افضل 3 نساء للزواج حسب الابراج: واكترهم تالت برج
علامات البرج ممكن تقولنا كتير عن شخصياتنا ، ومش بس كده لكن كمان ممكن تقولنا حاجات عن حياتنا العاطفية ، والنهاردة من خلال موضوعنا هنتعرف على افضل نساء للزواج حسب البرج ، والبرج التالت منهم هو اكتر برج مفضل للرجل ، تعالوا نشوفهم مع بعض في السطور الجايه.
افضل نساء للزواج حسب البرج:
1- ملكة برج السرطان:
مولودة برج السرطان هي ملكة بتمتلك قلب مستعد من غير اي قيود او شروط ، ولاءها ودعمها لشريكها مالوش حدود ، لانها هتفضل ورا شريكها لنهاية العالم ومهما كان هيروح فين هي وراه ، والراجل المحظوظ هو اللي هتكون من نصيبة امرأة برج السرطان ، اللي هيضمن قلبها للابد ، وهي الجوهرة النادرة اللي هتخلي سعادة شريكها دايما من اولوياتها.
ولكن اكيد امرأة السرطان مش كاملة وفيها عيوب كمان ، ولانها امرأة متحمسة دايما ، بتميل ملكة السرطان انها تحس بالعواطف والمشاعر بقوة وده اللي بيخليها احيانا تاخد لقب “drama queen” او ملكة الدراما.
ولكن مشاركة الحياة مع امرأة السرطان هو فعلا نعمة ، والراجل المتزوج من ملكة السرطان بيعتبر فعلا البيت هو ملاذه اللي مليان حب لان هي فعلا هتخليه كده ، وبتهتم بأطفالها جدا ، وبتقدر اسرتها وبتبقى عندها فوق اي حاجة ، وبتكون منتظرة بس من الشريك الحب والصدق وكتير من الحنان.
2- القائدة امرأة برج الاسد:
جميلة وقوية ، امرأة برج الاسد مقاتلة الى ما نهاية ، هي محاربة واتولدت قائدة ، شخصيتها ديناميكية جدا ، جاذبيتها وذكائها محدش يقدر ينافسها فيهم ، واللي عمرها ما بتفشل ابدا في ان يبقى ليها معجبين كتير في اي مكان تروحه ، ومع ذلك ، هي بيكون قلبها مخلص بس للشخص اللي بتحبه وبيملك قلبها.
ميقدرش يكسب قلبها اي شخص عادي ، لكن عليه ان هو يكسب احترامها الاول وبعدها هتديه حب مالوش نهاية ، وبمجرد ما تكسب حبها واخلاصها مافيش حاجة تقدر تغير ده ابدا ، حبها عميق ونادر جدا لان مرأة برج الاسد مش سهل كسب قلبها.
واي راجل هيحب امرأة برج الاسد مش هيقدر يحب غيرها ابدا ولا هيلاقي نفس العاطفة القوية اللي عندها ، لانها امرأة فريدة من نوعها ، ومعظم الرجالة بيعترفوا بده بينهم وبين نفسهم ، عشان كده بيعملوا اي حاجة عشان يخلوا امرأة الاسد سعيدة ، بتحب عيلتها واولادها جدا وبتحميهم باي تمن وهي محاربة لا تقهر لما بتواجه اي خطر.
3- الامبراطورة امرأة برج الحمل:
معظم علماء الفلك بيشوفوا ان امرأة الحمل قوية جدا لدرجة انها لو اختارت تمارس قوتها ، فالكل هيخضع قدامها بكل سهولة ، مقنعة, جريئة, شخصيتها جذابة جدا ، وصعب جدا هزيمتها ، بتعمل جهد كبير جدا عشان تحقق اي حاجة هي عايزاها في حياتها وتتحقق نجاحات ، وبتكون ذكية جدا عشان كده محدش بيقدر يكسب قدامها في اي جولة وعلى طول بتطلع منتصرة.
والراجل اللي عنده نفس القدر من الاصرار والقوة هو بس اللي يقدر يرتبط بيها ، لو اي راجل عايز فعلا يدخل حياتها ، لازم يتأكد ان حبه قوي بما فيه الكفاية عشان تختاره ، ويكون الكل بيحترمه ويقدره ومعجب بيه ، لازم يكون امبراطور حقيقي عشان يقف جنب امرأة الحمل.
هي الوحيدة اللي هتقف جنبك وتدعمك لو العالم كله ضدك وحبها وتضحياتها هما اللي هيبقوا معاك والداعم ليك ، وامرأة الحمل مش من نوع الخيالي او اللي بيرسم احلام في الهوا ، دايما بتحب تكون واقعية وواقفة على ارض ثابتة.
امرأة الحمل بتعرف تختار شريكها صح جدا بعد ما بتكون عرفته كويس واتأكدت ان هو ده الشخص المناسب ليها ، وهي بتكون ام محبة لكن صارمة في نفس الوقت ، وبتربي اطفالها زيها انهم يبقوا اقوياء ومناضلين في الحياة لحد ما يوصلوا لاهدافهم.
حسب علم الفلك ال 3 ابراج دول في النساء يعتبروا افضل شركاء حياة ، يا ترى اصحاب التلات ابراج دول دي فعلا صفاتهم ولا لا ، ياريت تشاركونا ارائكم.
