11 سبب لقشرة الشعر لازم تكوني عارفاهم

بقلمريهام محمود فيشعر visibility439

قشرة الشعر من المشاكل المزعجة جدا ، واللي للاسف مش بنقدر نحدد سببها ايه بالظبط ، ولكن بشكل عام في بعض الحاجات اللي ممكن تسبب القشرة ، تعالوا نتعرف مع بعض من خلال السطور الجاية اسباب قشرة الشعر عشان تقدري تتجنبيهم وتتفادي المشكلة.

اسباب قشرة الشعر:

1- جفاف الجلد:

ده يعتبر سبب رئيسي للقشرة ، لو جلدك جاف يبقى النتيجة الطبيعية اللي هتحصل انه هيظهر قشر الشعر ، ولما هتهملي المشكلة او مش هتعالجيها هينتهي بيكي الموضوع لتراكم الجلد الجاف والميت ، وهتعاني من قشرة الشعر لفترة طويلة ومش هتعرفي تتخلصي منها بسهولة.

اسباب قشرة الشعر
اسباب قشرة الشعر

2- حساسية الخميرة:

تجنب الاطعمة اللي بتحتوي على خميرة بسبب الحساسية؟ او بتعاني من قشرة الشعر في فصل الشتا اكتر من الصيف؟ هل فكرتي انك ممكن تكوني حساسة من الخميرة؟ ده ممكن جدا يكون سبب لقشرة الشعر.

وسبب قلة قشرة الشعر في الصيف هو اشعة الشمس اللي بتكون قوية خلال فصل الصيف وبتمنع تكون القشرة.

اسباب قشرة الشعر

3- فروة راس مش نضيفة:

لو فروة الراس مش نضيفة هيتراكم فيها الاوساخ وخلايا الجلد الميتة ، وده ممكن يسبب قشرة الشعر.

خلايا الجلد الميتة بسبب وجودها الزيادة في فروة الراس هتأدي لمشكلة قشرة الشعر.

وفروة الراس لما تكون مش نضيفة كمان بتجذب الميكروبات ، اللي ممكن تسبب القشرة بسبب تكون الخميرة والنمو الفطري.

الطريقة الوحيدة عشان تتجنبي ده انك تغسلي شعرك كذا مرة وتحافظي على نضافة فروة راسك طول الوقت ، ولو معندكيش وقت تغسلي شعرك بالشامبو اكتر من مره وعشان كمان الشعر مينشفش من كتر الغسيل ، ممكن تستخدمي الشامبو الجاف على الاقل كبديل ، لان النوع ده من القشرة ممكن انه يتسبب في تساقط الشعر كمان.

اسباب قشرة الشعر

4- مش بتسرحي شعرك بشكل كافي:

تسريح الشعر يعتبر طريقة فعالة لضمان تنضيف شعرك وفروة الراس من الاوساخ ، وده المفروض يكون كل يوم ، الفرشة او المشط هيزيل الاوساخ وخلايا الجلد الميتة من فروة الراس ، وهيمنع تراكمها على فروة الراس ، وبالتالي ده هيمنع مشكلة قشرة الشعر.

اسباب قشرة الشعر

5- التهاب الجلد الدهني:

التهاب الجلد الدهني بيحصل بسبب زيادة انتاج الزيت ، والزيت او الدهون الزيادة بتخلي فروة الراس تتراكم عليها الاوساخ بشكل اكبر.

وعشان تتحكمي في افراز الدهون دي حافظي على نضافة فروة الراس وانها تبقي خالية من الزيوت قدر الامكان ، واغسلي شعرك بالشامبو كل ما لقيتي نفسك محتاجة لده ، وعشان تتجنبي الضرر اللي ممكن يحصل لشعرك من الغسيل المتكرر استخدمي شامبو خفيف ومتوازن في درجة الحموضة مخصص للاستخدام اليومي.

اسباب قشرة الشعر

6- الامراض الجلدية:

لما بيتم التشخيص بالاصابة بامراض جلدية زي الصدفية, الاكزيما وغيرها ، ممكن ان ده يسبب قشرة الشعر ، وفي الحالة دي ضروري استشارة دكتور متخصص.

اسباب قشرة الشعر

7- دواء طويل الامد او جرعة عالية من الستيرويد:

لو بتاخدي انواع دوا معينة او جرعة عالية من الستيرويدات ، ده ممكن يسبب حالات قشرية قاسية ولازم في الحالة دي انك تستشيري دكتور في اقرب وقت ممكن ، لان لو اهملتيه ممكن يأدي للصلع.

8- الفطريات:

الفطريات تقريبا موجودة عندنا كلنا بشكل طبيعي ، وده النوع من الفطريات اللي بتنمو على سطح الجلد وبتبقى موجودة كمان في فروة الراس ، والنوع ده من الفطر بيتغذى على الجلد الميت والزيوت في فروة الراس ، يعني هما في الواقع بيقدموا لنا خدمة ، ولكن المشكلة بتيجي لو في اوساخ وزيوت وجلد ميت زيادة على فروة الراس وبتبدأ الفطريات تتغذى عليهم وبيخرجوا عن السيطرة ويسببوا القشرة.

9- الاجهاد العقلي:

ممكن يكون السبب ده كتير مننا مش بيهتم بيه ، ولكن في الحقيقة انه فعلا من الاسباب اللي ممكن تأدي للقشرة الشديدة ، وافضل طريقة للتخلص من التوتر هي النوم عدد ساعات كافية على الاقل 8 ساعات كل يوم ، بغض النظر عن وقت النوم ، والحصول على مساج على الاقل مرتين في الاسبوع هيساعدك تتخلصي من الضغط والتوتر.

11- النظام الغذائي:

النظام الغذائي الصحي هو المفتاح للحفاظ على حالة فروة الراس ، اعتمدي في نظامك الغذائي على الخضار والفاكهة الطازة لتجنب تساقط الشعر الناتج عن قشرة الشعر.

12- نقص المناعة:

نقص المناعة ممكن تسبب مشاكل كتير صحية ، وتعتبر واحدة من اسباب ظهور القشرة.

4 وصفات لعلاج قشرة الشعر

وصفات لعلاج قشرة الشعر