4 طرق تصلحي بيهم الحاجات الجلد

ريهام محمود
ريهام محمود
2176

الجلد من الخامات اللي بتستخدم في حاجات كتير زي الاثاث والاكسسوارات ، ولكن دايما بتقابلنا مشكلة انه مع الوقت بيحصله تشققات ولونه بيتغير ، وفي طرق كتير تقدري تعتمدي عليها عشان تصلحي المشاكل اللي ممكن تقابلك مع الجلد ، والنهاردة من خلال موضوعنا هنشارك معاكم 4 طرق لتصليح الجلد.

طرق لتصليح الجلد:

1- الطريقة 1: تنضيف الجلد

– في جردل او طبق صغير اخلطي 1:8 من صابون غسيل الاطباق للمية يعني كمية المية تكون ضعف كمية الصابون 8 مرات ، او ممكن تشتري الصابون الخاص بتنضيف الجلود من محل احذية وشنط وتضيفيه للمية .

– هاتي قطعة قماش ناعمة اغمسيها في محلول المية والصابون ، واعصريها عشان تتخلصي من المية الزيادة ، وابدأي امسحي سطح الجلد بحركات دائرية ثابتة ، اشطفي قطعة القماش بالمية وكرري العملية تاني.

– اشطفي قطعة القماش بمية باردة ونضيفة ، اعصريها ، امسحي بيها سطح الجلد ، واتأكدي انك مسحتي كل اثار الصابون من الجلد.

– بمجرد ما تشطفي الجلد بالمية النضيفة ، سيبيه في الهوا لحد ما ينشف ، واتجنبي استخدام السيشوار او اي مصدر هوا سخن عشان تسرعي عملية التنشيف ، لان الحرارة ممكن تغير التركيبة الكيميائية للجلد وتتسبب في تلفه.

طرق لتصليح الجلد 1
طرق لتصليح الجلد 1

2- الطريقة 2: اصلاح سطح الجلد

الطريقة التانية ممكن تستخدمي فيها مجموعة اصلاح الجلود ، ودي هتلاقيه متوفرة في محلات الاجهزة او تقدري تشتريها اونلاين عن طريق الانترنت ، والمجموعة المفروض يكون فيها كل الحاجات اللي ممكن تصلح لك الجلد.

– اول حاجة عشان تتجنبي اي بقع من المواد اللي هتستخدميها ، حطي جرنال او غطا بلاستيك او فوطة قديمة تحت قطعة الجلد اللي هتصلحيها ، البسي جوانتي وملابس قديمة ، وافتحي الشبابيك او خرجي الحاجة اللي هتصلحيها نفسها بره البيت عشان الادخنة والروايح اللي هتطلع من المواد المستخدمة.

– هاتي سفنجة وحطي عليها من المنتج ، غطي سطح الجلد بطبقة رقيقة من المنتج ، وسيبيها تنشف في الهوا ، وكرري العملية دي من 3 – 5 مرات ، او لحد ما تحسي انك راضية عن النتيجة ، وامسحي اي مادة زيادة حوالين المنطقة اللي انتي شغالة فيها.

– المجموعة هيكون فيها ملون للجلد ، هاتي الملون رجيه كويس قبل الاستخدام وحطي منه كمية صغيرة على سفنجة ، وغطي سطح الجلد بطبقة رقيقة مع التركيز على المناطق الصعبة اللي فيها تنيات او شقوق ، وسيبيه 30 دقيقة لحد ما الملون ينشف.

– وعشان اللون يبقى اقوى ممكن تجيبي اي بخاخ عندك حطي فيها من الملون ، ورشي على الجلد طبقة رقيقة ، وسيبيه لحد ما ينشف تماما ، وكرري العملية لحد ما تحسي ان الجلد اتغطى واتشبع باللون كويس.

– اخر خطوة هي استخدام مرطب للجلد واللي هيكون كمان من ضمن المجموعة ، هاتي قطعة قماش ناعمة حطي عليها كمية من المرطب وامسحي بيها سطح الجلد ، واتأكدي من وضع المرطب بالتساوي على السطح كله لحد ما تلاقيه بقى مرن وناعم وبيلمع.

