تنضيف اللسان ممكن ينقذ حياتك..اعرفي معانا فوايده الصحية

ريهام محمود
ريهام محمود
في
صحة
1398

هل تعرفي ان لساننا بيعكس صحة اعضاءنا الداخلية؟ عادة كلنا بنضف اسنانا بالفرشة او الخيط مرتين في اليوم ، حتى ان في اشخاص بيعملوا ده بعد كل وجبة ، ولكن في الغالب بنتجاهل العناية باللسان ، واطباء الاسنان بيقولوا ان تنضيف اللسان مش بس للحفاظ على صحة الفم او منع رائحة الفم الكريهة ، ولكن تنضيف اللسان مهم جدا صحيا لان اللسان هدف للبكتيريا زي الاسنان بالظبط ، تعالوا نعرف من خلال السطور الجايه ايه هي الفوايد الصحية لتنضيف اللسان.

تنضيف اللسان:

تنضيف اللسان هو عادة موجودة من العصور القديمة ، وبينصح بيها كجزء من نظام الرعاية الصحية الذاتية اليومية لكل الناس ، لان اثناء النوم بيقوم الجهاز الهضمي بتنضيف الجسم من السموم ، والعملية دي بتأدي لترسب السموم على شكل تراكمات على اللسان ، وبالتالي مهم جدا تنضيف لسانك بانتظام.

اثناء تنضيف اسنانك ، تقدري تكشطي اللسان وتنضفيه في نفس الوقت ، وهنعرف دلوقتي طريقة كشط وتنضيف اللسان:

1- بمجرد ما تخلصي تنضيف اسنانك ، اكشطي لسانك بالراحة بفرشة الاسنان ، وتقدري كمان تستخدمي كشاطات اللسان اللي معمولة مخصوص للمهمة دي ، وهتلاقيها متوفرة في الصيدليات.

2- دلوقتي باستخدام فرشة الاسنان ، اكشطي الجزء الامامي من اللسان ، وبعدين الجزء اللي في النص ، وبعدين اخر حاجة الجزء الخلفي.

3- بعدها اغسلي الفم كذا مرة بغسول الفم او بالمية العادية.

تنضيف اللسان 1
تنضيف اللسان 1

الانتظام على تنضيف اللسان ليه فوايد صحية كتير منها منع الكحة, ونزلات البرد والتهابات الجسم بشكل عام ، عن طريق ازالة المواد المتراكمة من سطح اللسان ، وده كمان بيحسن تلقائيا قدرتك على تذوق الطعام ، والاستمتاع بنكهات الاكل اكتر.

كشط اللسان بيساعد على ازالة البكتيريا, الخلايا الميتة, بقايا الاكل, والفطريات من على سطح اللسان ، وبالتالي ده هيساعد على منع رائحة الفم الكريهة ، بيساهم كمان في تحسين صحة الفم لانه بيزيل البكتيريا المسببة لتسوس الاسنان ومشاكل اللثة وتسوس اللثة ، بالاضافة ان كشط اللسان بانتظام بيحفز وبيدلك الاعضاء الداخلية للجسم ، بنفس الطريقة اللي بيعملها الوخز او العلاج بالابر.

تنضيف اللسان 2
تنضيف اللسان 2

خريطة اللسان وارتباطها بالاعضاء الداخلية:

– النص اليمين من اللسان: الكلى, الكبد والمرارة, الرئة.

– النص الشمال من اللسان: الكلى, الكبد والطحال, الرئة.

– الجزء الخلفي من اللسان: المثانة, الامعاء.

– منتصف اللسان: البنكرياس, المعدة.

– الجزء الامامي من اللسان: القلب.

تنضيف اللسان 3

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك