اشربي كوباية واحدة من المشروبات دي للتخلص من حب الشباب والحصول على بشرة صافية ونضرة

ريهام محمود
ريهام محمود
في
بشرة
2167

افضل طريقة للحصول على بشرة صافية ونضرة هي انك تعالجي المشكلة من جذورها ، وجيه الوقت انك تركني شوية منتجات البشرة الموضعية وتعتمدي على العلاج الداخلي ، والنهاردة من خلال موضوعنا هنتعرف على مشروبات لعلاج حب الشباب من داخل الجسم للخارج ، وهتساعدك كمان على الحصول على بشرة صافية ونضرة.

مشروبات لعلاج حب الشباب:

1- مشروب خل التفاح والليمون:

المكونات:

– 1 معلقة كبيرة من خل التفاح او ½ معلقة كبيرة لو حسيتي الطعم هيبقى قوي اوي.

– عصير ½ ليمونة.

– مية.

– عسل او اي تحلية من اختيارك.

طريقة التحضير:

ضيفي خل التفاح وعصير الليمون في كوباية مية والافضل تكون دافية ، وبعدين ضيفي العسل ، وقلبيهم مع بعض كويس ، وكده المشروب يبقى جاهز.

اشربيه يوميا كل يوم الصبح.

الليمون وخل التفاح كل واحد لوحده من المكونات المفيدة جدا لصحة الجسم الداخلية ، ولما تخلطيهم مع بعض هتاخدي اقصى استفادة منهم للتخلص من شوائب البشرة.

الليمون مصدر غني لفيتامين C وهو من العناصر الاساسية اللي بتحتاجها البشرة عشان تفضل نضرة وصحية ، لانه بيزود دفاعات الجسم ضد البكتيريا السيئة والجذور الحرة  اللي بتهاجم الامعاء من خلال دعم نظام المناعة وتقويته , ويقال كمان انه بيساعد على تحسين وظائف الكبد.

خل التفاح بيحتوي على حمض الاسيتيك اللي بيساعد الجسم على امتصاص المعادن واعادة توازن درجة الحموضة في المعدة.

مشروبات لعلاج حب الشباب
مشروبات لعلاج حب الشباب

2- مشروب الكركم:

المكونات:

– 1 كوباية لبن.

– 1 معلقة صغيرة كركم.

– رشة فلفل اسود مطحون.

– ½ معلقة صغيرة من القرفة والزنجبيل “اختياري”.

– 1 معلقة صغيرة من اي تحلية حسب الرغبة “اختياري”.

طريقة التحضير:

اخلطي المكونات كلها في حلة صغيرة على نار متوسطة ،قلبيهم لحد ما تظهر رغوة على الوش ، بكده المشروب يبقى جاهز ، صبيه في كوباية واشربية.

الكركم بيحتوي على مركب قوي مضاد للالتهابات وعنصر وقائي نشط “الكركمين” ، اللي بيساعد على التقليل من الاعراض في الامراض الجلدية زي الاكزيما, الصدفية, وحب الشباب.

وعشان تساعدي الجسم على متصاص الكركمين بشكل اكبر ، ضيفي رشة فلفل اسود للمشروب زي ما احنا قولنا في المكونات.

مشروبات لعلاج حب الشباب 2

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية