5 أنواع فيتامينات تقوى بيهم مناعتك ضد فيروس كورونا
مفيش حد يقدر يمنع امكانية انه يجيله فيروس كورونا بس اللى نقدر نعمله اننا نقلل الخطر على قد ما نقدربالأكل الصحى والاتزام باجراءات السلامة.الأكل الصحى يقدر يقوى مناعتك اللى محتاجاها عشان تقاومى الفيروس لأنه بيوفرلك فيتامينات مهمة زى A, B, C, D, E والحديد والزنك، وعشان صحتك تهمنا هنقولك معلومات عن الفيتامينات دى وايه الأكل الغنى بيها عشان تقوى مناعتك.. اعرفي معانا 5 أنواع فيتامينات تقوى بيهم مناعتك ضد فيروس كورونا
5 أنواع فيتامينات تقوى بيهم مناعتك ضد فيروس كورونا
1- فيتامين A
فيتامين A بيحافظ على تركيب الخلايا فى الجلد والجهاز التنفسي والهضمى ، كمان بنحتاج فيتامين A عشان تصنيع الاجسام المضادة اللى بتتصدى للفيروس. السمك وصفار البيض والجبنة والمكسرات والحبوب الكاملة والبقوليات مصادر كويسة لفيتامين A.الخضار كمان فيه مادة البيتا كاروتين اللى بيقدر الجسم يحولها لفيتامين A ودى موجودة فى الخضار الورقى والخضراوات الصفرا والبرتقانى زى الجزر وقرع العسل.
2- فيتامينات B
فيتامينات B خاصة B6, B9 , B12 بتشارك فى استجابة الجسم للعدوى أول ما تدخل الجسم بانهم ينشطوا خلايا الـ “natural killer” اللى بتخلى الخلايا اللى اتصابت بالعدوى تدمر نفسها فى عملية اسمها apoptosis. فيتامين B6 موجود فى الحبوب والبقوليات والخضار الورقى والمكسرات والسمك والفاكهة واللحوم، B9 او الفوليك اسيد موجود فى الخضار الورقى والبقوليات والمكسرات وبيضاف لدقيق العيش التجارى، B12 موجود فى المنتجات الحيوانية زى البيض واللحمة ومنتجات الألبان ولبن الصويا المدعم.
3- فيتامين C و E
اثناء مقاومة للعدوى الجسم بيدخل فى حالة اسمها oxidative stress ودى معناها ان في عوامل مؤكسدة كتير بتدمر الخلايا وده بيخلى محتويات الخلايا تطلع على انسجة الجسم وتعمل التهابات ،فيتامين C وE بيحمى الخلايا من الحالة دى وكمان بتتخلص من بقايا الخلايا بانها تنشط استجابة من خلايا المناعة.
4- فيتامين D
بعض خلايا المناعة بتحتاج فيتامين D عشان يساعدها فى تدمير الجسم اللى بيسبب العدوى،التعرض للشمس بيبساعد فى تنشيطه ومن مصادره البيض والسمك.
5- الحديد والزنك والسلينيوم
والزنك والسلينيوم مهم عشان نمو خلايا المناعة وكمان ليهم وظائف تانية.الحديد بيساعد على قتل العدوى عن طريق زيادة عدد العوامل المؤكسدة اللى بتدمرهم وكمان بينظم التفاعلات الأساسية اللى بتخلى الخلايا تعرف الجسم المعدى.الزنك بيحافظ على سلامة الجلد والأغشية المخاطية،كمان الزنك والسلينيوم بيشتغلوا كمضادات اكسدة اللى بيساعد فى تصليح الضرر اللى بيسببه ال oxidative stress ،الحديد موجود فى اللحوم والفراخ والسمك وكمان فى مصادر نباتية زى البقوليات والحبوب الكاملة وحبوب الفطار المدعمة بالحديد،الزنك موجود فى اللحمة والفراخ والمكسرات والفاصوليا المجففة.المكسرات خاصة البرازيلى واللحمة والحبوب والمشروم مصادر غنية بالسلينيوم.
بس خلي بالك.. الحوامل واصحاب الأمراض المزمنة او الحالات اللى لازم معاها نظام غذائى خاص ممكن يحتاجوا فيتامينات او نظام معين عشان كده لازم يستشيروا الدكتور المعالجن اعرفي معانا كمان كل اللي محتاجة تعرفيه عن غسل الايدين بشكل صح للحماية من فيروس كورونا
