ازاي تخلي شفايفك ناعمة قبل ما تحطي الروج عشان يطلع شكله احلى

ريهام محمود
ريهام محمود
في
مكياج
1975

مكياج الشفايف ضروري سواء هتحطي ملمع شفايف بس او روج ، لكن في بعض الاحيان الشفايف بتكون متشققة وجافة وده بيخلي الروج يطلع شكله مش حلو ومقشر على الشفايف ، عشان كده النهاردة هنقولك ازاي تخلي شفايفك ناعمة قبل الروج.

ازاي تخلي شفايفك ناعمة قبل الروج:

الحاجات اللي هتحتاجيها:

– بوله صغيرة فيها مية دافية.

– فرشة اسنان.

– لوشن او كريم زي نيفيا او اي نوع تاني تفضليه.

– زبدة كاكاو.

– قطعة قطن.

– الفونديشين والكونسيلر المعتاد بتاعك.

– قلم تحديد الشفايف, روج وملمع شفايف.

ازاي تخلي شفايفك ناعمة 1
ازاي تخلي شفايفك ناعمة 1

الخطوات:

1- الخطوة 1:

اغمسي فرشة الاسنان في المية الدافية ، لمدة دقيقتين ، والافضل تكون فرشة الاسنان مستعملة قبل كده عشان تبقى مرنة شوية متستخدميش فرشة جديدة وصلبة لانها ممكن تأدي لتآكل سطح الجلد وهتعمل نتيجة عكسية وهتخلي الشفايف جافة اكتر وتجرح شفايفك ،  استخدمي فرشة الاسنان بالراحة في حركات دائرية للتخلص من من كل القشر الجاف على الشفايف.

ازاي تخلي شفايفك ناعمة 2
ازاي تخلي شفايفك ناعمة 2

2- الخطوة 2:

استخدمي كريم تقيل او لوشن واعملي مساج للشفايف.

ازاي تخلي شفايفك ناعمة 3
ازاي تخلي شفايفك ناعمة 3

3- الخطوة 3:

استخدمي قطعة القطن شيلي بيها الكريم الزيادة من على الشفايف.

ازاي تخلي شفايفك ناعمة 4
ازاي تخلي شفايفك ناعمة 4

4- الخطوة 4:

حطي زبدة الكاكاو واعملي بيها حركات تدليك خفيفة عشان تهدي الشفايف وتخليها ناعمة اكتر.

ازاي تخلي شفايفك ناعمة 5
ازاي تخلي شفايفك ناعمة 5

5- الخطوة 5:

حطي الكونسيلر على الشفايف وادمجيه كويس ، الكونسيلر مهمته توحيد لون الشفايف خصوصا لو لون الشفايف غامق.

ازاي تخلي شفايفك ناعمة 6
ازاي تخلي شفايفك ناعمة 6

6- الخطوة 6:

حطي الفونديشن بفرشة الشفايف ، وادمجيه كويس ، الفونديشن هنا وظيفته تثبيت الروج لفترة اطول.

ازاي تخلي شفايفك ناعمة 7
ازاي تخلي شفايفك ناعمة 7

7- الخطوة 7:

بعد طبقة الفونديشن ، حطي طبقة كريم تانية بس المرة دي استني لما شفايفك تتشرب الكريم كويس ، وبعدين امسحي الكريم الزيادة بالراحة بقطعة قطن او بمنديل ورق ، والخطوة دي ضرورية لان الفونديشن ممكن يسبب جفاف شوية للشفايف ، وخصوصا لو انتي اصلا شفايفك جافة ومتشققة.

ازاي تخلي شفايفك ناعمة 8

8- الخطوة 8:

ارسمي شفايفك بقلم تحديد الشفايف.

ازاي تخلي شفايفك ناعمة 9

9- الخطوة 9:

دلوقتي خطوة وضع الروج ، استخدمي روج مرطب باللون اللي تختاريه ، ولو عايزة تستخدمي الروج المات كمان مش هيبقى في مشكلة لانك بالفعل رطبتي شفايفك مرتين قبل وضع الروج فمش هيسبب جفاف للشفايف.

ازاي تخلي شفايفك ناعمة 10

10- الخطوة 10:

الخطوة الاخيرة اختيارية لو حابه تعمليها وهي استخدام الليب جلوس او ملمع الشفايف.

ازاي تخلي شفايفك ناعمة 11

11- الخطوة 11:

دلوقتي شفايفك مثالية وناعمة ونضرة ، والروج هيظهر شكله حلو من غير تشققات او قشور.

ازاي تخلي شفايفك ناعمة 12

افضل 11 حيلة تعمليهم بالروج لشفايف جذابة

حيل بالروج لشفايف جذابة
حيل بالروج لشفايف جذابة

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

6 نصايح مكياج عشان تبين اسنانك لونها ابيض

6 نصايح مكياج عشان تبين اسنانك لونها ابيض

3 حاجات ضروري تعمليهم دايما قبل ما تحطي الروج المات

3 حاجات ضروري تعمليهم دايما قبل ما تحطي الروج المات