5 صيحات مكياج موضة في 2020
كل سنة الموضة بتتغير بتظهر موضات جديدة وبيختفي غيرها ، وفي اللي بيستمر موضة لاكتر من سنة ، واوقات بتظهر موضات غريبة او غير تقليدية ، والنهاردة من خلال موضوعنا هنشوف مع بعض 5 صيحات مكياج موضة في 2020.
صيحات مكياج موضة في 2020:
1- الحواجب الفوضوية الكثيفة:
2019 كانت الموضة فيه هي الحواجب المرسومة او المتحددة ، لكن في 2020 الموضة هي الحواجب الفوضوية والشعر الكثيف ، فلو انتي حواجبك كثيفة بشكل طبيعي ، يبقى انتي محظوظة والسنة دي بتاعتك.
2- الايشادو البنفسجي:
اللون البنفسجي كان من الالوان الموضة في 2019 ، سواء لون الملابس او للايشادو ، واللون لسه مستمر موضة في 2020 بدرجاتة من اول الدرجات الغامقة للالوان الفاتحة.
3- رسومات مكبرة للعين:
غالبا الكات ايز والعيون المجنحة هي بتكون دايما الاختيار لرسمة العين ، ولكن السنة دي في خطوط واشكال مختلفة ، وتقدري انتي تدي الحرية لنفسك في رسمة العين وتعملي رسمة جريئة ومختلفة.
4- الايلاينر الابيض:
اكيد كل شوفنا قبل كده الكحل الابيض ، ولكن اللون الابيض واخد اتجاه اكبر انه يترسم كايلاينر على خط الماء السفلي للعين او على خط الرموش ، تقدري ترسمي اللي يناسبك اكتر ، هيساعد على تكبير العين وهيديكي اشراقة وهينورها.
5- منتجات العناية بالبشرة الطبيعية:
اهم حاجة قبل اي صيحة مكياج ، هو الحفاظ على جمال البشرة باستمرار ، ولكن مهم جدا تكوني حذرة في اختياراتك ، وتختاري من العلامات التجارية المضمونة ومنتجاتها كويسة.