5 نصايح هتحول جسمك من وضع “تخزين الدهون” لوضع “حرق الدهون”

بقلمريهام محمود فيتخسيس الوزن visibility2505

خسارة الوزن مش مهمة سهلة من اول الانظمة الغذائية والرياضة والالتزام والصبر عشان توصلي للنتيجة اللي انتي عايزاها ، لكن احيانا بنوصل لمحرلة احباط لما بنبص لجسمنا ومش بنلاقي نتايج سريعة ، لو عدم وجود نتايج سريعة مسببلك اكتئاب وقلق يبقى لازم تشوفي ايه الغلط اللي بتعمليه بسببه مش بتوصلي للنتيجة المطلوبة ، عشان كده النهاردة هنقولك نصايح لحرق دهون الجسم ، وازاي تحولي جسمك من وضع تخزين الدهون لوضع حرق الدهون.

نصايح لحرق دهون الجسم:

1- تحسين وظايف الكبد:

الكبد لما بيتملي سموم ومواد غير نقية ، ده بيقلل من قدرته انه يقوم بوظايفة بشكل صح ، وواحد من الاسباب الرئيسية لبطء عملية التمثيل الغذائي او الحرق هو الكبد الغير صحي ، اتوقفي تماما عن اكل الاطعمة المصنعة والغير صحية والسكريات ، ونوعدك ان جسمك هيشكرك على ده ، حاولي انك تعتمدي على الخضروات العضوية وتطبخيها في زيت الزيتون ، ودخلي في نظامك الغذائي اطعمة صحية زي العنب, التوت, المكسرات, عصير البنجر, وشاي الاعشاب.

نصايح لحرق دهون الجسم
نصايح لحرق دهون الجسم

2- تجديد نشاط الغدد الكظرية:

الغدد الكظرية موجودة في الجزء العلوي من الكليتين ، وهي مفيدة في التحكم في نسبة السكر في الدم وضغط الدم والمساعدة في حرق الدهون والبروتين ، ولو بتعاني من اجهاد شديد ده بيأثر بشكل كبير على عمل الغدد الكظرية ، “اجهاد الادرينالين” ممكن انه يسبب فقدان الوزن, الاكتئاب, ضباب الدماغ, والرغبة الشديدة في السكريات ، وفي الحالة دي اتجنبي الاطعمة المصنعة, السكريات, الكربوهيدرات ، واغسلي نظامك الغذائي بالافوكادو, المكسرات, القرع, بذور الشيا, عشب البحر ، وجربي تطبخي وجباتك باستخدام ملح البحر “ملح الهيمالايا”.

نصايح لحرق دهون الجسم

3- التأكد من صحة الغدة الدرقية:

الغدة الدرقية الموجودة في الرقبة بتفرز الهرمونات اللي بتنظم نمو وتطور الجسم ، وكمان بتتحكم في معدل التمثيل الغذائي ، وبالتالي كل ما كانت غدتك الدرقية صحية اكتر ، زادت سرعة حرق الدهون ، ولو اسلوب حياتك مرهق ، وبيأدي لقلة النوم وقلة التمارين ، ده هيأدي لزيادة الوزن بشكل حاد.

عشان كده ، ضروري تجنب الاطعمة المصنعة, الجلوتين, الكربوهيدرات, والنظام الغذائي عالي السكر ، واطبخي وجباتك في بزيت جوز الهند وملح البحر ، واتأكدي من اكل ما لا يقل عن 10 انواع من الخضروات الطازة والفواكة المخمرة اللي بتعزز نشاط الغدة الدرقية ، وكمان روحي لدكتور متخصص عشان تعملي الفحوصات والتحاليل اللازمة وفهم ازاي تغيري اسلوبك حياتك ونظامك الغذائي عشان تخلي غدتك الدرقية صحية اكتر.

نصايح لحرق دهون الجسم

4- زيادة كتلة العضلات:

في عالم اللياقة البدنية والجيم ، بالنسبة للاشخاص اللي لسه مبتدئين ، تمارين الكارديو تعتبر اسهل شكل من اشكال التمارين اللي ممكن تتعمل ، ولكن لازم تتأكدي ان روتين التمارين الرياضية داخل فيها تمارين القوة ، لانه كل ما زاد اكتساب العضلات ، عملية التمثيل الغذائي هتبقى اسرع ، وبالتالي التمارين لازم يبقى فيها تمارين قوة كل يوم ويوم ، بالاضافة لده عشان تحققي اقصى اكتساب للعضلات ، زودي من اكل البيض, مشروبات البروتين, المكسرات, الحمص, الفراخ, والعدس.

5- احصلي على اعادة ظبط للجسم كله:

الجسم كل فترة بيكون محتاج اعادة ظبط وده بيحصل بتغيير نظامك الغذائي وروتين اللياقة البدنية ، اهتمي بجسمك بشكل عام وجسمك هيهتم بيكي في المقابل ، بالاضافة لده حاولي انك تعملي فحوصات شاملة بشكل منتظم ، ولو انتي مش عارفة تمشي ازاي على نظام غذائي ممكن تروحي لمتخصص تغذية يساعدك في ده ويحطلك خطة نظام غذائي مناسبة لجسمك ، لان اجسامنا مختلفة ، وللسبب ده لازم نظامك الغذائي يشمل خضروات وفواكة معينة تعوض الاختلافات الغذائية.

في النهاية بشوية خطوات من اول النظام الغذائي, ممارسة الرياضة, النوم المنتظم مش اقل من 8 ساعات في اليوم من النوم المتواصل, تنزيل تطبيقات لياقة بدنية على موبايلك تساعدك ، هتقدري انك تحولي جسمك لجهاز فعال وصحي لحرق الدهون.

9 عادات هتساعدك تخسري وزن من غير ما تحسي

عادات لخسارة الوزن