3 وصفات سموزي للفطار سهلة وسريعة

ريهام محمود
ريهام محمود
581

الفطار هو اهم وجبة في اليوم لان هو اللي بيدينا طاقة طول اليوم ، لكن معظم الوقت ممكن ميكونش عندنا الوقت الكافي الصبح لتجهيز فطار صحي ، عشان كده النهاردة هنقولكم على 3 وصفات سموزي للفطار سهلة وسريعة تحضريها في دقايق ، وفي نفس الوقت صحي ومغذي.

ايه فوايد السموزي ده:

– هيديكي طاقة اكتر لجسمك.

– هيخليكي مركزة اكتر.

– هيخلي عقلك يشتغل بشكل احسن.

– هيخليكي حاسه بالرضا عن نفسك طول اليوم ، وحاسه براحة.

فوايد السموزي
فوايد السموزي

3 وصفات سموزي للفطار:

1- سموزي الشوكولاتة:

الحاجات اللي هتحتاجيها:

– 1 ½  معلقة كبيرة بروتين بودر بطعم الشوكولاتة (ممكن تستخدموا بروتين جروث فورميلا وهتلاقوا منه في الصيدلية نكهات مختلفة).

– ½ موزة.

– ½ كوباية من التوت البري طازة او مجمد (ممكن تستخدموا العنب كبديل).

– 2 حبة تمرمنزوع النواة.

– 1 كوباية من حليب الصويا (ممكن تستخدمي اللبن العادي او مية).

الطريقة:

كل اللي هتعمليه هتضربي كل المكونات مع بعض في الخلاط لمدة دقيقة واحدة تقريبا لحد ما المكونات كلها تمتزج مع بعض كويس ، وكده السموزي يبقى جاهز للشرب على طول.

وصفات سموزي للفطار 1
وصفات سموزي للفطار 1

2- سموزي الفراولة والفانيليا:

الحاجات اللي هتحتاجيها:

– 1 ½ معلقة كبيرة بروتين بودر بطعم الفانيليا.

– 2 معلقة كبيرة كاجو.

– 1 كوباية فراولة طازة او مجمدة.

– 1 معلقة صغيرة عسل نحل.

الطريقة:

اضربي كل المكونات في الخلاط لمدة دقيقة تقريبا ، لحد ما تمتزج مع بعض كويس ، وكده يبقى السموزي جاهز.

وصفات سموزي للفطار 2
وصفات سموزي للفطار 2

3- سموزي التوت الاحمر والموز والسبانخ:

الحاجات اللي هتحتاجيها:

– ½ كوباية توت (ممكن تستبدليه بالفراولة).

– ½ موزة.

– 1 كوباية صغيرة سبانخ.

– 1 كوباية لبن.

الطريقة:

اضربي كل المكونات في الخلاط من 45 – 60 ثانية ، وابدأي يومك بشكل صح مع كوباية سموزي صحي ومغذي وطعمه لذيذ.

وصفات سموزي للفطار 3

5 وصفات للفطار لذيذة جدا تقدري تعمليهم في 5 دقايق بس

وصفات للفطار
وصفات للفطار

مقالات متعلقه

كرات الفرنش توست المحمصة السهلة

كرات الفرنش توست المحمصة السهلة

سموزي للفطار عالي السعرات الحرارية (2500 سعرة حرارية) لزيادة الوزن

سموزي للفطار عالي السعرات الحرارية (2500 سعرة حرارية) لزيادة الوزن

12 وصفة سموزي للفطار تحضريهم في اقل من 5 دقايق

12 وصفة سموزي للفطار تحضريهم في اقل من 5 دقايق