9 نصايح صباحية ممكن تنقذك لو معندكيش وقت تاخدي شاور

بقلمريهام محمود فيشعر visibility451

اوقات كتير ممكن نصحى الصبح مستعجلين ومعندناش وقت حتى لوجبة الفطار فاكيد امر طبيعي مش هيبقى في وقت للشاور كمان ، ولكن في حلول بديلة وسريعة للشاور تجددي بيها نفسك وتحسي بانتعاش ، وده اللي هنعرفه النهاردة من خلال السطور الجاية هنقولك نصايح صباحية بديلة للشاور لو معندكيش وقت.

نصايح صباحية بديلة للشاور:

1- تونيك خل التفاح:

اخلطي كوباية مية مع 2 معلقة كبيرة من خل التفاح ، ورشي التونر ده على شعرك وبشرتك لو في اي يوم صحيتي مستعجلة ومعنديش وقت للشاور ، خل التفاح هيساعد على استعادة درجة حموضة بشرتك ، وهيساعد شعرك انه يبقى شكله حلو وبيلمع حتى لو مغسلتيهوش في اليوم ده ، ومتقلقيش ابدا من ريحة خل التفاح على الشعر الريحة هتختفي بمجرد ما الشعر ينشف.

نصايح صباحية بديلة للشاور
نصايح صباحية بديلة للشاور

2- تعطير الملابس:

عشان تخلي ريحة هدومك حلوة ومنعشة طول اليوم حتى لو مكنش عندك فرصة للشاور الصبح ، ممكن ترشي على الهدوم شوية من معطر الملابس والمنتج ده بيستخدم بشكل عام على المفروشات والستاير بالاضافة للملابس لانه بيساعد على التخلص من اي روايح كريهة وبيديها ريحة حلوة.

نصايح صباحية بديلة للشاور

3- ورق امتصاص الدهون:

استخدمي ورق امتصاص الدهون هيساعدك على امتصاص الدهون الزيادة من البشرة وهتساعد على تقليل المسام الواسعة ولمعان البشرة ، وهتدي بشرتك مظهر صحي وحيوي.

نصايح صباحية بديلة للشاور

4- رشي كمية بسيطة من بودرة التلك:

لو خلص من عندك مزيل العرق وفي نفس الوقت معندكيش وقت تاخدي شاور الصبح بتاعك ، بودرة التلك هتكون افضل اختيار ليكي ، رشي كمية بسيطة منها على الابطين والقدمين وباقي اجزاء جسمك اللي ممكن تكون بتعرق زيادة ، بودرة التلك بتساعد على التخلص من الروايح الكريهة والحفاظ على جفاف المناطق دي في الجسم ، والحقيقة ان الحيلة دي كانت بتستخدم في العصور القديمة لاخفاء روايح الجسم.

نصايح صباحية بديلة للشاور

5- الفرشة الجافة:

بالاضافة ان الفرشة الجافة مفيدة جدا لتحفيز الدورة الدموية ، ممكن كمان تكون بديل جيد جدا للشاور لو معندكيش وقت ، استخدمي فرشة بشعيرات طبيعية ويفضل تكون بايد طويلة عشان تقدري تتحكمي فيها كويس ، التدليك بالفرشة هيساعدك على التخلص من السموم وخلايا الجلد الميتة ، وهتديكي كمان فايدة اضافية وهي ان التقنية البسيطة دي ممكن يكون ليها تأثير منشط ، وده بيخليها مثالية لبدء اليوم.

نصايح صباحية بديلة للشاور

6- استخدام المناديل المبللة “الويبس”:

ممكن كمان الويبس او المناديل المبللة تكون بديلة للشاور ، ممكن تمسحي بيها بشرتك او اي اجزاء تانية من الجسم ، وبديل تاني انك تستخدمي قطعة قماش نضيفة او فوطة مبلولة شوية ومسح بيها الوش والجسم.

7- اللوشن والبرفيوم:

البرفيوم او البادي سبلاش او اللوشن المعطر يعتبر من الحاجات الاكتر شيوعا اللي ممكن تستخدم في حالة لو معندكيش وقت تاخدي شاور عشان تحسسك بانتعاش وتخفي اي روايح في الجسم ، وفي بعض الاماكن الرئيسية اللي ممكن ترشي فيها البرفيوم عشان يدوم معاكي فترة اطول خلال اليوم ، والمناطق دي هي مناطق النبض في الجسم: الرسغ, المنطقة اللي ورا الركبة, الجزء الداخلي من الكوع, ومؤخرة الرقبة, واسفل الضهر.

8- الشامبو الجاف:

عشان تتأكدي ان شعرك شكله مش دهني وملزق ، ممكن تستخدمي الشامبو الجاف قبل ما تخرجي لو معندكيش وقت تغسلي شعرك ، وممكن تستخدميه بالليل قبل النوم وتصحي الصبح بشعر نضيف ، ابدأي الاول بفك تشابك الشعر ، وقسميه لاجزاء ، رشي الشامبو الجاف على جذور الشعر ، وسيبيه لمدة 10 دقايق على ما يشتغل على الشعر ويعمل مفعول وبعدين اتخلصي من البودرة الزيادة وسرحي شعرك.

9- الزيوت العطرية:

ممكن يكون وجود البكتيريا هو واحد من الاسباب المسببة للروايح الكريهة في الجسم ، والزيوت العطرية اللي ريحتها نفاذة زي زيت النعناع, البرتقان, الليمون ، ليها خصائص مضادة للجراثيم ممكن انها تساعد في منع الروايح الكريهة من الجسم ، بالاضافة انها هتديكي ريحة حلوة ومنعشة ، ممكن تستخدمي كمية بسيطة من الزيوت العطرية على المناطق اللي بتعرقي فيها كتير هتحافظ على ريحتك حلوة طول اليوم.

تأثير الاستحمام كل يوم:

كتير من الناس بيعتبر ان الاستحمام كل يوم هي من اكتر العادات الصحية اللي ممكن يعملوها ، واكيد الاستحمام بيساعد على الانتعاش والتخلص من روايح الجسم ، ولكن مع ذلك الافراط في التطهير ممكن كمان يسبب مشاكل زي تهيج الجلد ، واستخدام الصابون كتير على البشرة ممكن يأثر على آلية دفاع بشرتك ، لان جلد الانسان يعتبر موطن او مكان لبعض الكائنات الحية الدقيقة اللي بتساعد على الحفاظ على صحتة ، وعشان كده زي ما بننصح ان الاستحمام يكون اكتر من مرو في الاسبوع ، لكن لازم كمان من غير مبالغة او افراط ، والاستحمام اليومي ممكن ميكونش ضروري في الواقع.

9 طرق تستخدمي بيهم المنتجات منتهية الصلاحية بدل ما ترميهم