طرق لتصليح الجلد 2
طرق لتصليح الجلد 2

3- الطريقة 3: تصليح الخدوش الصغيرة في الجلد

– ممكن تصلحي الخدوش بالخل ، اخلطي كميات متساوية من الخل الابيض والمية ، وباستخدام عود قطن او قطعة قماش صغيرة ، امسحي مكان الخدش ، الخل هيساعد على علاج مكان الخدش بطريقة تشبة الكولاجين اللي بيعالج جلد البشرة ، سيبيه لحد ما ينشف ، وبعدين لمعي المكان بملمع احذية من غير لون.

– ممكن تفركي مكان الخدش بالزيت ، بزيت البرتقان او زيت الزيتون ، حطي الزيت على قطعة قماش وافركيه على منطقة الخدش والمنطقة اللي حواليه ، ولكن استخدمي الزيت بكمية معقولة ، لانه ممكن يتلف الجلد مع مرور الوقت لو استخدمتيه بكمية زيادة.

– ممكن تستخدمي مجفف الشعر او السيشوار ، الحرارة زي ما قولنا في ابداية ممكن تكون ضارة بالجلد ، ولكن ممكن تبقى مفيدة لو جرعات صغيرة ، اظبطي السيشوار على الحرارة المتوسطة واستخدميه على الجزء اللي فيه خدش ، مع فرك الخدش بالراحة بايدك في نفس الوقت ، الحرارة ممكن تساعد انها ترجع الصبغة لسطح الجلد ، وده هيقلل من ظهور الخدش.

– اعتني بالجلد ، رشي الجلد بمنتجات الحماية من عوامل الجو اللي ممكن تأثر عليه وجددي رشه بالمنتج كل 3 شهور تقريبا ، احتفظي بالجلد بعيد عن المية قدر الامكان ، لو اتعرض للبلل اتأكدي من عدم تجفيفه بالحرارة المباشرة والسيشوار ، استخدمي منعم او مرطب الجلد كل كام شهر ، او لما تحسي ان الجلد بدأ يبقى جاف.

طرق لتصليح الجلد 3

4- الطريقة 4: تصليح القطع في الاثاث الجلدي

– استخدام رقعة ، قصي رقعة من مادة رقيقة ولكن صلبة او متماسكة في نفس الوقت ، وخلي حجم القطعة يكون اكبر شوية واعرض من مكان القطع اللي عايزة تصلحيه ، ممكن تقصي الزوايا تخليها مدورة عشان تدخليها بشكل اسهل ، استخدمي الملقاط عشان تدخلي الرقعة تحت مكان القطع ، وساويها كويس تحت الجلد ، وخليكي حريصة عشان متببيش تلف اكتر للجلد.

– هاتي غرا عادي من اللي بيستخدم في الاشغال اليدوية ، حطيه على ابرة كبيرة, او سكينة بلاستيك ، وحطي الغرا على الجلد من جوه وعلى الرقعة اللي حطتيها ووزعي الغرا حوالين داير لحد ما تقفلي القطع كله ، ساوي سطح الجلد كويس وامسحي اي غرا زيادة بقطعة قماش مبلولة ، وممكن مع المواد اللاصقة الاقوى تحتاجي كحول عشان تتخلصي منه.

– حطي طبقة رقيقة من مادة حشو الجلد على المكان ، سيبيه ينشف وبعدين كرري العملية لحد ما تحسي ان السطح بقى مستوي ، ولو لزم الامر ممكن تلمعي اي بقع خشنة على السطح بالراحة باستخدام صنفرة رطبة او جافة بسعة 500 حبيبة رملية.

– اخر خطوة ادهني طبقة رقيقة من صبغة الجلد ، ابدأي الاول بالمنطقة اللي صلحتيها ، ادهني الصبغة بسفنجة او بفرشة ، وسيبيه ينشف.

طرق لتصليح الجلد 4

بالصور : ازاى تقدرى تفرقى بين الجلد الطبيعى والجلد الصناعى خطوة بخطوة

بالصور ازاى تقدرى تفرقى بين الجلد الطبيعى والجلد الصناعى خطوة بخطوة
بالصور ازاى تقدرى تفرقى بين الجلد الطبيعى والجلد الصناعى خطوة بخطوة

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024