حيلة ورق الكرنب للصدر .. اعرفي فوايدها معانا

بقلمريهام محمود فيصحة visibility5991

الكرنب واحد من افضل الاكلات منخفضة السعرات الحرارية واللي ليه فوايد كتير ، كتير من الناس يعرفوا ان الكرنب يعتبر اكلة مفيدة لخفض الكوليسترول ، ولكن كتير كمان ميعرفوش ان الكرنب ليه استخدامات غريبة وصحية ، ومن المثير للدهشة ان الكرنب ممكن يكون ليه تأثير ايجابي لو تم استخدامه كعلاج موضعي ، والنهاردة من خلال موضوعنا هنقولك فوايد ورق الكرنب الصحية ، وازاي تستخدميه للصدر وغيرها من الاماكن في الجسم لعلاجها.

فوايد ورق الكرنب الصحية:

1- علاج آلام الرضاعة الطبيعية:

بعض النساء ممكن يعانوا من الالم اثناء فترة الرضاعة الطبيعية ، ودعي الالم ده باستخدام ورق الكرنب الطازة عن طريق وضعه على الصدر ، ممكن بدبوس تشبكي الاوراق مع بعض على شكل الثدي ، وتسيبيها على صدرك كام ساعة ، او تحطي اوراق الكرنب في التلاجة تبرديها وبعدين تحطيها على الثدي مرتين في اليوم لمدة 20 دقيقة ، تقدري تعملي الطريقة دي اثناء الرضاعة الطبيعية او ضخ اللبن ، وهتحسي بالراحة في خلال اسبوع واحد.

– في العلاج ده الافضل متستخدميش اوراق الكرنب الخارجية لانها بتبقى رقيقة اوي ومش بتحتفظ بالبرودة فترة طويلة ، استخدمي الاوراق الداخلية السمكية.

– حطي الورق على الصدر ولفيه كويس ، وسيبي منطقة الحلمات مكشوفة ، والبسي حمالة الصدر عشان تثبتي الورق على الثديين.

– سيبي الورق على الصدر لحد ما تحسي ان خلاص البرودة بتاعته راحت ، بعدها شيليه.

– لو انتي لسه بترضعي رضاعة طبيعية او بتضخي اللبن للطفل من الصدر ، متستمريش على العلاج ده لفترة طويلة اوي ، لانه ممكن يسبب في انخفاض اللبن.

– بعد ما تحسي انك مرتاحة ومافيش الم في الصدر ولا تورم ، اتوقفي عن العلاج لفترة ، وبعدين كرريه تاني ، ولكن سيبي وقت كافي بين كل مرة والتانية.

فوايد ورق الكرنب الصحية
فوايد ورق الكرنب الصحية

2- علاج الغدة الدرقية:

الغدة الدرقية تعتبر من اهم الغدد في الجسم ، بتنتج هرمونات ليها دور مهم في صحة الجهاز الهضمي والتمثيل الغذائي او معدل الحرق ، والطب البديل بيقولنا اننا ممكن نستخدم ورق الكرنب كعلاج موضعي على الغدة الدرقية.

الطريقة بكل بساطة حطي ورق الكرنب على الرقبة هيساعد على ابطال هرمونات اضطراب الغدة الدرقية ، ولو هيكون من الصعب انك تحطيه على الرقبة وتنامي بيه طول الليل ، فحاولي انك تحطيه عى الرقبة خلال اليوم لساعات طويلة عشان يديكي النتيجة المطلوبة.

فوايد ورق الكرنب الصحية

3- علاج الصداع:

الكرنب بيحتوي على فيتامين C, K, حمض الفوليك, الكالسيوم, البوتاسيوم, المغنيسيوم, والحديد ، بالتالي هو يعتبر علاج فعال للصداع ، الصداع ممكن يكون سببه الاجهاد او نقص التغذية ، وده السبب اللي بيخلي اكل الكرنب مفيد ، ولكن من الحيل الغريبة والفعالة اللي ممكن تستخدميها هو وضع اوراق الكرنب على منطقة الصدغ او اعلى الجبين لعلاج الصداع ، البشرة هتمتص كل العناصر الغذائية بالاضافة انه هيهديكي ، ولراحة اكتر ، ممكن تحطي اوراق الكرنب في الفريزر لمدة 15 دقيقة قبل استخدامها.

4- تقليل تورم المفاصل:

كتير من المتخصصين بيوصوا بلف المفاصل باوراق الكرنب لانها بتساعد عى التقليل من الالتهاب ، الكرنب بيحتوي على الجلوكوزينولات ، وده مركب مضاد للسرطان ومضاد للالتهابات ، شيلي الاجزاء او الاوردة الناشفة في اوراق الكرنب وحطي اوراق الكرنب بين ورقتين مناديل مطبخ ، واضربي على الورق بالشاكوش بتاع اللحمة عشان تنشطي مركبات الشفاء ، بعدها حطي الاوراق دي مباشرة على المفاصل المصابة لتقليل التورم والالم.

افضل 10 اطعمة لتحسين صحة الرحم

اطعمة لتحسين صحة الرحم