طريقة استخدام معجون الاسنان بشكل فعال لازالة حب الشباب والبثور

ريهام محمود
ريهام محمود
في
بشرة
1575

حب الشباب والبثور من اكتر مشاكل الجلد اللي بيعاني منها كتير من البنات ، ومعجون الاسنان الابيض العادي ممكن يكون واحد من الحلول الفعالة جدا في ازالة المشاكل دي ، والنهاردة من خلال موضوعنا هنقولكم طرق استخدام معجون الاسنان لعلاج حب الشباب والبثور بشكل فعال.

معجون الاسنان لعلاج حب الشباب والبثور:

1- وصفة معجون الاسنان الابيض:

الحاجات اللي هتحتاجيها:

معجون الاسنان.

الطريقة:

1- اول حاجة نضفي بشرتك بغسول البشرة اللي متعودة عليه.

2- نشفي البشرة كويس بالفوطة.

3- خدي كمية صغيرة من معجون الاسنان الابيض ، وحطيه على اماكن حب الشباب والبثور.

4- سيبيه على البشرة كام دقيقة لحد ما ينشف.

5- متفركيش المعجون او تدلكيه بعد ما تحطيه على البشرة لانه ممكن يسبب حساسية لبشرتك.

6- بمجرد ما المعجون ينشف اغسليه بالمية العادية ، او استخدمي فوطة مبللة بالمية لازالة المعجون وبعدين اشطفيه بالمية.

7- حطي المعجون على اماكن حب الشباب والبثور من مرة لمرتين في اليوم لحد ما الحبوب تختفي تماما.

معجون الاسنان لعلاج حب الشباب 1
معجون الاسنان لعلاج حب الشباب 1

2- وصفة الكربوناتو ومعجون الاسنان:

الحاجات اللي هتحتاجيها:

4 معالق صغيرة معجون اسنان ابيض عادي.

2 معلقة صغيرة كربوناتو.

1 معلقة صغيرة مية عادية.

الطريقة:

1- في بولة صغيرة اخلطي كل المكونات مع بعض كويس لحد ما يبقى خليط ناعم.

2- حطي الخليط على اماكن حب الشباب والبثور.

3- سيبي الخليط على البشرة لحد ما ينشف لمدة 20 تقريبا.

4- بعدها اغسلي البشرة بالمية.

5- كرري الوصفة دي كل يوم الصبح او بالليل قبل النوم ، استمري عليه لحد ما تتخلصي من كل الحبوب والبثور.

معجون الاسنان لعلاج حب الشباب 2
معجون الاسنان لعلاج حب الشباب 2

3- وصفة القرفة ومعجون الاسنان:

الحاجات اللي هتحتاجيها:

2 معلقة صغيرة معجون اسنان ابيض.

1 معلقة صغيرة قرفة بودرة.

الطريقة:

1- في بولة صغيرة اخلطي معجون الاسنان مع القرفة كويس.

2- خدي من الخليط وحطيه على اماكن حب الشباب والبثور.

3- سيبيه على البشرة لمدة 10 دقايق.

4- بعدها اغسلي بشرتك بالمية.

5- كرري الوصفة يوميا من مرة لمرتين ، لحد ما تتخلصي من الحبوب والبثور.

لو حسيتي باي حرقان من الوصفة دي او اي اثار جانبية تانية ، اشطفي المنطقة فورا بالمية ، ومتستخدميش الوصفة تاني على بشرتك ، لان الوصفة دي بالذات مش مناسبة للبشرة الحساسة.

معجون الاسنان لعلاج حب الشباب 3
معجون الاسنان لعلاج حب الشباب 3

4- وصفة الليمون ومعجون الاسنان:

الحاجات اللي هتحتاجيها:

معجون اسنان ابيض.

عصير ليمون.

الطريقة:

1- اول حاجة هاتي قطعة قطن اغمسيها في عصير الليمون.

2- بعدها حطي كمية صغيرة من معجون الاسنان على القطنة المبللة بعصير الليمون.

3- حطي خليط الليمون ومعجون الاسنان على اماكن حب الشباب والبثور.

4- او تقدري كمان بدل القطن تقطعي شريحة ليمون وتحطي عليها كمية من معجون الاسنان وتحطي شريحة الليمون بالمعجون على اماكن الحبوب.

5- سيبي خليط الليمون مع المعجون سواء بالقطنة او شريحة الليمون على بشرتك لمدة 30 دقيقة.

6- ممكن كمان تحطي الخليط على البشرة قبل ما تنامي وتسيبيه طول الليل.

7- واغسلي بشرتك الصبح بمية باردة.

8- استخدمي مرطب بعد ما تغسلي بشرتك من الخليط عشان متسببش اي جفاف للجلد.

9- كرري الوصفة لمدة 2 – 3 ايام ورا بعض لحد ما تتخلصي من التهابات حب الشباب والبثور.

معجون الاسنان لعلاج حب الشباب 4

5- وصفة العسل ومعجون الاسنان:

الحاجات اللي هتحتاجيها:

1 معلقة كبيرة معجون اسنان ابيض.

½ معلقة صغيرة عسل.

الطريقة:

1- في بولة صغيرة اخلطي المعجون مع العسل كويس.

2- خدي من الخليط وحطيه على اماكن حب الشباب والبثور.

3- سيبيه على بشرتك لمدة 20 دقيقة.

4- بعدها اغسلي بشرتك بالمية.

5- كرري الوصفة مرة واحدة كل يوم.

معجون الاسنان لعلاج حب الشباب 5

6- وصفة الملح ومعجون الاسنان:

الحاجات اللي هتحتاجيها:

معجون اسنان ابيض.

رشة ملح.

الطريقة:

1- اخلطي المعجون مع الملح كويس.

2- اغسلي بشرتك بمية دافية عشان تفتحي المسام وتستقبل الخليط بشكل احسن.

3- خدي من الخليط وحطيه على اماكن حب الشباب والبثور.

4- سيبيه على البشرة لمدة 5 دقايق لحد ما ينشف.

5- بعدها دلكي الخليط بالراحة جدا باستخدام صوابعك.

6- بعدين اغسلي البشرة بمية باردة.

7- كرري الوصفة دي 3 مرات في الاسبوع.

معجون الاسنان لعلاج حب الشباب 6

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية