أكلات ومشروبات تبان صحية بس فيها كميات سكر مستخبية.. اعرفي ايه هي عشان تخلي بالك
عمرك فكرتي انك ممكن تكوني بتاكلي كميات سكر مستخبية ؟ دايما بندور على الأكل الصحى، بس بوجود على الأقل 6 اسماء مختلفة للسكر هيبقى صعب اننا نعرفه عشان كده قدمنالك الموضوع ده عشان تعرفى معانا اسماء السكر المختلفة وكمان الأكل اللى فيه سكر مستخبى، وفي أسماء مختلفة للسكر زي شراب الدرة أو شراب الدرة عالى الفركتوز،الدكستروز،السكروز،الجلوكوز ،مالتو دكسترين ،شراب الشعير.الخبراء بينصحوا ان كمية السكر المستهلكة يوميا للفرد مينفعش تزيد عن 10% من معدل الطاقة اليومى اللى بناخدها فى الأكل يعنى حوالى (40-55 g لكل 8-11 معلقة أكل) لو عدد السعرات فى اليوم 1600-2200 كيلو كالوري، اعرفى معانا فى القايمة دى الأكل اللى يبان صحى لكنه فيه كميات كبيرة من السكر وده عشان تاكليه بكميات معتدلة عشان تحافظى على كميات السكر الموصى بيها
أكلات ومشروبات تبان صحية بس فيها كميات سكر مستخبية.. اعرفي ايه هي عشان تخلي بالك
السيريال أو الكورن فليكس
حبوب الإفطار أو السيريال فيها ما يعادل 3 معالق سكر لكل 100جرام
Granola Bars الجرانولا بار
الجرانولا بار من السناكس اللي كلنا بنعتبرها لذيذة وخفيفة، لكن لازم تاخدي بالك وماتكتريش منها لأنها مليانة كميات سكر مستخبية، عشان بتحتوي على ما يعادل 5 معالق سكر لكل 100جرام.
المياة بالنكهات
المياه اللى فيها نكهة زي المياة بالتفاح والتوت والليمون المنتشرة في محلات السوبر ماركت منعشة وطعمها حلو صحيح، لكان فيها ما يعادل معلقة سكر لكل 100 ملليلتر.
الزبادي بالفواكه والنكهات
الزبادى بنكهة فيه ما يعادل 3 معالق سكر لكل 100 جرام، عشان كده ضروري ماتكتريش منه واهتمي أكتر بأكل الزبادي السادة أو الخالي من الدسم.
الزبادي بالفواكه والنكهات
العصاير
دايماً بننصح بتناول ثمار الفاكهة صحيحة زي ما هي والتقليل من العصير خصوصاً الجاهز والمعلب، لأن العصير فيه ما يعادل معلقتين سكر لكل 100مل.
الفاكهة المجففة
الفاكهة المجففة طعمها حلو وميزتها انك ممكن تاخديها معاكي كسناك في الشغل او الكلية، لكن فيها ما يعادل 5 معالق سكر لكل 100 جرام
اللبن بالفواكه
اللبن بالفواكه كمان فيه كميات مستخبية من السكر، وانتي بتشربيه اعرفي انه فيه ما يعادل معلقتين سكر لكل 100مل.
مشروبات الطاقة
مشروبات الطاقة كتير مننا بيعتمد عليها خصوصا في أيام الشغل او الكلية اللي بيبقى فيها ضغط وسهر، لكن خدي بالك لأنها فيها كميات سكر مستخبية، بما يعادل معلقة سكر لكل 100مل.
اعرفي معانا كمان 7 اطعمة هتساعدك على تقليل ندبات حب الشباب