تشكيلة مميزة من المايوة البوركيني وازاي تلبسيه بطريقة شيك

اكيد كل بنت من حقها تلبس الحاجة اللي هتريحها وتناسبها اكتر ، والمايوة البوركيني او المعروف “بالمايوة الشرعي” من الحاجات المناسبة جدا للبنت المحجبة اللي هيخليها تستمتع بالبحر والشمس وفي نفس الوقت بحاجة مناسبة للحجاب ، والبوركيني كمان ينفع للبنت الغير محجبة اللي عايزة تحافظ على بشرتها من ضرر الشمس والمية المالحة او مية حمام السباحة اللي بيكون كلها كلور بيأذي البشرة ، والنهاردة من خلال موضوعنا هنشوف مع بعض تشكيلة من المايوة البوركيني ، وازاي تلبسيه بطريقة شيك وستايلش.

المايوة البوركيني:

المايوة البوركيني هو نوع من انواع ملابس السباحة صممتة الاسترالية من اصل لبناني عاهدة زناتي ، وهو بيكون عبارة عن بدلة سباحة بتغطي الجسم كله ماعدا الوجه والايدين ، وبتكون خامته من المطاط ، وبسبب تصميمه ده بقى من الحاجات المناسبة جدا للبنات المحجبات.

دلوقتي بقى في كتير من الماركات العالمية ليها خط انتاج من المايوة البوركيني بعد ما زاد عليه الطلب من النساء في كل انحاء العالم سواء في الشرق الاوسط او في اوروبا وحتى من غير المحجبات.

وهنلاقي دلوقتي انه البوركيني نازل منه الوان وموديلات كتير جدا ، منه القطعتين والتلات قطع ، وكل واحدة تقدر تختار اللي يناسب ذوقها.

تعالوا نشوف مع بعض بالصور تشكيلة من المايوة البوركيني:

أفكار ملابس صيف كاجوال بألوان مختلفة للمحجبات casual colorful summer wear