7 قواعد هتخليكي تعيشي حياة زوجية سعيدة

ريهام محمود
ريهام محمود
2022

الزواج هو رباط مقدس بين اتنين ، وعلى ما قد كل شخص بيكون متحمس للدخول في مرحلة جديدة من الحياة وهي الجواز ، الا ان في البعض بيسمع كتير لنصايح اللي حواليه اللي في الغالب بيكون معظمها سلبي ، من نوعية “الجواز مش حياة وردية”, “الجواز مش سهل”, الجواز كله مشاكل وخلافات” ، لو انتي مقابلتيش الزوجين اللي قالولك ان الزواج “حياة وردية” يبقى الاكيد انهم فاتهم حاجات كتير معشوهاش ، والنهاردة من خلال موضوعنا هنقولك 4 قواعد لحياة زوجية سعيدة.

قواعد لحياة زوجية سعيدة:

الحقيقة ان الجواز ممكن يبقى “حياة وردية” ومريحة او مزعج وكله مشاكل ، ده بيعتمد على الطرفين واتقان مهارات الزواج اللي تضمن حياة زوجية سعيدة ، وبغض النظر عن انك شخص كويس ، افتكري دايما انك مش هتقدري لوحدك تنجحي العلاقة الزوجية ، لازم يكون من الطرفين ، انتوا الاتنين عليكم بذل مجهود عشان تنجحوا العلاقة دي ، والنهاردة من خلال السطور الجايه هنقولك على شوية حاجات هتساعدك تعيشي حياة زوجية سعيدة.

1- شريكك فريد من نوعه زي ما هو, متقارنيهوش بحد ابدا:

مقارنة الشريك بشخص تاني تصرف غير مبرر بالمرة ، واحنا متفهمين ان كل واحد بيكون ليه مواصفات وتطلعات في شريك حياته ، وممكن جدا ان الشخص اللي ارتبطتي بيه ده ميكونش فيه كل الصفات اللي انتي كنتي بتحلمي بيها ، ولكن دي مش مشكلة ابدا ، دوري في شريكك على صفات تانية حلوة ، ولو انتي عايزاه ينمي صفة معينة في شخصيته ممكن تساعديه على ده.

قواعد لحياة زوجية سعيدة 1
قواعد لحياة زوجية سعيدة 1

2- الوضوح في المسائل المالية:

في معظم الزيجات ، بتحصل خلافات كتير حوالين الامور المالية وميزانية البيت والمصاريف ، عشان كده مهم جدا ان النقطة دي تبقى واضحة ويتم مناقشة الامور المالية بينك وبين شريكك ، لان معرفة الوضع المالي ده هيساعد على التخطيط لمستقبلكم مع بعض بوضوح.

قواعد لحياة زوجية سعيدة 2
قواعد لحياة زوجية سعيدة 2

3- عدم محاولة السيطرة على الشريك:

الموضوع بسيط جدا ، الاحترام الاحترام ضروري بين الشريكين ، كتير من حالات الطلاق بتكون بسبب محاولة طرف السيطرة على الطرف التاني بشكل مبالغ فيه ، ده غير مقبول تماما في الحياة الزوجية ، لازم تتعملوا تحبوا, تحترموا, وتقدروا بعض على نفس المستوى.

قواعد لحياة زوجية سعيدة 3
قواعد لحياة زوجية سعيدة 3

4- الوقت الخاص مهم:

اكيد كلنا كبشر ممكن يجي علينا وقت ونزهق احيانا من نفس مجموعة الاشخاص اللي حوالينا ، الكلام ده بينطبق على شريكك كمان ، بحكم انكم بتبقوا على مدار اليوم مع بعض وكل يوم ، ده ممكن يخليكوا تحسوا بملل من بعض ، عشان كده مهم جدا ان كل طرف يكون ليه وقته الخاص مع اصحابه من وقت للتاني ، بالطريقة دي مش هتدخلوا في مرحلة الملل من بعض او من الحياة الزوجية عموما.

قواعد لحياة زوجية سعيدة 4
قواعد لحياة زوجية سعيدة 4

5- متكتميش مشاعرك ابدا:

في الزواج الناجح ، بتمر مشاعر كتير مختلفة في العلاقة ، والمفروض يكون الشريكين قادرين على التعبير عن مشاعرهم من غير اي تردد ، كتم المشاعر هتحولك لبركان خامد ممكن ينفجر اي وقت.

قواعد لحياة زوجية سعيدة 5

6- التوافق والثقة هما اساس الحياة الزوجية:

التوافق والثقة هما اساس الحياة الزوجية السعيدة ، مش مطلوب منك تراجعي قايمة طويلة عشان تحددي اذا كان ده الشخص المناسب ولا لا ، مادام في توافق مع شريكك وعارفة حقيقته وهو بالنسبة لك كتاب مفتوح وممكن تثقي فيه بنسبة 100% ، احنا بنقولك ان ده هو المهم.

قواعد لحياة زوجية سعيدة 6

7- خلي تنظيم الاسرة قرار متبادل بينكم:

من الزواج لتكوين الاسرة وخلفة الاولاد ، الاتنين مختلفين وكل واحد منهم ليه مسؤولياته ، وتكوين اسرة مع شريك حياتك ده تغيير رئيسي في حياتك ، ولازم يكون في مناقشة بينك وبين شريكك ، تقعدوا مع بعض وتخططوا لحياتكم بشكل صح قبل ما تبدأوا الخطوة دي.

قواعد لحياة زوجية سعيدة 7

اكيد الموضوع محتاج مجهود عشان الجواز ينجح ويستمر مدى الحياة ، خليكي صبورة, محبه, اهتموا ببعض عشان الحياة الزوجية تنجح ، وده بالظبط اللي عملوا اباهاتنا واجدادنا عشان ينجحوا زواجهم ويعيشوا مع بعض طول العمر.

مقالات متعلقه

هل الصمت هيخليه يشتاقلك؟ اعملي ال 12 حاجة دول عشان تتأكدي ان ده هيحصل

هل الصمت هيخليه يشتاقلك؟ اعملي ال 12 حاجة دول عشان تتأكدي ان ده هيحصل

حركات وتصرفات هتخلي شريكك يحبك بشكل جنوني

حركات وتصرفات هتخلي شريكك يحبك بشكل جنوني

6 تصرفات انثوية شريكك بيحبها اكتر من اي حاجة تانية

6 تصرفات انثوية شريكك بيحبها اكتر من اي حاجة تانية