ليه غسيل وجهك لمدة 60 ثانية على الاقل ممكن يغير بشرتك للافضل

ريهام محمود
ريهام محمود
في
بشرة
1731

البشرة الصحية مش بتحتاج لمنتجات عناية كتير او غالية ، وسر المظهر الصحي ده للبشرة ممكن يعتمد على حاجة بسيطة جدا وهي المدة اللي بتاخديها في غسل البشرة ، لازم تبدأي تهتمي بالموضوع ده وهتلاحظي نتايج رائعة وملحوظة في وقت قصير ، تعالوا نعرف مع بعض من خلال السطور الجايه ، فوايد غسل الوجه لمدة 60 ثانية وازاي الانتظام على القاعدة دي ممكن انه يحسن بشرتك.

فوايد غسل الوجه لمدة 60 ثانية:

واحدة من المتخصصين في العناية بالبشرة ، بتنصح ان غسل الوجه والرقبة المفروض ياخد مننا 60 ثانية على الاقل.

فوايد غسل الوجه لمدة 60 ثانية 1
فوايد غسل الوجه لمدة 60 ثانية 1

ضروري تسيبي غسول الوجه على البشرة:

خلال فترة النهار ، ممكن انه تتراكم كتير من البكتيريا على الجلد بالاضافة للمكياج اللي ممكن انه يدخل جوه مسام البشرة ، وبالتالي انتي في الحالة دي محتاجة تغسلي بشرتك بالغسول لمدة طويلة عشان تسمحي لمكونات الغسول انها تبدأ في العمل ، وتكسير وازالة الاوساخ والاتربة والمكياج بشكل افضل ، ده هيساعد على تحسين مظهر البشرة ، وهيخلي بشرتك ناعمة اكتر ، وهيدوب الدهون اللي بتسد المسام.

والطريقة دي الافضل استخدام معاها انواع غسول زيتية ، ولكن تقدري كمان تستخدمي الانواع التانية زي الغسول الرغوي, والكريم, والجل ، واتجنبي انواع الغسول الكاشطة زي المقشر ، لانها ممكن تضر البشرة لو تم استخدامها لفترة طويلة.

فوايد غسل الوجه لمدة 60 ثانية 2
فوايد غسل الوجه لمدة 60 ثانية 2

اتعاملي مع كل منطقة على الوجه بعناية:

الاجراء ده ممكن يكون مفيد خصوصا للمسام ، لانه لما بتختلط خلايا الجلد الميتة والبكتيريا الموجودة على وجهك بزيت الوجه الطبيعي (اللي بتنتجه الغدد الدهنية) ده بيسبب تراكم الزهم اللي بيسد المسام ، وده ممكن يأدي بعد كده للرؤوس السودا والبيضا ، وفي الحالة دي تنضيف كل منطقة في الوجه بعناية هيساعد في تقليل المشاكل دي.

فوايد غسل الوجه لمدة 60 ثانية 3
فوايد غسل الوجه لمدة 60 ثانية 3

طريقة غسل الوجه بتلعب دور كبير:

خبراء التجميل بيأكدوا ان كل حاجة لازم يتم فيها استخدام صوابعك بس ، متستخدميش فرش غسل الوجه, او الاسفنج, او فوطة الوجه ، ولكن دلكي بشرتك بشكل لطيف ومفيد بدل استخدام حاجات قاسية ممكن تضره ، والتدليك ده هيساعد على تحسين الدورة الدموية ، واللي ليها اثار ايجابية على البشرة ، زي تقليل التجاعيد وتحسين مظهر البشرة.

والطريقة دي مناسبة لكل انواع البشرة ، من اول الدهنية لحد الجافة.

فوايد غسل الوجه لمدة 60 ثانية 4

حاولي على قد ما تقدري انك تاخدي وقتك في غسيل البشرة وتاخدي القاعدة دي فرصة ووقت للاسترخاء ، ومتنسيش المناطق المحيطة بالعين, والانف, والجبهة, والرقبة دلكيهم كويس ، ممكن عشان تخلي الوقت ممتع اكتر ، ممكن تدلكي بشرتك وانتي بتسمعي موسيقى او اغاني جنبك ، وتاخدي وقتك.

يا ترى بتقضي وقت قد ايه في غسيل بشرتك؟

فوايد غسل الوجه لمدة 60 ثانية 5

مقالات متعلقه

ليه غسل الوجه مرة واحدة في اليوم كافي جدا للبشرة!

ليه غسل الوجه مرة واحدة في اليوم كافي جدا للبشرة!

تنضيف البشرة في البيت بمكونات طبيعية

تنضيف البشرة في البيت بمكونات طبيعية

تنضيف المسام الواسعة في الوجه خلال اسبوع

تنضيف المسام الواسعة في الوجه خلال اسبوع