10 حقائق صادمة عن الدورة الشهرية لازم تعرفيهم

بقلمريهام محمود فيصحة visibility1950

كل البنات بيعانوا كل شهر من الام الدورة الشهرية, والتشنجات, والتقلصات, والاضطرابات النفسية والجسدية المصاحبة ليها ، بمجرد ما بتدأ الدورة بيبدأ الجسم والعقل يمر بتغييرات ، والدراسات اثبتت ان الام الدورة الشهرية ممكن تقلل من التركيز, والوظائف المعرفية ، وقايمة طويلة من الحاجات اللي بتحصلنا في الفترة دي ، والنهاردة من خلال موضوعنا هنتعرف على 10 حقائق عن الدورة الشهرية وتغييرات بتحصل في الجسم كل شهر خلال الفترة دي.

حقائق عن الدورة الشهرية:

1- شريكك بيشوفك اقل جاذبية في فترة الدورة الشهرية:

حقيقة صادمة ومحزنة ولكن الريحة الغريبة للمرأة خلال فترة الدورة الشهرية بتأثر على مستويات هرمون التستوستيرون عند الرجل ، وفي دراسة اشارت ان الراجل ممكن يعرف ان الست في فترة الدورة الشهرية من ريحة الملابس.

2- الدورة الشهرية بتزود من الشهوة الجنسية:

المرأة لما بتكون في فترة الدورة الشهرية ، بتنتج كمية اقل من هرمون البروجسترون ، وده الهرمون اللي بيتقل الرغبة الجنسية عند المرأة ، وبروجسترون اقل معناه رغبة جنسية اكتر ، وده هو السبب ان الست بتكون في افضل حالاتها الرومانسية اثناء فترة الدورة الشهرية.

حقائق عن الدورة الشهرية
حقائق عن الدورة الشهرية

3- كمية الدم اللي بتخسريها كل شهر:

خلال فترة الدورة الشهرية ، متوسط كمية الدم اللي بتفقديها كل شهر تقريبا حوالي 3 معالق كبيرة ، عشان كده لو انتي بتعاني من فقدان دم اكتر من كده اللي ممكن يوصل لكوباية مليانة او اكتر لازم تروح لدكتور متخصص فورا ، لان ممكن يكون علامة على مشكلة طبية خطيرة.

4- الفترة الباردة:

النساء اللي بيعانوا من فترة تدفق دم اطول ومؤلمة اكتر خلال مواسم البرد ، الصيف بيكون عندهم اخف نسبيا من ناحية الالم وطول مدة الدورة.

حقائق عن الدورة الشهرية

5- صوتك بيتغير اثناء الدورة الشهرية:

حسب الدراسات ، صوت المرأة جاذبيتة بتختلف اثناء الدورة الشهرية ، ودراسة تانية بتقول التغيرات الهرمونية اثناء فترة الدورة الشهرية غي السبب في تغيير صوت المرأة ، ووضحوا كمان ان الذكور عندهم قدرة على تمييز التغييرات دي ، وكشفت الدراسات ان الرجال بيشوفوا ان صوت المرأة اقل جاذبية لما بتكون في فترة الدورة الشهرية.

6- عشر سنين من تدفق الدم:

في المتوسط الاناث بيعيشوا فترة الدورة الشهرية حوالي 10 سنين من حياتهم ، وهي حوالي 3500 يوم ، لو هنفكر في الموضوع كده ، مش بتحسوا انه خارق ودليل على قوة المرأة؟ اننا بنتحمل نزيف شهري لفترة طويلة من حياتنا وصحتنا بتفضل كويسة في نفس الوقت.

حقائق عن الدورة الشهرية

7- ممكن يحصل الحمل في فترة الدورة الشهرية:

هل الست ممكن تحمل وهي في فترة الدورة الشهرية؟ على الرغم من ان حصول ده منخفض نسبيا ، الا انه الحيوان المنوي ممكن يفضل نشط في جسم المرأة لمدة اسبوع تقريبا ، ونهاية فترة الدورة الشهرية هي تعتبر فترة عالية الخطورة للحمل.

8- بتفكري كذكر اثناء فترة الدورة الشهرية:

اثناء فترة الدورة الشهرية بتنخفض مستويات هرمون الاستروجين في جسم المرأة ، وده بينشط المهارات المعرفية الذكورية ، وبكده المرأة بتقرب من بعض النواحي الخاصة بالرجل ، وبتقرب من طريقة تفكير الرجل ، هل ده كويس ولا لا؟ انتي تقرري ده بنفسك.

9- بتزيد الرغبة في التسوق:

حسب الدراسات ، النساء بتميل للتسوق اكتر من المعتاد او الطبيعي ، قبل 10 ايام من الدورة الشهرية ، والحقيقة اننا مش محتاجين دراسة لاثبات ده ، لانه التسوق يعتبر واحد من افضل الطرق للتغلب على اعراض الاكتئاب والاضطرابات النفسية اللي بتحصل اثناء فترة الدورة الشهرية.

10- الدورة الشهرية ممكن تخليكي تنزفي من اماكن تانية:

اكيد معلومة غريبة ومرعبة ، ولكن الحقيقة ان ده ممكن يحصل ، وان كان نادر ولكنه حقيقي ، ودي بتبقى حالة طبية غير عادية اسمها ” الحيض غير المنتظم” ممكن تسبب نزيف في العين, الانف, الرئتين, الاذن, الفم, والجلد اثناء فترة الدورة الشهرية.

ايه اللي بتقوله الدورة الشهرية بتاعتك عن صحتك!

ايه اللي بتقوله الدورة الشهرية عن صحتك