12 قاعدة اتيكيت لو عملتيها هيخلوا تعاملاتك اليومية زي تعاملات الملكات

آية حسان
آية حسان
726

فيه أوقات نسأل فسنا إحنا ليه بنعمل الحاجه دي بطريقة معينة وأكيد بيكون فيه سبب منطقي لده، زي مثلا الملكة اليزابيث بتشيل الشنطة في ايدها الشمال دايما لأنها بتبقي عوزة إيدها اليمين فاضية عشان تسلم علي الملوك بيها، المرة الوحيدة اللي ممكن تمسك الشنطة بإيدها اليمين لو عاوزة تنهي كلام مع موظفيها، وده مثال بسيط على تصرف يومي الفرض تعمليه، عشان كده فيه شوية قواعد للاتيكيت لازم تاخدي بالك دايماً، في المقل ده هنقولك 12 قاعدة اتيكيت لو عملتيها هيخلوا تعاملاتك اليومية زي تعاملات الملكات 

12 قاعدة اتيكيت لو عملتيها هيخلوا تعاملاتك اليومية زي تعاملات الملكات 

1- عصر الليمون

عصر الليمون من الحاجات المؤلمة لو دخل في عين شخص معين عشان كده خلي بالك إنك تستخدمي إيدك او المعلقة كدرع وانتي بتعصري الليمون، كمان ده من أصول التعامل لو بتعملي أكل ومعاكي حد في المطبخ. 

عصر الليمون
عصر الليمون

2- حطي المنديل علي رجلك علي شكل مستطيل مش مثلث

لو انتي في مطعم بيكون مناديل العشا أو الأكل كبيرة أوي عشان تحمي هدومك لو وقع عليها أكل، الاتيكيت بيقول  إنك تحطيها علي رجلك على شكل مستطيل ولما تخلصي سيبي المنديل علي الناحية الشمال من طبقك.

حطي المنديل علي رجلك علي شكل مستطيل مش مثلث
حطي المنديل علي رجلك علي شكل مستطيل مش مثلث

3- بلاش ترفعي صوباعك الصغير لما تشربي الشاي

لما تيجي تشربي الشاي مترفعيش صوباعك الصغير أو الخنصر وانتي ماسكة الفنجان أو الكوباية،  بدل كده ممكن تستخدمي السبابة أو الوسطي عشان تسندي الجزء اللي تحت من الكوباية أو الفنجان عشان تشربي.

بلاش ترفعي صوباعك الصغير لما تشربي الشاي
بلاش ترفعي صوباعك الصغير لما تشربي الشاي

4- لما تيجي تعطسي تعملي ايه؟

لما تيجي تعطسي قدام حد استخدمي ايدك الشمال مش اليمين سواء في العطس أو الكُحة عشان رذاذ العطس مايتنقلش لحد أو يجي علي حد.

لما تيجي تعطسي تعملي ايه؟
لما تيجي تعطسي تعملي ايه؟

5- لو فيه عزومة عندك في البيت

 لما تكوني عازمة ناس في البيت علي الغدا أو العشا متقعديش علي السفرة قبل ماضيفك يقعد ويبدأ ياكل، وكمان ماتقوميش الا لما الضيف يخلص اكل ويقوم عشان مايتحرجش يكمل أكله لو لسه جعان، حتى لو كنتي انتي خلصتي اكل. 

لو فيه عزومة عندك في البيت
لو فيه عزومة عندك في البيت

6-  طلبات الضيوف على السفرة

لو عندك ضيوف وطلب منك الملح مثلا، اديله الملح والفلفل مع بعض وده من الاتيكيت، ودايماً اعزمي على ضيوفك بأكل زيادة لأنهم ممكن يبقوا لسه جعانين وعايزين يكملوا أكل بس محرجين.

طلبات الضيوف على السفرة
طلبات الضيوف على السفرة

7- لو عازمة زمايلك في الشغل أو عندك عشاء عمل

لو قررتي تعزمي صاحب الشركة أو ناس معية علي عشاء عمل في مكان أو حتي في بيتك لازم تتكلفي بكل حاجه وتهتمي بكل التفاصيل اللي هتكون موجودة من أول الأكل لحد الاطباق والمعالق محطوطة إزاي لأن ده بيدي انطباع إنك شخص مسؤول ومهتمة باللي حواليكي وطبعا هتكوني انتي المسؤولة عن دفع التكاليف كلها.

لو عازمة زمايلك في الشغل أو عندك عشاء عمل
لو عازمة زمايلك في الشغل أو عندك عشاء عمل

8- لما الضيوف يطلبوا عيش وقت الأكل

 لو انتي في مطعم أو في البيت وبتقدمي سلة العيش متكونيش أول شخص ياخد منها استني لما الضيوف ياخدوا اللي محتاجينه وخدي انتي بعد كده وده برده من الاتيكيت.

لما الضيوف يطلبوا عيش وقت الأكل
لما الضيوف يطلبوا عيش وقت الأكل

9- تقليب الشاي

 لما تيجي تقلبي الشاي بذات قدام حد لازم يكون في اتجاه عقارب الساعة يعني من اليمين للشمال مش العكس.

تقليب الشاي
تقليب الشاي

10- شنطة ايدك 

 شنطة إيدك شيليها دايما علي دراعك الشمال لان بيكون شكلها أحلي وكما إيدك اليمين بتكون متاحة إنك تستخدميها بشكل أسهل وأريح خصوصا لو هتقابلي حد وتسلمي عليه. 

شنطة ايدك
شنطة ايدك

11- باقي الأكل وانتي بره 

 لو عندك عشاء عمل واتبقي أكل كتير بلاش تطلبي الباقي لأن ده مش من الذوق خصوصاً لو فيه ناس متعرفهاش أو لشغل مهم.

باقي الأكل وانتي بره
باقي الأكل وانتي بره

12- تقعدي إزاي علي الكرسي؟

 لما تيجي تقعدي علي كرسي السفرة أو في مطعم اقعدي من الناحية الشمال ولما تقومي من علي الكرسي يكون من الناحية اليمين.

تقعدي إزاي علي الكرسي؟
تقعدي إزاي علي الكرسي؟

اعرفي معانا كمان 16 قاعدة اتيكيت وآداب عامة لازم تنفذيهم في حياتك !

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024