6 قطع ملابس موضة للشتاء في 2021
لو عايزة تعرفي احدث صيحات الموضة للشتاء ده ، تابعي معانا موضوع النهاردة هنتعرف فيه على افضل اتجاهات الموضة ، من خلال قايمة باكتر 6 قطع ملابس موضة للشتاء في 2021.
قطع ملابس موضة للشتاء في 2021:
1- السويتر دريس:
السويتر دريس رجع موضة معانا تاني لموسم الشتا ده ، بدل ما تلبسي سويتر منفصل وجيبة ، اختاري قطعة واحدة واعتمدي على السويتر دريس ، وعادة بيكون خامته متماسكة او مصنوع من الصوف الرقيق عشان يديكي لوك حلو ويدفي في نفس الوقت.
ممكن تنسقي معاه Puffer jacket مع بوت بكعب.
2- البالطو الجلد:
البالطو الجلد اختفى من الموضة لفترة طويلة من الوقت ، ولكن رجع تاني بقوة كموضة للشتا في 2021 ، وسواء كان بالطو جلد طويل او بالطو قصير ، فالجلد يعتبر تريندي للموسم ده.
اتأكدي انك تنسقي معاه الوان محايدة او متناسقة مع بنطلون Slimline.
3- ال Puffer jacket:
ال Puffer jacket من افضل القطع اللي ممكن تعتمدي عليها في موسم الشتا ، وهتلاقي منه ستايلات والوان مختلفة ، بما فيهم الطبعات والاطوال المختلفة ، وحتى هتلاقي كمان اللي داخل فيه فرو.
4- موضة السبعينات:
السنة دي رجعت تاني موضة السبعينات بشكل كبير ، سواء في الالوان زي الاحمر, البني, البرتقاني, الزيتوني ، او في الاستايلات زي المنقوش, والمطبوع, او اللي مرسوم بالورد ، بالاضافة للفرو والبنطلونات الواسعة اللي كانت موضة جدا في السبعينات رجعت موضة تاني في 2021.
5- البالطو الطويل او الماكسي:
في حين ان ستايلات الجاكيت اللي قولناها قبل كده ممكن يكون في منها الطويل ، الا ان البالطو الطويل اوي الكلاسيك باي ستايل او لون من موضة شتاء 2021 ، من اول البالطو الجلد الطويل للبالطو الطويل المبطن.
تقدري تلبسي البالطو الطويل فوق اي قطع ملابس شتوية في دولابك ، ونسقي معاه بوت طويل.
6- الطبقات مع ال Hoodies:
ستايل الطبقات من اكتر الستايلات المناسبة لفصل الشتا ، واللي هتستمر موضة معانا لوقت طويل مش هتبطل ، ممكن تنسقي سويتر hoodies فوق تيشرت وانهي اللوك ببالطو جلد.
وتقدري تختاري سويتر hoodies بألوان مختلفة اكيد ، وتقدري حتى تختاريه مطبوع باللوجو او الرسمة المفضلة ليكي؟
في النهاية موضة الشتا ممكن تتغير من سنة للتانية ، ولكن في بعض القطع الكلاسيكية اللي مش بتبطل وتقدري تعتمدي عليها كل شتا ، القايمة دي البعض منها ممكن يستمر لفترة طويلة ، والبعض التاني ممكن يتغير في الشتا الجاي ، يعني خليكي مطمنة انك هترجعي تستخدمي هدومك واكسسواراتك مرة تانية للشتا الجاي لحد ما يجي ميعاد تبديلها او تبطل.