7 حيل ملابس بيستخدمها المشاهير للوك مثالي

بقلمريهام محمود فيموضة وأزياء visibility766

المشاهير زينا بالظبط عندهم عيوب وديفوهات ، ولكن لانهم شخصيات عامة ، فبيكونوا في حالة بحث باستمرار عن طرق جديدة وفعالة عشان يظهروا بلوك خالي من العيوب من غير وجود جيش من المصممين حواليهم يظبطوا لهم كل حاجة ، والنهاردة من خلال موضوعنا هنقولكم مجموعة حيل ملابس للوك مثالي وازاي تقدري تخفي العيوب اللي انتي مش حباها وتسلطي الضوء على المميزات بمساعدة الملابس.

حيل ملابس للوك مثالي:

1- سارة جيسيكا باركر بتدي حجم اكبر للجزء العلوي من جسمها:

سارة جيسيكا باركر تعتبر رمز للاناقة ، لانها بتعرف كويس جدا تظهر المميزات وتداري العيوب ، على سبيل المثال بتعرف ازاي تحسن الجزء العلوي من جسمها باختيار الملابس الصح.

لو انتي عندك نفس مشكلتها وعندك الجزء العلوي من الجسم اصغر من اللي تحت ، البسي الوان زاهية او طبعات كبيرة, بالاضافة للكشكشة, والرقبة على شكل حرف V.

حيل ملابس للوك مثالي
حيل ملابس للوك مثالي

2- انجلينا جولي بتداري عرض الكتفين وصغر حجم الوركين:

انجلينا جولي ، من اجمل ممثلات هوليوود ، وبتعرف ازاي تطلع بلوك مثالي ، ومشكلة الاكتاف العريضة عندها مش بتمنعها من الظهور بلوك رائع.

لو عندك نفس المشكلة ، البسي ستايلات جاكيت بحجم كبير, اكسسوارات ضخمة على مستوى الصدر, وجيبات منفوشة.

حيل ملابس للوك مثالي

3- ريس ويذرسبون بتعتمد على لوك يديها طول اكتر:

ريس ويذر سبون ، اللي تعتبر قصيرة قدرت انها تتغلب على المشكلة دي وتظهر بشكل اطول ، ومش بس لانها بتلبس كعب عالي.

لو انتي عندك نفس المشكلة ، البسي فساتين وجيبات بطول الركبة, الشوز لازم يكون فيها جزء عالي مخفي من قدام عند منطقة الصوباع الكبير.

حيل ملابس للوك مثالي

4- فيكتوريا بيكهام بتدي حجم اكبر لجسمها الصغير:

فيكتوريا بيكهام من صاحبات الاجسام الصغيرة جدا ، ولكن احنا مش بنشوف ده بسبب الستايل الفريد بتاعها واختياراتها الصح.

او انتي بتعاني من نفس المشكلة ، البسي بنطلون واسع, بلوزات حرير واسعة, وستايلات جاكيت على قد الجسم.

حيل ملابس للوك مثالي

5- تيلدا سوينتون بتخفي مقاس الشوز الكبير:

تيلدا سوينتون مقاس رجلها كبير بس هي بتقدر تخفي العيب ده باختياراتها للشوز الصح ، دايما بتعتمد على ستايل الشوز اللي بلونين اللي بيخلي الرجل تبان اصغر وانحف.

لو انتي بتعاني من نفس المشكلة ، البسي شوز بلونين مع صوباع قدم مستدير ، ده هيخلي رجلك تبان اصغر.

حيل ملابس للوك مثالي

6- كيرا نايتلي بتخفي قصر الساقين بمهارة:

كيرا نايتلي ، جسمها طويل بشكل غير متناسب وسيقانها قصيرة ، ولكن بتقدر تخفي العيوب دي بمهارة ، وبتقدر تدي طول اكتر للساقين.

لو عندك نفس المشكلة ، البسي الفساتين اللي وسطها عالي, والجيبات السك Pencil skirts.

7- ميجان ماركل بتحدد منطقة الوسط اكتر:

ميجان ماركل تعتبر صاحبة جسم مستطيل ، ولكن هي قدرت تحول شكل جسمها لساعة رملية بطرق بسيطة جدا.

لو عندك نفس المشكلة ، حددي منطقة الوسط عندك بالاكسسوارات والاحزمة العريضة, بالاضافة لاختيار الجيبات السك اللي بتساعد على ابراز الوركين اكتر.

8- فانيسا هادجنز بتخلي رقبتها تبان اطول:

فانيسا هادجنز عندها رقبة قصيرة ، لكن احنا مش بنلاحظ ده بسبب اختيارتها.

لو عندك نفس المشكلة ، اظهري رقبتك اكتر بالاكسسوارات زي السلاسل الطويلة, عقد تشانكي, وحلقان.

9- كيت وينسلت بتخفي الوزن الزيادة:

كيت وينسلت بتعرف ازاي تظهر بلوك مثالي ، على الرغم انها معندهاش مقاسات نموذج الجسم المثالي ، ولكن هي شاطرة جدا في التركيز على مميزاتها وصرف الانتباه عن عيوبها.

لو عندك نفس المشكلة ، البسي خط رقبة منخفض او طباعة زاهية, وقصات الفساتين اللي بتكون غير متماثلة, الحزام, والالوان المختلفة او المتناقضة عند منطقة الوسط, وخامات الاقمشة السميكة مناسبة جدا.

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

ازاى يبقى لبسك على الموضة
ازاى يبقى لبسك على الموضة