7 حاجات المرأة القوية مش بتتسامح فيها في العلاقة

بقلمريهام محمود فيعلاقات visibility1827

انك تبقي امرأة قوية دي حاجة مش سهلة ، وعشان اي واحدة توصل لده بتعدي بتجارب وصعوبات كتير ، ولكن مجرد ما الحياة بتعلمك ازاي تبقي قوية ، بتبقي عارفة كويس مدى قوتك ، المرأة القوية دايما بتكون جذابة جدا, الكل بيسمع رأيها, ذكية, واثقة في نفسها, مستقلة وجريئة جدا, وفكرة انها تبقى لوحدها مش مخيفة بالنسبة لها ، ولو في علاقة هي بتعرف تتعامل ازاي مع كل موقف ، والنهاردة من خلال موضوعنا هنتعرف على 7 حاجات المرأة القوية مش بتتسامح فيها في العلاقة.

حاجات المرأة القوية مش بتتسامح فيها:

1- عدم الاحترام:

الاحترام هو اهم قيمة او مبدأ عند المرأة القوية ، بالنسبة لها الشريك اللي مش بيقدر يحترم نفسه او اللي حواليه ميستاهلش حبها ومشاعرها ، الرجل المحترم مش بيحترم شريكته بس ، ولكن بيحترم كل الناس كمان ، الاحترام هو المفروض يكون جزء من شخصية الشخص مش مجرد سلوك او تصرف ، يعني مثلا لو شريكك كويس بالنسبة لك ، ولكن مش بيحترم الناس اللي حواليه او بيتعامل بعدم احترام مع الناس في اي مكان ، في الحالة دي انتي لسه مش عارفة هو امتى هيبدأ يتعامل بعدم احترام معاكي انتي كمان ، عشان كده لازم تاخدي موقف معاه لو هو متعود على عدم احترام اللي حواليه.

حاجات المرأة القوية مش بتتسامح فيها
حاجات المرأة القوية مش بتتسامح فيها

2- السيطرة:

المساواة هو حاجة المرأة القوية بتكون عايزاها في العلاقة ، يعني الشريك ميتوقعش انه ميكونش ليها رأي خاص بيها او انها تسمع لكل حاجة بيقولها شريكها وتنفذها من غير نقاش ، هي مش من النوع اللي ممكن يتسيطر عليها ، وبتتعامل بمساواة مع شريكها في كل حاجة وبتتوقع منه انه يتعامل معاها بنفس المعاملة ، يعني لو هي بتشارك في الجانب المالي وممكن تدفع فواتير من غير ما تزعج شريكها ، فهو كمان هيكون عليه يشاركها في شغل البيت والاعمال المنزلية كلها بمساواة.

حاجات المرأة القوية مش بتتسامح فيها

3- تعدي الحدود:

كل شخص ليه حدوده الخاصة ، وده بينطبق في كل حاجة حتى في العلاقة بين الزوج والزوجة ، واي حد لما بيسمح لحد تاني انه يتعدى حدوده معاه ده بيكون محبة انه خايف يخسره ، ولكن ده مش بينطبق على المرأة القوية ، هي مش هتسمح ابدا ان حد يتعدى حدوده معاها او يخليها مش مرتاحة مهما كان السبب ، لو انتي امرأة قوية هتكوني سعيدة بفقدان شخص مش بيحترم حدودك.

حاجات المرأة القوية مش بتتسامح فيها

4- عدم الامانة:

عدم الامانة مش بيتعلق بس بالخيانة ولكن كمان الكذبات الصغيرة ممكن انها تأثر على الثقة بين الشريكين في العلاقة ، وعدم الامانة حاجة مستحيل المرأة القوية تتسامح فيها ، ومش هتفكر مرتين قبل ما تنفصل عن شخص كسر ثقتها وخدعها.

حاجات المرأة القوية مش بتتسامح فيها

5- النقد غير البناء:

مش بس النساء ، ولكن اي شخص قوي هيكون منفتح للنقد البناء ، وبيرحبوا بالتعليقات على عيوبهم عشان يشتغلوا عليها ويصلحوها ، ولكن مع ذلك ممكن الشريك يقول نقد بشكل محبط ، ومع الوقت هتبقى عادة عنده وهتخلي شريكته تفقد ثقتها في نفسها بالتدريج ، ولكن ده مش بيحصل مع المرأة القوية ، لو انتي قوية مش هتسمحي لشريكك ينتقدك من غير ما ترفضي او تعلقي على كلامه ، ومش هتسمحي انه يستمر في ده لانه هيأثر عليكي بشكل سلبي.

6- عدم احترام طموحاتك:

المرأة القوية بتكون مستقلة وليها الوظيفة بتاعتها وكيانها المستقل ، وعندها طموحات واهداف بتسعى لتحقيقها ، لو انتي مع الشريك الغلط ، ممكن انه يوصف طموحاتك انها “سخيفة” او “مستحيلة” ، او مرة تانية يفضل يحبطك بكلامه وينتقدك من غير سبب مناسب ،انتي اكيد تستحقي تكوني مع شخص يدعم طموحاتك ويساعدك على تحقيقها.

7- المقارنة:

لو انتي بتقدري نفسك كويس ، يبقى مستحيل هتسامحي شريكك لو قارنك بحد تاني ، ممكن انه يقترح عليكي انك تعملي حاجة معينة بطريقة افضل بشكل لطيف ميجرحش او يديكي افكار ، ولكن انه يقولك انك لازم تتعلمي حاجة معينة من شخص تاني او تلبسي زي واحدة تانية ، هو حاجة مش هتتسامح معاه المرأة القوية.

يا ترى انتي شايفة نفسك امرأة قوية ولا لا؟

7 تغييرات هتحصل في حياتك بعد الجواز حتى لو متجوزة الراجل المناسب