7 نقط ضغط هتساعد على تهدئة الطفل والتقليل من الاحساس بعدم الراحة

ريهام محمود
ريهام محمود
في
صحة
805

كتير من الامهات بيقدروا يعرفوا اذا كان الطفل مريض او حاسس بعدم راحة ، والتدليك الخفيف ممكن انه يساعد في تهدئة الطفل ، لان الاطفال حساسين بشكل خاص للمس الخفيف او علم المنعكسات ، وده اللي بيخلي تحفيز نقط الضغط في القدمين عند الطفل مفيد جدا لصحتة ، دخلي تدليك القدمين في روتينك اليومي مع طفلك وهتشوفي نتايج رائعة جدا ، والنهاردة من خلال موضوعنا هنتعرف على 7 نقط ضغط لتهدئة الطفل وتقليل الاحساس بعدم الراحة.

نقط ضغط لتهدئة الطفل:

1- التسنين:

لو طفلك بيعاني من التسنين ، دلكي الجزء العلوي من اصابع القدم بالراحة ده هيساعد على تخفيف الالم ، النقط المرتبطة بالفك العلوي والسفلي للاسنان موجودة اسفل مفاصل صوابع القدم ، عشان كده الضغط على صوابع الطفل يعتبر علاج طبيعي لألم الاسنان.

نقط ضغط لتهدئة الطفل 1
نقط ضغط لتهدئة الطفل 1

2- سيلان الانف:

فرك صوابع الطفل ممكن انه يساعد على التخلص من الزكام ، النقط الرئيسية المرتبطة بالجيوب الانفية موجودة على طرف وسادة الصوباع الكبير للقدم ، عن طريق تدليك المنطقة دي بالراحة ، تقدري تساعدي طفلك في علاج اعراض البرد وآلام الجيوب الانفية.

نقط ضغط لتهدئة الطفل 2
نقط ضغط لتهدئة الطفل 2

3- الم الصدر:

لو طفلك بيعاني من احتقان في الصدر ، حاولي تدليك المنطقة الموجودة اسفل صوابعة الوسطى التلاتة ، ممكن تضغطي عليها باستخدام طرف الصوباع الابهام وتدليكها لاعلى واسفل ، ممكن كمان تجربي تلفي صوابع ايديكي الاتنين حوالين قد الطفل والضغط بالراحة على المنطقة بالابهام.

نقط ضغط لتهدئة الطفل 3
نقط ضغط لتهدئة الطفل 3

4- الم البطن:

تدليك الجزء الاوسط من قدم الطفل ممكن انه يساعد في علاج التشجنات وعدم الراحة في معدته ، يعتبر التدليك الخفيف على منطقة نص القدم طريقة طبيعية لتخفيف آلام المعدة.

نقط ضغط لتهدئة الطفل 4
نقط ضغط لتهدئة الطفل 4

5- عسر الهضم:

التدليك الخفيف لقدم الطفل ممكن انه يساعد كمان على علاج مشاكل الجهاز الهضمي ، جربي اعملي ضغط خفيف على النقطة اللي بتبعد مسافة 4 صوابع عن صوباع القدم الكبير ، ده هيساعد على تخفيف عسر الهضم وآلام المعدة والغثيان.

نقط ضغط لتهدئة الطفل 5
نقط ضغط لتهدئة الطفل 5

6- آلام الغازات:

تدليك قدمين الطفل ممكن انه يساعد جدا في تخفيف الغازات ، دلكي النقطة الموجودة بين صوابع القدم الكبيرة والصوباع اللي جنبه ، تدليك النقطة دي هيساعد على تخفيف الغثيان, والقيء, والانتفاخ المسبب للغازات.

نقط ضغط لتهدئة الطفل 6

7- الامساك:

اظهرت الدراسات ان تدليك القدم ممكن انه يخفف من الامساك ، افركي كعب الطفل بالراحة لو بيعاني من التهاب البطن ، لان الجزء ده من القدم مرتبط بالمعدة وممكن انه يساعد على التخفيف بشكل طبيعي من المشاكل المرتبطة بالامساك.

نقط ضغط لتهدئة الطفل 7

هل سبق جربتي الطرق دي مع طفلك؟ وهل ساعدتك ولا لا؟

ازاي تفهمي لغة جسد طفلك وتتجاوبي معاها بشكل صح

لغة جسد الطفل
لغة جسد الطفل

مقالات متعلقه

5 اسئلة يومية تسأليهم لاطفالك هتساعدهم على تقوية عقلهم

5 اسئلة يومية تسأليهم لاطفالك هتساعدهم على تقوية عقلهم

طريقة يابانية قديمة هتعالج جسمك بتدليك الايدين بس

طريقة يابانية قديمة هتعالج جسمك بتدليك الايدين بس

افضل 10 اطعمة لتحسين صحة الرحم

افضل 10 اطعمة لتحسين صحة الرحم