8 تمارين يوجا سهلة تساعدك على النوم بشكل أريح وتحافظ على مرونة جسمك بعد الجلوس لفترات طويلة
الشغل من البيت خصوصا الفترة دى بسبب فيروس كورونا بيحسسنا اننا عايشين فى الشغل وحاسين اننا دايما تعبانين لأن دلوقتى المكتب بقى هو البيت فبيبقى صعب اننا نفصل ،عشان كده بعد يومك المتعب ده بتكونى محتاجة تنامى نومة مريحة وانك تسترخى وتستريحى عشان كده احنا بنقدملك 8 تمارين يوجا سهلة تساعدك على النوم بشكل أريح وتحافظ على مرونة جسمك بعد الجلوس لفترات طويلة
8 تمارين يوجا سهلة تساعدك على النوم بشكل أريح وتحافظ على مرونة جسمك بعد الجلوس لفترات طويلة
الـ hero pose
افردى ضهرك وانتى قاعدة وخلى ايديكى لفوق على ركبتك وغمضى عينيكى وحاولى تسترخى دقيقة،مع الوقت التمرين ده بيساعد على تحسين المرونة.
وضع الجمل أو الـ camel pose
اقفى على ركبك على الأرض ورجعى ضهرك لورا ببطء لحد كف ايدك يلمس الأرض وخدى نفس عميق وببطء رجعى ضهرك قدام،التمرين ده بيساعد على فرد عضلات الدراع والصدر ومع الوقت بيقوى عضلات الضهر ويحسن الـtone.
bridge pose
وده تمرين سهل جدا وفعلا بيشد رجلك من فوق وبيريح ضهرك،وانتى نايمة وايديكى مفرودين جنبك على الأرض وكفوف رجلك على الأرض ارفعى رجليكى وركبك لفوق اكتر من مرة وببطء وده فعلا من التمارين اللى هتساعد على الـ stretch لضهرك وجسمك من قدام.
وضع الـupward dog
نامى على وشك رجليكى مفرودين وصوابع رجلك لورا مفرودين ،ارفعى نفسك فوق بكفوف ايديكى وهى flat على الأرض ولازم تكون رجلك وركبك فيما فوق مش لامسة الأرض ،وخلى راسك فوق وبصى قدامك،التمرين ده ميزته انه لو اتعمل صح بيساعد على تحسين عضلات الدراع والبوتكس والفخد وكمان الرسغ.
وضع تحريك الركبة إلى الصدر Knee to chest
وضهرك على الأرض خلى ركبك مع بعض وارفعيهم لصدرك وعشان تزودى الstretch لازم تحسى بشوية شد فى رجلك من فوق،التمرين ده مفيد للحوض ولضهرك من تحت وهيساعدك على الاسترخاء وشد الجسم.
وضع الـsupine twist
نامى على ضهرك ودراعاتك مفرودة وحركى ركبة 90 درجة على ناحية وايدك عليها عشان تثبتها على الوضع ده شوية،التمرين ده مفيد خاصة لو شغلك بيتطلب انك تقعدى كتير عشان بيساعد على ترخية العضلات ويخفف وجع الضهر.
الـchild pose
اقعدى على ركبك على الأرض وخلى رجلك تلمس بعضها وبراحة طلعى جسمك قدام ودراعاتك مفرودة لقدام وخدى نفس عميق وخليكى فى الوضع ده لمدة دقيقة وبعدين ارفعى نفسك فوق،التمرين ده بيساعد على تحسين الدورة الدموية فى عضلاتك ومفاصلك ومفيد جدا لو اتعمل باستمرار.
Corpse pose
وضهرك على الأرض افردى دراعاتك بعيدة عن جسمك حوالى 45 درجة وانتى ايديكى مفتوحة خلى جسمك كله باصص فوق واتنفسي بشكل طبيعى،رغم بساطة التمرين ده بيساعدك على انك تريحى وتسترخى وده هيساعدك على التركيز والهدوء فى شغلك.
اعرفي معانا كمان 7 تمارين هتخلص جسمك من الاجهاد