طريقة عمل تورتة شوكولاتة في 6 خطوات بس

ريهام محمود
ريهام محمود
1342

مافيش حد فينا مش بيحب تورتة الشوكولاتة صغيرين وكبار ، لو عندك عيد ميلاد وعايزة تعملي التورتة بنفسك في البيت ، النهاردة هنقولك طريقة عمل تورتة شوكولاتة في 6 خطوات بسيطة وسهلة.

طريقة عمل تورتة شوكولاتة:

المكونات تكفي 8 اشخاص.

مكونات الكيك:

– 200 جرام زبدة.

– 500 جرام سكر.

– 340 جرام دقيق.

– 4 بيضات.

– 90 جرام كاكاو بودر.

– 2 معلقة صغيرة بيكنج بودر.

– 1 معلقة صغيرة كربوناتو.

– ذرة ملح.

– 350 مل لبن.

مكونات الحشوة:

– 500 مل كريمة.

– 120 جرام سكر.

مكونات الطبقة اللي فوق:

– 250 مل كريمة.

– 250 جرام شوكولاتة بيور 70%.

تورتة شوكولاتة
تورتة شوكولاتة

طريقة التحضير:

1- اخفقي السكر والزبدة مع بعض كويس ، بالمضرب اليدوي او في الخلاط ، لحد ما الخليط يبقى كريمي وناعم ، اكسري البيض واحدة ورا التانية واخفقيها كويس ، بعدها ضيفي الكاكاو والبيكنج بودر ونص كمية الدقيق ، اخلطي كل المكونات مع بعض كويس ، بعدها ضيفي اللبن وباقي كمية الدقيق واخلطيهم مع بعض تاني ، بعد كده قسمي العجينة بالتساوي على 3 صواني مدهونة سمنة او زبدة ، حطي ال 3 ثواني في الفرن على درجة حرارة 170 درجة مئوية لمدة 35 دقيقة.

طريقة عمل تورتة شوكولاتة 1
طريقة عمل تورتة شوكولاتة 1

2- اخفقي السكر والكريمة مع بعض لحد ما يبقى قوامها كريمي للحشوة وسيبيها على جنب.

طريقة عمل تورتة شوكولاتة 2
طريقة عمل تورتة شوكولاتة 2

3- عشان نحضر الكريمة اللي هتبقى من فوق ، سخني الكريمة على نار متوسطة لحد ما تغلي ، ودوبي فيها الشوكولاتة وسيبيها على جنب شوية ، وبعدين سيبيها تبرد في التلاجة لمدة ساعتين قبل الاستخدام.

طريقة عمل تورتة شوكولاتة 3
طريقة عمل تورتة شوكولاتة 3

4- خرجي الكيكات المخبوزة من الصواني وسيبيها تبرد شوية ، بعد كده استخدمي معلقة كبيرة وخدي من خليط الشوكولاتة والكريمة اللي حضرناه غطي وش كل كيكة بطبقة رقيقة منه.

طريقة عمل تورتة شوكولاتة 4
طريقة عمل تورتة شوكولاتة 4

5- حطي طبقة سميكة من كريمة الحشوة بين الكيكات ورصيهم فوق بعض ، وفي الاخر غطي ال 3 كيكات كلها بخليط الشوكولاتة.

طريقة عمل تورتة شوكولاتة 5

6- وكده التورتة تبقى جاهزة في 6 خطوات بسيطة جدا وسهلة.

طريقة عمل تورتة شوكولاتة 6

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

طريقة عمل وصفة شوكليت كرينكل كوكيز

طريقة عمل وصفة شوكليت كرينكل كوكيز

طريقة عمل وصفة براونيز البطاطا

طريقة عمل وصفة براونيز البطاطا