10 نصايح هتساعدك تختاري الجينز المثالي

ريهام محمود
ريهام محمود
2391

البنطلون الجينز قطعة اساسية في دولابنا كلنا ، ولكن القطعة المميزة دي ليها اسرار خاصة بيها ، لانه زي ما في موديل بنطلون بيطلع شكله حلو عليكي ، ممكن موديل تاني يطلع مش حلو ، كل تفصيلة صغيرة في البنطلون مهمة من اول المقاس, القماش, الجيوب, وصولا للخياطة ، والنهاردة من خلال موضوعنا هنتعرف على نصايح لاختيار الجينز المثالي.

نصايح لاختيار الجينز المثالي:

1- كثافة او سمك النسيج:

بعض الاشخاص بيختاروا الجينز المصنوع من قماش سميك لفصل الشتا والخريف والقماش الخفيف للجو الدافي ، لكن في اوقات كتير الاقمشة الخفيفة بتتمدد وبيبقى شكلها مش حلو على الجسم ، بالاضافة ان الجينز المصنوع من الاقمشة الخفيفة بيبرز عيوب الجسم ، ولكن الاقمشة السميكة ممكن انها تخفي بعض عيوب الجسم.

الجينز الجيد المفروض يكون مصنوع من القطن ونسبة من الايلاستين ، ده بيساعد على منع تمدد القماش وبيخلي البنطلون مريح اكتر في اللبس ، وابعدي عن الجينز المصنوع من نسبة كبيرة من الايلاستين لان ده بيخليه شبه الملابس الداخلية وبيبان رخيص وشكله مش حلو ، وممكن يخلي الجسم المثالي يطلع بشكل سيء.

نصايح لاختيار الجينز المثالي 1
نصايح لاختيار الجينز المثالي 1

2- الخياطة الخلفية:

خط الخياطة اللي دايما بيكون موجود فوق الجيوب الخلفية للبنطلون ، والخط ده معمول عشان يدعم الجسم من ورا ، وعشان تبيني ان الارداف مرفوعة  ، اختاري الجينز يكون الخط فيه بزاوية اكبر زي ما هو باين في الصورة قدامنا ، لان الزاوية الصغيرة هتبين الارداف مسطحة.

نصايح لاختيار الجينز المثالي 2
نصايح لاختيار الجينز المثالي 2

3- الجيوب الامامية:

الجيوب الامامية الكبيرة هتخلي الوركين يظهروا بشكل اكبر ، لكن البنطلون اللي الجيوب بتاعته صغيرة فوق عضم الحوض ، هتخلي الوركين اصغر ، وعرض الجيب كمان ميقلش اهمية ، لانه كل ما كان اوسع كل ما خلي الجسم يظهر اعرض.

نصايح لاختيار الجينز المثالي 3
نصايح لاختيار الجينز المثالي 3

4- الجيوب الخلفية:

الجيوب الخلفية ليها تأثير كبير على شكل الارداف ، الجيوب الطويلة والمستقيمة هتخلي الارداف مسطحة ، وكل ما كانت الجيوب بعيدة عن بعض ، كل ما الارداف ظهرت اعرض ، عشان كده لازم تاخدي بالك من ده وانتي بتختاري البنطلون.

عشان تخلي الارداف تبان اصغر ، الافضل اختيار الجينز بجيوب متوسطة الحجم ويكون مكانها اسفل محيط الخصر على طول ، كمان اختاري الجينز اللي بيكون فيه جيوب صغيرة فوق الجيوب الكبيرة ، وكل ما كانت زاوية الجيوب اكبر ، كل ما شكل الوركين بان مستدير اكتر.

نصايح لاختيار الجينز المثالي 4
نصايح لاختيار الجينز المثالي 4

5- ارتفاع البنطلون:

الجينز اللي وسطه منخفض بيخلي الساقين تبان اقصر واللي وسطه عالي بيخلي الساقين تبان اطول ، ولكن مع ذلك في اشخاص بيناسبهم الجينز اللي وسطه منخفض زي الاشخاص اللي بيكون جسمهم من فوق قصير ورجلهم طويلة ، الجينز اللي وسطه عالي بيخلي البطن تبان اصغر ، ولكن لازم تتأكدي اكيد من الحفاظ على النسب الصحيحة عشان الجسم ميبانش مستدير ، في النهاية ارتفاع الجينز بيعتمد على معايير جسمك.

