نحت عظام الوجه
افتحي فمك وابتسمي ابتسامه بحيث تكون شفايفك فوق سنانك وحطي صوابعك علي عظم الخدود وادفعيهم لفوق عشان يشدوا الوش، مدة التمرين : اثبتي على الوضعية دي 30 ثانية.
5- تمرين العيون المقفولة
تعرفي إنك مجرد ماتقفلي عينك ده ممكن يساعد يحرق الدهون اللي موجودة في خدودك ، كل اللي عليكي تقفلي عينك كويس علي قد ماتقدري لحد ماتحسي إن فيه شد في وشك، اثبتي على الوضعية دي 5 ثواني وكرري 15 مرة.
6- تمرين الدقن
دقنك ممكن تقوم بتمارين الضغط علي الخدود، ادفعي شفتك اللي تحت لفوق شفتك اللي فوق وارفعي ذقنك لأعلي مستوي تقدري عليه في كل مرة
كرري الحركة دي 15 مرة.
7- بوسة من الجنب
من عادات الفرنسيين إنك بيحيوا بعض بالبوسة الجانبية وده التمرين، شدي شفايفك علي قد ماتقدري وحركيها من الشمال لليمين كأنك هتسلمي على واحدة صاحبتك مثلا، اتأكدي إنك بتنقلي من جنب لجنب بشكل مشدود على قد ما تقدري، كرري الحركة 15 مرة .
8- تمرين الفك
تعرفي إن اللسان ممكن يكون في وضعية مش كويسة زي الجسم بظبط لأنه وضع لسانك لو كان غلط ممكن يأثر علي شكل وشك، فيه حالات لما بتلاقي شكل دقنك ووشك مليان اتأكدي وقتها إن لسانك وسنانك في الوضع الصح في الفم، وهي أن لسانك لازم يكون مستريح علي سقف الفم ولازم يلمس سنانك بلطف.، التمرين ده مش مجرد تمطيط أو استرتش لكن بيعتبر فعال جدا في حرق دهون الخدود، زُوقي لسانك علي الجزء اللي ورا سنانك اللي تحت وحاولي تنزلي فكك علي قد ماتقدري، وكرري الحركة 15 مرة لكن خليكي حريثة جدا وانتي بتعمليه علشان تتجنبي بلع أو قلب اللسان لا قدر الله، ولو حسيتي انه صعب ممكن تستغني عنه وما تعمليهوش، كرري التمرين ده 15 مرة.
اعرفي معانا كمان 7 تمارين فعالة للتخلص من الدقن المزدوجة