7 اطعمة هتساعدك على تقليل ندبات حب الشباب

ريهام محمود
ريهام محمود
في
بشرة
1362

حب الشباب بيتسبب في تلف الجلد والانسجة الموجودة تحته ، والجسم بيحاول انه يصلح الضرر ده بانتاج الكولاجين ، ولو الجسم بينتج كمية كولاجين اقل او اكتر من احتياج البشرة ، هنا بتظهر الندبة ، وكتير من مستحضرات التجميل دلوقتي بتعالج مشكلة ندبات حب الشباب ، ولكن الطريقة الاسهل والاكتر طبيعية هي انك تاكلي اطعمة صحية ، لان النظام الغذائي المتوازن هو واحد من العوامل الاساسية للحصول على بشرة صحية ، والنهاردة من خلال موضوعنا اختارنا لكم 7 اطعمة لتقليل ندبات حب الشباب ، ومفيدة للصحة كمان بشكل عام.

اطعمة لتقليل ندبات حب الشباب:

1- القرع:

القرع يعتبر مصدر كبير جدا للنياسين, وحمض الفوليك, وفيتامين A و B, والزنك ، النياسين وحمض الفوليك بيساعدوا على زيادة الدورة الدموية, تحسين خلايا الجلد, ومفيدين في علاج حب الشباب ، بذور القرع بتحتوي على الزنك اللي بيساعد في التحكم في مستويات الهرمونات وانتاج الزيوت وبيساعد على التئام الجلد ، وفيتامين A بيساعد في تقليل ندبات حب الشباب.

اطعمة لتقليل ندبات حب الشباب 1
اطعمة لتقليل ندبات حب الشباب 1

2- الكالي:

الكالي او الكرنب المجعد او اوراق اللفت المجعد هو نوع من انواع الكرنب ، الغني بفيتامين C و K ومصدر كبير للنحاس والحديد ، الفيتامينات والمعادن ومضادات الاكسدة الموجودة في الكالي بتقلل من فرط التصبغ وبتساعد على توحيد لون البشرة ، وفيتامين K اللي موجود فيه بيساعد على تقليل البقع الغامقة على البشرة ، والحديد بيسرع من التئام الجروح والندبات ، بما فيهم ندبات حب الشباب وعيوب البشرة.

اطعمة لتقليل ندبات حب الشباب 2
اطعمة لتقليل ندبات حب الشباب 2

3- الليمون:

عصير الليمون يعتبر قابض طبيعي للبشرة ، بيشد الجلد المترهل وبيحارب شوائب البشرة ، قشر الليمون بيحتوي على مركبات الفلافونويد اللي ليها تأثيرات وقائية ومضادة لسرطان الجلد ، ابدأي يومك بكوباية مية دافية مع عصير ليمون او استخدميه مع السلطة ده هيساعدك على الحصول على بشرة نضرة وصحية.

اطعمة لتقليل ندبات حب الشباب 3
اطعمة لتقليل ندبات حب الشباب 3

4- البطاطا:

البطاطا بتحتوي على الريتينول وبيتاكاروتين ، الجسم بيحول بيتاكاروتين لفيتامين A ، والفيتامين ده بيعمل زي حاجز جلدي ضد تغير اللون والالتهابات وانسداد المسام ، اللي بتسببها غالبا الجذور الحرة ، والريتينول يعتبر مكون رئيسي في كتير من منتجات التجميل اللي بتحارب فرط التصبغ وحب الشباب والخطوط الرفيعة والندبات ، وبدل ما تشتري الكريمات الغالية ، تقدري تستفادي بالريتينول عن طريق اضافة البطاطا لوجباتك.

اطعمة لتقليل ندبات حب الشباب 4
اطعمة لتقليل ندبات حب الشباب 4

5- البابايا:

البابايا بتحتوي على انزيم هضمي اسمه الباباين ، والباباين بيساعد على تقشير خلايا الجلد الميتة, وازالة انسداد المسام, علاج ندبات حب الشباب, كمان بيحافظ على البشرة رطبة وبيمنع الجفاف وتلف البشرة في المستقبل.

اطعمة لتقليل ندبات حب الشباب 5

6- القرنبيط:

القرنبيط هو مصدر كبير لفيتامين C وحمض اميني قوي اسمه الهيستيدين ، والحمض ده بيحمي البشرة من الاشعة فوق البنفسجية الضارة  اللي ممكن تخلي البقع الغامقة اسوأ ، وفيتامين C بيحارب اي ضرر ممكن تسببه الجذور الحرة ، وبيساعد الجسم على امتصاص الحديد ، وبيشفي الجروح والندبات.

اطعمة لتقليل ندبات حب الشباب 6

7- الكينوا:

الكينوا بيحتوي على فيتامين B3 ، والمعروف كمان باسم النياسيناميد ، اللي بيساعد على تهدئة تهيج والتهاب البشرة بسبب حب الشباب والوردية والاكزيما ، والكينوا بتحتوي كمان على عنصر نادر بيساعد في ازالة الندبات اللي بتظهر بسبب حب الشباب ، وبيصلح البشرة وبيقلل من تهيجها.

اطعمة لتقليل ندبات حب الشباب 7

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه