8 نصايح سهلة لخسارة الوزن في 14 يوم

بقلمريهام محمود فيتخسيس الوزن visibility749

في طرق من خلالها تقدري تتغلبي على الدهون الزيادة ، من غير ما تجوعي نفسك ، او تاخدي حاجات علاجات تخسيس ، او تضاعفي ممارسة التمارين الرياضية عشان تخسسي وزنك ، بدل كل ده ممكن تجربي روتين بسيط هيساعدك تخسي من غير ما يدمرلك حياتك او يغيرها ، النصايح اللي هنعرفها مع بعض دلوقتي اختاري منها 4 على الاقل تنتظمي عليهم ، ودخليها في جدولك لمدة 14 يوم ورا بعض ، ولو حابه انك تخسي اكتر ممكن تزودي زي ما انتي عايزة ، كل ما زادت التغييرات  اللي هتجربيها ، كل ما فقدتي وزن اكتر في نهاية الاسبوعين ، تعالوا نتعرف مع بعض في السطور الجايه على 8 نصايح لخسارة الوزن.

نصايح لخسارة الوزن:

لو انتظمتي مع النصايح البسيطة دي ، ده ممكن يخليكي تخسري وزن لحد 9 كيلو في خلال اسبوعين ، والميزة انك مش محتاجة تمارسي تمارين رياضية بشكل مكثف او تمشي على نظام غذائي قاسي.

1- اشربي مية بس:

الغي مشروبات الطاقة او الرياضية, عصاير الفاكهة ، لان كوباية واحدة منهم بتحتوي على حوالي 100 سعرة حرارية ، وبعض السوايل التانية ممكن تكون بتحتوي على نسبة عالية من الصوديوم والكربوهيدرات ، وده هيخلي جسمك يحتفظ بالمية ويبقى منتفخ.

من ناحية تانية المية مش بتحتوي على سعرات حرارية وكربوهيدرات ونسبة قليلة من الصوديوم او من غير ، وده بيخلي المية هي المشروب المثالي ، والحقيقة ان المية كمان بتساعد على التخلص من وزن المية الزيادة بالاضافة لتنشيط عملية التمثيل الغذائي اللي بتساعد على الحرق ، وعشان متزهقيش من شرب المية كتير ممكن تضيفي لها اضافات زي شرايح الليمون او اوراق النعناع.

نصايح لخسارة الوزن
نصايح لخسارة الوزن

2- اتجنبي الكربوهيدرات المكررة ، واستبدليها بالخضار:

الكربوهيدرات البسيطة الموجودة في الارز الابيض, المكرونة, الساندوتشات ممكن انها تدمر وزنك لانها بتتهضم بسرعة جدا ، وده هيخليكي تحسي بالجوع بسرعة ومعرضة اكتر للافراط في الاكل.

وبدل ما تستبدلي الاطعمة دي بمنتجات صحية زي الخبز المصنوع من الحبوب الكاملة ، واللي بيكون مليان بالالياف اللي ممكن تأدي في بعض الاحيان للانتفاخ ، كلي الخضروات لمدة اسبوعين بدل الارز ، ممكن تجربي “ارز القرنبيط” بانك تبشري القرنبيط وتسويه يبقى زي الارز ، بدل البطاطس المقلية والصوصات ، استبدليها بالجزر مع اي تغميسة تفضليها.

وكمان الكربوهيدرات المعقدة في الخضروات بتتهضم بشكل ابطأ من الكربوهيدرات البسيطة ، وبالتالي هتفضلي حاسه بالشبع لقترة اطول ، ولان الخضار في العادة بيكون عبارة عن مية ، ده هيساعد في التخلص من وزن المية الزيادة من الجسم.

نصايح لخسارة الوزن

3- مارسي تمارين الكارديو لمدة 30 دقيقة على الاقل يوميا:

اي تمرين بيرفع معدل ضربات قلبك هيحرق السعرات الحرارية ، وهتحرقي سعرات حرارية اكتر لو اختارتي روتين لتمارين الكارديو بيشتغل على عضلات تانية في نفس الوقت.

في 3 تمارين كارديو تقيلة المفروض تعتمدي عليها لتسريع التمثيل الغذائي وحرق الدهون:

تمارين الدوران Spinning,  الكيك بوكسينج kickboxing,  وتمارين boot-camp ، مارسي كل واحد منهم لمدة 30 دقيقة كل واحد منهم هيحرق من 200 – 300 سعر حراري خلال النص ساعة مع تقوية الذراعين, الساقين, والجذع.

نصايح لخسارة الوزن

4- اشربي قهوة قبل ساعة من جلسة التمارين:

ده الاستثناء الوحيد من قاعدة شرب المية بس وتجنب اي مشروب تاني ، بالظبط زي ما القهوة الصبح بتخليكي فايقة واكتر انتاجية ، فنجان قهوة قبل التمرين مع شوية لبن خالي من الدسم (حوالي 11 سعرة حرارية) او تشربيها سادة من غير لبن (5 سعرات حرارية بس) ده هيخليكي انشط في التمرين ، وهتحرقي سعرات حرارية اكتر من غير ما تحسي انك بتتمرني زيادة عن اللزوم او تتعبي.

نصايح لخسارة الوزن

5- اعملي 100 تمرين سكوات كل يوم:

السكوات بيساعد على نحت العضلات ، اعملي 50 تمرين سكوات كل يوم الصبح اول ما تقومي من النوم  و 50 كمان قبل النوم على طول ، السكوات بيشتغل على عضلات المؤخرة, الوركين, والفخدين ، واثناء تمرين السكوات استخدمي اوزان حرة (ولو مش متوفر عندك اوزان ممكن تستخدمي ازازة مية مليانة) عشان التمرين يديكي نتيجة افضل.

6- نامي لمدة 30 دقيقة اضافية في اليوم:

نص ساعة اضافية ، سواء كنتي بتنامي 5 ساعات او 8 ساعات ، ممكن تنعشك اكتر بما فيه الكفاية عشان تاخدي خيارات طعام افضل ، يعني مثلا مش هتفكري تاكلي سكريات على الفطار عشان تديكي طاقة اكتر ، ومش هتحسي بالخمول او هتكسلي تعملي رياضة ، النوم المريح من 7 – 8 ساعات هو الافضل ، لانه بيزود عملية الحرق ، ولان الجسم بيبني العضلات اثناء الغفوة ، ده معناه ان النوم فترة اضافية بيساوي قوة عضلية افضل.

7- ضحي بنوع اكل واحد في اليوم:

ممكن الاستغناء عن نوع اكل واحد بس انتي كنتي متعودة عليه يفرق معاكي ، زي مثل البطاطس المقلية مع الغدا او الحلويات والشوكولاتة مع العشا ، الاستغناء عنها هيشيل سعرات حرارية كتير من نظامك الغذائي ، وده هيترجم لكمية اقل من الدهون ، وصدقي او لا ، مش هتحسي بالفرق فعلا غير لما تستغني عنهم هتحسي قد ايه انهم بيفرقوا في وزنك.

8- كلي سمك سلمون اكتر:

السمك السلمون مليان بالمغذيات اللي بتساعد على بناء قوة العضلات وبتدي البشرة كمان توهج صحي ، وبعض خبراء التغذية صرحوا ان اكل حصة من سمك السلمون في وجبتك (بغض النظر عن طريقة الطبخ) ممكن انه ينحف الوش ويخليه متحدد اكتر.

تحدي ال 7 ايام لتخسيس الوزن

تحدي ال 7 ايام لتخسيس الوزن