7 تغييرات هتحصل في حياتك بعد الجواز حتى لو متجوزة الراجل المناسب

بقلمريهام محمود فيعلاقات visibility1287

كتير من الاوقات ممكن تبصي لاصحابك المتجوزين وتفكري ، هل هما عايشين حياة سعيدة ومنظمة ، لان بعض لاشخاص بيتخيلوا ان الجواز فسحة او رحلة ، ولكن على العكس تماما ، الجواز بيحتاج حل وسط وتعديل لاسلوب حياتك اللي كنتي ماشية عليه وانتي لوحدك ، وزيه زي اي نوع من العلاقات ، الجواز بيحتاج مجهود والتزام بالطرف التاني ، واكيد هيكون في كتير من التغييرات الاساسية في الحياة ، والنهاردة من خلال موضوعنا هنقولك حاجات بتتغير بعد الجواز.

حاجات بتتغير بعد الجواز:

1- مش هتخرجي مع اصحابك كتير زي ما انتي عايزة:

كام مرة بتشوفي اصحابك المتجوزين؟ اكيد الاجابة مش كتير ، وده لانه لما بتكوني متجوزة بتحطي في الاعتبار حياة شخص تاني معاكي ، ممكن يكون شريكك انطوائي عنك ومش بيحب الخروج في الاماكن العامة زي ما انتي بتحبي ، ولكن مع ذلك وجود اصدقاء فاهمين ده بيعمل فرق كبير جدا ، يعني اصحابك هيبقوا مبسوطين انهم بيشوفوكي حتى لو ده بيحصل مرة واحدة بس في الشهر ، هيكونوا سعدا انهم بيقضوا بعض الوقت معاكي على الرغم من ان جدولك بقى مشغول اكتر من قبل كده.

حاجات بتتغير بعد الجواز
حاجات بتتغير بعد الجواز

2- ليالي الجمعة هتتحول من السهر مع اصحابك للتسوق في السوبر ماركت مع شريكك:

في العادي قبل الجواز يوم الجمعة كان ممكن يبقى اليوم اللي بتخرجي فيه مع اصحابك ، ولكن بعد الجواز هتلاقي ده اتغير وبقى اليوم ده لشرا طلبات البيت من السوبر ماركت بتاعة الاسبوع او بتاعة الشهر ، بما انه اليوم الاجازة في الاسبوع اللي تقدروا تروحوا فيه سوا تشتروا الطلبات اللي محتاجينها.

حاجات بتتغير بعد الجواز

3- السرير هيبقى للنوم بس بدل اي انشطة تانية:

قبل الجواز كان ممكن السرير ده يبقى بيتعمل عليه كل حاجة ، تاكلي, تقعدي على الموبايل, تقري ، تتجمعي انتي واصحابك وتقعدوا تلعبوا ، وبتبقي عايشة في فوضى شوية ، لكن ده بعد الجواز مش هيبقى موجود ، لانه انتي اللي هتبقي كمان مسئولة عن كل حاجة في البيت وهتنضفي ، فاكيد هتكوني عايزة البيت مترتب ونضيف دايما.

حاجات بتتغير بعد الجواز

4- هتبقي محتاجة تقسمي اجازاتك:

ممكن يحصل في كتير من الاوقات ان واجباتك الاجتماعية والاسرية في حياتك تتعارض مع حياة شريكك ، عشان كده هتبقي محتاجة انك تقسمي اجازاتك وتنظميها لو هتروحي مثلا مناسبة او تجمع عائلي ، او غيرها من الواجبات الاجتماعية ، وموضوع تقسيم الاجازات ده ممكن ياخد منك وقت شوية على ما تعرفي تنظميه ، لكن مع الوقت هتتعلمي وتتعودي.

حاجات بتتغير بعد الجواز

5- هتفتقدي ايامك الخالية من الهموم والمسئولية:

قبل الجواز كنتي ممكن تلاقي نفسك بتبصي لاصحابك المتجوزين ، وبتزعلي انك لحد دلوقتي مش لاقيه نصك التاني ، لكن بعد الجواز الموضوع هيبقى العكس وهتبصي لاصحابك اللي مش متجوزين وانهم لسه عايشين بحريتهم من غير اي مسئولية وهتفتقدي الايام اللي كانت خالية من الهموم واي مسئوليات وتتمني انك ترجعي للايام دي.

6- هتتحكمي في مصاريفك اكتر:

الجواز معناه تحمل مسئوليات جديدة ، وتبقي منفتحة اكتر انك تاخدي مشورة شريكك في كل ما يتعلق بالقرارات المالية ، ممكن انتي تكوني الشخص الاكتر مسئولية من الناحية المالية ، لكن الحصول على راي تاني من شريكك ممكن يعمل فرق كبير ، وهتلاحظي انك بدأتي تاخدي قرارات حكيمة اكتر في صرف الفلوس وانك بقيتي مسئولة اكتر من الناحية المالية.

7- هتبقي منسجمة اكتر مع ساعة شريكك البيولوجية وحالتة المزاجية:

مع الوقت هتلاقي نفسك بقيتي منسجمة اكتر مع طقوس وحالة شريكك المزاجية ، وهتعرفي مع مرور الوقت ايه المناسب واللي مش مناسب بالنسبة له ، وكل ما تطول فترة العشرة بينكم هتبدأي تفهميه اكتر وهتقدري الى حد ما حتى انك تتنبأي بتصرفاته بدقة كبيرة ، وتعرفي الحاجات اللي بيحبها واللي مش بيحبها وتحفظي كل عاداته.

في النهاية مافيش مشكلة انك تصارحي شريكك انك محتاجة وقت عشان تتكيفي مع الحياة الزوجية وحياتك الجديدة ، لانه تغيير كبير في الحياة وبعض الناس بيحتاجوا وقت اطول من غيرهم على ما يتكيفوا ، ومادام انتي وشريكك متفاهمين ومتفقين يبقى مافيش حاجة تانية مهمة بم فيهم اراء الاصدقاء والعيلة.

7 توقعات المفروض متدخليهاش في الجواز

توقعات متدخليهاش في الجواز