طريقة عمل عصير الليمون واللافندر لعلاج الصداع والقلق

ريهام محمود
ريهام محمود
في
صحة
388

كلنا بنعاني من الصداع والقلق بشكل شبه يومي تقريبا بسبب الضغوط والارهاق اللي ممكن نكون بنتعرض له كل يوم ، ومن افضل الحاجات اللي ممكن تساعدك على التخلص من المشكلة دي هي الحاجات الطبيعية ، والنهاردة هنشارك معاكم طريقة عمل عصير الليمون واللافندر لعلاج الصداع والقلق بشكل فعال ، وهنتعرف على فوايده الصحية كلها.

فوايد زيت اللافندر:

لو عايزة حل صحي يستمر معاكي للتعامل مع الاثار الجانبية للتوتر ، انسب حاجة هو زيت اللافندر هو من انواع الزيوت الاساسية القوية جدا المعروف بخصائصة العلاجية الرائعة ، زيت اللافندر بيحتوي على اكتر من 150 مركب نشط ، ويعتبر مضاد فعال للاكتئاب, مضاد للالتهابات, ومهديء للاعصاب.

وكتير من الدراسات اثبتت ان زيت اللافندر ممكن يكون مفيد لكتير من الحالات الصحية ، بما فيهم الارق, والثعلبة (تساقط الشعر في اماكن معينة), والقلق, والتوتر, وآلام ما بعد الجراحة ، كمان اللافندر بيحتوي على خصائص مضادة للبكتيريا والفيروسات.

وفي دراسات كتير ثبت ان زيت اللافندر فعال في تقليل القلق, وخفض معدلات النبض ، والمرضى اللي بيعتمدوا على العلاج بالروايح صرحوا ان اللافندر ساعدهم على انخفاض ملحوظ في مستويات التوتر قبل العملية ، لانه بيحتوي على خصائص مهدئة قوية.

بالاضافة لده زيت اللافندر بيحتوي على خصائص مضادة للاكتئاب وثبت انه بيساعد على النوم ، ودلوقتي هنشوف بعض الفوايد التانية لزيت اللافندر:

– العلاج بزيت اللافندر بيزود تحمل الالم عند الاطفال والبالغين.

– تخفيف الاكتئاب والقلق للاشخاص اللي بيعملوا علاج غسيل الكلى.

– المرضى اللي بيستخدموا زيت اللافندر كعلاج بالشم نتايجهم اظهرت انخفاض في القلق وزيادة مستويات اليقظة بعد شم الزيت.

– شمه بيساعد على تحسين الحالة المزاجية.

– بيساعد على خفض مستويات القلق والتوتر خصوصا للمرضى اللي حالتهم ممكن تكون خطر.

زيت الافندر الجسم بيستقبله بشكل كويس جدا ، عشان كده يعتبر زيت مثالي للاستهلاك اليومي ، وتقدري تدخليه بشكل يومي في نظامك عن طريق عصير الليمون واللافندر اللي هنعرف مكوناته وطريقته دلوقتي مع بعض.

فوايد زيت اللافندر
فوايد زيت اللافندر

عصير الليمون واللافندر لعلاج الصداع والقلق:

شرب عصير الليمون واللافندر ممكن انه يساعد في علاج مشاكل صحية كتير ، منها:

– الالتهاب.

– الصداع.

– الاكتئاب والقلق.

– ضغط الدم المرتفع.

– الارق او صعوبة النوم.

وبصرف النظر عن شرب عصير الليمون واللافندر ، زيت اللافندر لوحده ممكن يساعدك بشكل كبير في حاجات كتير زي:

– مضاد للفطريات: يعتبر علاج طبيعي لالتهابات الجلد والاظافر.

– مطهر: منظف طبيعي للبشرة.

– مضاد للجراثيم: بيدمر او بيوقف نمو البكتيريا.

– مضاد للاتهابات: بيقلل من الالتهابات في اجزاء مختلفة من الجسم.

– مضاد للميكروبات: بيقتل او بيوقف الكائنات الدقيقة المسببة للامراض.

– مضاد للتشنج: يخفف من التشنجات بما فيهم تشنج العضلات.

– مسكن: يعتبر مسكن طبيعي وبيمنع مجموعة من الاعراض المرتبطة بالألم.

– ديتوكس: بيساعد على تطهير الدم وتنقية الكبد والكلى.

دلوقتي بعد ما عرفنا بالتفصيل كل الفوايد الصحية لزيت اللافندر ، هنعرف طريقة عمل عصير بسيط ولذيذ من الليمون واللافندر عشان نستفاد من كل فوايده ، وتقدري تشربي العصير بشكل يومي او كل ما تحسي بارهاق عقلي وجسدي.

عصير الليمون واللافندر لعلاج الصداع والقلق 1
عصير الليمون واللافندر لعلاج الصداع والقلق 1

مكونات عصير الليمون واللافندر:

– 1 كوباية عسل.

– 12 كوباية مية.

– نقطة واحدة من زيت اللافندر.

– 6 حبات ليمون.

طريقة التحضير:

قشري الليمون واعصريه ، واخلطي كل المكونات مع بعض كويس في الخلاط وحطيه يسقع في التلاجة ، ممكن تظبطي الطعم زي ما انتي عايزة باضافة مية او عسل زيادة لو حبيتي ، وكده العصير يبقى جاهز اشربي منه يوميا.

عصير الليمون واللافندر لعلاج الصداع والقلق 2
عصير الليمون واللافندر لعلاج الصداع والقلق 2

مقالات متعلقه

4 تسريحات شعر ممكن تسبب لك الصداع

4 تسريحات شعر ممكن تسبب لك الصداع

5 حاجات ممكن تسبب لك الصداع ، وازاي تمنعي او تخففي الألم

5 حاجات ممكن تسبب لك الصداع ، وازاي تمنعي او تخففي الألم

5 تقينات ذكية ممكن تساعدك على تخفيف التوتر بسرعة

5 تقينات ذكية ممكن تساعدك على تخفيف التوتر بسرعة