8 وجبات خفيفة صحية قبل النوم هتساعدك تنامي بشكل افضل

بقلمريهام محمود فيصحة visibility1

في بعض الاطعمة الجيدة في انتاج الهرمونات والمواد الكيميائية الطبيعية في جسمك اللي بتساعد على النوم بشكل افضل ، والاكلات دي مش بس مفيدة للجسم ، ولكن كمان هتخليكي تنامي نوم عميق ومريح ، والنهاردة هنتعرف مع بعض على 8 وجبات صحية هتساعدك على النوم.

وجبات صحية هتساعدك على النوم:

1- موز + زبدة اللوز:

الوجبة دي قبل النوم هي اختيار صحي ولذيذ ، الموز وزبدة اللوز فيهم نسبة عالية من البوتاسيوم والمغنيسيوم اللي بيساعدوا على النوم ، بالاضافة ان يهم فوايد صحية ، الموز يعتبر مصدر كبير لفيتامين C الضروري لنمو الانسجة ، وزبدة اللوز بتحتوي على نسبة عالية من الدهون الاحادية غير المشبعة المعروفة بتخفيض الكوليسترول الضار ورفع الكوليسترول الجيد ، وزبدة الجوز كمان بتساعد على تحسين صحة القلب.

وجبات صحية هتساعدك على النوم
وجبات صحية هتساعدك على النوم

2- زبادي + جرانولا:

الزبادي والجرانولا الاتنين مصادر غنية بالبروتين واللي ممكن تحسسك بالشبع لفترة اطول ، الوجبة دي بتساعد على تقليل الرغبة الشديدة في اكل الايس كريم او غيرها من الحلويات السكرية في وقت متأخر بالليل ، والافضل انك تستخدمي الزبادي اليوناني بدل الزبادي العادي لانه بيحتوي على حمض اميني هو التربتوفان ، وده بيزود من الميلاتونين والسيروتونين في اللي هيخليكي تنامي بشكل افضل ، الجرانولا كمان ليها فوايد صحية ليها قدرة على تحسين ضغط الدم, خفض مستويات الكوليسترول وتحسين صحة الامعاء.

وجبات صحية هتساعدك على النوم

3- الفشار:

الفشار من غير زبدة او اي دهون يعتبر وجبة خفيفة صحية تقدري تاكليها قبل النوم لو حسيتي بالجوع بدل ما تاكلي حاجات فيها دهون غير صحية ممكن تسبب زيادة الوزن ، لانه منخفض الكربوهيدرات والسعرات الحرارية ، بالاضافة ان الفشار بيسمح للجسم بافراز هرمون السيروتونين اللي هيساعدك على النوم.

وجبات صحية هتساعدك على النوم

4- البيض المسلوق:

يعتبر البيض المسلوق من افضل الوجبات الخفيفة الصحية اللي ممكن تاكليها قبل النوم ، البيض بيحتوي على البروتين اللي بيدي للجسم مستويات متوازنة من السكر في الدم ويخليكي نايمة طول الليل ، بياض البيض بيساعد على انتاج الميلاتونين وكمان الحمض الاميني التريبتوفان اللي هيساعدك على النوم بشكل افضل بالليل ، في كتير من الناس بيفكروا ان صفار البيض مضر بسبب ارتفاع مستويات الكوليسترول في الدم ، ولكن في الحقيقة هو مش كده ، اللي مش بياكلوا صفار البيض بيخسروا كتير من العناصر الغذائية اللي موجودة فيه ، صفار البيض بيحتوي على لوتين وزياكسانثين اللي بيدعموا صحة العين والدماغ ، ولكن افتكري بس انك تاكلي صفار البيض باعتدال ، ولازم البيض يكون مسلوق كويس.

وجبات صحية هتساعدك على النوم

5- الارز الابيض:

الارز بيحتوي على مؤشر عالي من نسبة السكر في الدم وده هيساعدك على الشعور بالشبع وهيحسن نوعية النوم ، وبعد اكل الارز بيتم انتاج الانسولين اللي بدوره بيساعد على انتاج حمض التريبتوفان الاميني اللي بيساعد على النوم ، واثبت الدراسات ان الاشخاص اللي بياكلوا ارز ابيض ناموا بشكل افضل من الاشخاص اللي بياكلوا مكرونة او خبز ، ولكن مع ذلك ، ضروري اكل الارز بكميات معتدلة بسبب قلة الالياف فيه ومحتواه العالي من الكربوهيدرات.

وجبات صحية هتساعدك على النوم

6- الكيوي:

الكيوي يعتبر واحد من افضل الوجبات الخفيفة الصحية اللي ممكن تاكليها قبل النوم ، لانه بيساعد على انتاج هرمون السيروتونين اللي بيساعد على تنظيم دورة النوم ، بالاضافة انه بيحتوي على خصائص مضادة للالتهابات زي فيتامين C اللي بيساعد كمان على النوم ، الكيوي كمان ليه فوايد صحية تانية بيساعد على الهضم, خفض ضغط الدم, حماية الرؤية, وتقوية جهاز المناعة ، حتى انه بيساعد في علاج الربو ، يعتبر طعام رائع تاكلية مش بس قبل النوم ، ولكن في اي وقت من اليوم.

7- الشاي الاخضر مع العسل:

ده ميعتبرش وجبة خفيفة ، ولكن يستحق اضافتة للقايمة ، الشاي الاخضر بيحتوي على مركب الثيانين اللي بيساعد على تحسين النوم بشكل افضل من خلال تقليل التوتر ، ولكن اتأكدي انك تختاري شاي اخضر بيحتوي على نسبة منخفضة من الكافيين لانه الكافيين ممكن يخليكي متناميش ، العسل كمان مفيد جدا للنوم لانه بيغذي عقلك طول الليل ، وبيحتيو على مركب الميلاتونين ، وبيساعد على تحسين المناعة ، استخدمي العسل لتحلية الشاي الاخضر بدل السكر وشربه قبل النوم.

8- اللوز:

اللوز مصدر كبير للميلاتونين والمغنيسيوم ، اللي بيساعدوا على تحسين النوم ، وممكن انه يساعد كمان في تقليل مستويات التوتر عن طريق خفض هرمون الكورتيزول ، اللي هو هرمون التوتر ، اتأكدي بس انك تختاري اللوز اللي مافيهوش كتير من النكهات المضافة او الصوديوم ، ومن الفوايد التانية للوز ، خفض الكوليسترول السيء, ومساعدة الاكسجين والمواد الغذائية على التدفق بحرية في كل اجزاء الجسم ، وتحسين صحة القلب.

تكنيك مذهل وفعال للتخلص من الارق هيخليكي تنامي في دقيقة واحدة بس !

طريقة للتخلص من الارق
طريقة للتخلص من الارق