ستايلات عصرية للمحجبات لموسم الشتا

ريهام محمود
ريهام محمود
1738

لو عايزة ستايلات مريحة وفي نفس الوقت تبقى عصرية وعلى الموضة ، النهاردة هنشارك معاكم مجموعة ستايلات عصرية للمحجبات لموسم الشتا ، وفي نفس مريحة وعملية.

ستايلات عصرية للمحجبات لموسم الشتا:

الجيبات:

كل البنات بتحب الجيبات ، سواء في الصيف او في الشتا ، والجيبات من القطع اللي موضتها مش بتبطل ابدا ، وستايل الجيبات الطويلة الكُسر من الحاجات المناسبة اوي للحجاب ، وفي نفس الوقت عصرية وعلى الموضة ، وهتلاقيها بألوان وخامات مختلفة ، وتقدري تنسقيها مع البلوفر الواسع, او جاكيت, وكتير من القطع في دولابك تقدري تلبسيها على الجيبة اختاري حسب الوقت والمناسبة.

ستايلات عصرية للمحجبات لموسم الشتا 1
ستايلات عصرية للمحجبات لموسم الشتا 1

الجينز:

مين فينا مش بيحب الجينز ومش قطعة اساسية في دولابه؟ الجينز من القطع العملية جدا والمريحة واللي ممكن تنسقي عليه اي حاجة من فوق ، وتقدري تلبسي عليه شوز رياضي, او بوت ، الجينز الاختيارات معاه واسعة وكبيرة جدا ، وتقدري تنوعي في لبسه زي ما انتي عايزة.

ستايلات عصرية للمحجبات لموسم الشتا 60
ستايلات عصرية للمحجبات لموسم الشتا 60

ستايل الطبقات:

ستايل الطبقات من اكتر الستايلات المناسبة جدا لموسم الشتا وخصوصا في ايام البرد ، بالاضافة انه بيديكي طرق كتير للتنسيق ، ولكن افتكري دايما ان اللون هو المفتاح في ستايل الطبقات ، ما تضيفيش اكتر من لونين ، لان اكتر من كده اللوك هيطلع اوفر جدا ومبتذل ، وانتبهي لخامة الطبقات ، واستخدمي عنصر ضخم واحد للوك.

ستايلات عصرية للمحجبات لموسم الشتا 61
ستايلات عصرية للمحجبات لموسم الشتا 61

بنطلون برجل واسعة:

القمصان الطويلة الواسعة مش بتبقى مناسبة مع البنطلونات الضيقة او السكيني  ، وهنا البديل هيكون البنطلون اللي رجله واسعة ، تقدري تنسقي معاها توب طويل او قصير.

ستايلات عصرية للمحجبات لموسم الشتا 62
ستايلات عصرية للمحجبات لموسم الشتا 62

الفساتين الماكسي:

الفساتين الطويلة من القطع المريحة والعصرية ، اختاري الفساتين الطويلة بألوان الباستيل ، وممكن تضيفي لمسة لون بالاكسسوارات.

ستايلات عصرية للمحجبات لموسم الشتا 63
ستايلات عصرية للمحجبات لموسم الشتا 63

تعالوا نشوف مع بعض بالصور مجموعة افكار تستوحي منها اللوك بتاعك:

مقالات متعلقه

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا

ستايلات كاجوال تريندي لموسم الشتا

ستايلات كاجوال تريندي لموسم الشتا