6- تنية رجل البنطلون:

لو عندك بنطلون ضيق مع تنية في الرجل ، فالموديل ده عادة بيقطع طول الساقين وبيخلق خط افقي وهيخلي الرجل تبان اقصر وكمان الجسم بالكامل ، تقدري تستخدمي حيلة تني الرجل في حالة لو لابسة بوت طويل بكعب وتبقى التنية فوق البوت ، والافضل ان لون البوت يكون مختلف عن لون الجينز.

والجينز اللي وسطه منخفض بيكون افضل من غير تنية ، لان التنية ممكن تبوظ نسب جسمك بشكل كبير وتخلي شكل الجسم مش مظبوط ، لكن لو عندك Banana jeans التنية هتكون مناسبة مناسبة معاه وهتخلي الساقين تظهر بشكل حلو.

7- اللون:

الجينز الغامق عادة بيخلي الجسم يبان انحف وبيدي طول ، والالوان الفاتحة بتخلي الجزء السفلي من الجسم يبان اكبر ، ولو لبستيه كمان مع شوز غامق هيبينك اقصر ، ومع ذلك ، لو انتي بتحبي الجينز الفاتح ولكن في نفس الوقت مش عايزة تباني اعرض ، اختاري القطعة اللي فوق تكون فاتحة.

8- التفاصيل:

الخطوط الخفيفة على البنطلون واي تفاصيل تانية ممكن تبين الجسم اعرض ، يعني الخطوط الافقية القريبة من منطقة الوركين هتخلي الحوض يبان اكبر وتجذب الانتباه للمنطقة دي ، ولكن لو البنطلون في خطوط عمودية قربية من نص الساق ، هتعمل صورة ظلية وتخلي الرجل تبان انحف.

9- الخياطة الجانبية:

الخياطة الجانبية في الجينز الضيق لازم تكون دايما بطول الساق بالظبط وفي النص ، لو الخياطة دي مش مظبوطة هتبين الرجل ملتوية واكبر من حجمها الطبيعي ، بالاضافة انه هيخلي اللوك كله مش حلو.

نصايح لاختيار الجينز المثالي 9

10- المقاس:

كتير من البنات ممكن يشتروا جينز ضيق او اصغر من مقاسهم على امل ان ده ممكن يبينهم ارفع ، وكمان لما تيجي تختاري الجينز ال Over size ابعدي عن الجينز اللي مقاسة بيزيد بمقدار 2 – 3 عن مقاسك الطبيعي  ، لانه هيبين جسمك اكبر بكتير ،لان حتى الاوفر سايز ليه المقاس المناسب ، الشيء الاساسي اللي لازم تحطيه في اعتبارك ان الجينز المفروض ميكونش ضيق عند الوسط لانه هيخلي الجناب تبات ممتلئة زيادة.

نصايح لاختيار الجينز المثالي 10

وتقدري تختاري المقاس المناسب بالطريقة دي: لو تقدري تحطي صوباعين من ورا جوه البنطلون ، فده يبقى المقاس الصحيح والمناسب ليكي.

وفي طريقة تانية للتأكد من مقاس البنطلون من غير ما تلبسيه ، حطي دراعك من اول منطقة الكوع في وسط البنطلون لحد ما كف ايدك يبقى لفوق جوه الوسط زي ما هو باين قدامنا في الصورة ، لو قدرتي تحطي دراعك في الوسط ، فده يبقى المقاس المثالي ليكي.

نصايح لاختيار الجينز المثالي 10 1

دليل كامل لاختيار البنطلون الجينز اللي يمشي مع كل لوك

دليل لاختيار البنطلون الجينز
دليل لاختيار البنطلون الجينز

مقالات متعلقه

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

7 طرق لتحسين الستايل بتاعك, وايه الحاجات اللي بتعمليها بشكل غلط

7 طرق لتحسين الستايل بتاعك, وايه الحاجات اللي بتعمليها بشكل غلط

افضل دليل لقواعد اللبس الاساسية لكل الاوقات والمناسبات

افضل دليل لقواعد اللبس الاساسية لكل الاوقات والمناسبات