احلى اماكن الخروج في رأس السنة
في ظل ظروف فيروس كورونا اللي بنعيشها وانه تم الغاء الحفلات في رأس السنة ، لكن ده اكيد مش هيمنع اننا نحتفل وننبسط في اليوم ده ، لانه متاح لينا اماكن تانية مفتوحة نقدر نعيش فيها اجواء الكريسماس والسنة الجديدة ، والنهاردة جمعنالكم احلى اماكن الخروج في راس السنة تقدروا تتفسحوا وتخرجوا فيها مع اصحابكم وعيلتكم وتحتفلوا في اجواء حلوة.
اماكن الخروج في رأس السنة:
القاهرة:
1- التجمع الخامس:
التجمع الخامس شارع التسعين تقريبا عودنا بقاله كام سنة انه بيبهرنا بزينة واحتفالات الكريسماس وراس السنة ، والمكان مفتوح لكل الناس تقدروا تتصوروا وتعيشوا الاجواء براحتكم.
2- الشيخ زايد:
كمان الشيخ الزايد من الاماكن اللي ممكن تروحوا تقضوا فيها وقت حلو وتعيشوا اجواء الكريسماس والسنة الجديدة ، وبشكل خاص في اركان مول اللي تقدروا تتصوروا فيه مع زينة الكريسماس ، وفي هناك مجموعة كبيرة من الكافيهات والمطاعم .
في كمان Walk of cairo ، و Capital business park ، ومول سيتي ووك.
3- المولات:
مول مصر, مول العرب, كايرو فيستيفال, سيتي ستارز ، وهنلاقي تقريبا المولات الكبيرة كلها فيها اجواء واحتفالات الكريسماس والسنة الجديدة.
الاسكندرية:
1- المولات:
مول سيتي سنتر (كارفور) كل سنة بيكون في اجواء احتفالية وزينة الكريسماس وراس السنة ، والسنة دي موجود باند بيعزفوا ويغنوا ، ممكن تروحوا تتصوروا وتقضوا وقت حلو.
كمان مول سان ستيفانو, ومول سيتي سكوير من الاماكن اللي ممكن تروحوا تتصوروا فيها وتعيشوا فيها اجواء السنة الجديدة.
2- كازينو الشاطبي:
كازينو الشاطبي هنلاقي فيه مجموعة مطاعم وكافيهات كتير ، وبيكون فيه كمان اجواء احتفالية بالسنة الجديدة.
3- جليم باي:
من الاماكن اللي لسه جديدة في اسكندرية كمان فيها مجموعة كبيرة من المطاعم والكافيهات اللي تقدروا تقضوا فيها وقت حلو مع زينة السنة الجديدة.
4- تيفولي دوم:
تيفولي دوم كمان من الاماكن المفتوحة اللي تقدروا تقضوا فيها اجواء الكريسماس والسنة الجديدة وتتصوروا وتقضوا وقت ممتع ، والمكان بيضم مجموعة كبيرة من المطاعم والكافيهات.