7 طرق للتخلص من البشرة الجافة للابد

ريهام محمود
ريهام محمود
في
بشرة
911

مشكلة جفاف البشرة بيعاني منها كتير من البنات ، والمشكلة الاكبر ان الجفاف ده ممكن يسبب تهيج والم للبشرة ، وبيخلي صعب انك ممكن تحطي مكياج ، ولكن مع ذلك في حاجات ممكن تعمليها تخلصك من المشكلة دي ، فلو انتي بتعاني من البشرة الجافة تابعي معانا السطور الجاية هنتعرف مع بعض على 7 طرق لعلاج جفاف البشرة للابد.

طرق لعلاج جفاف البشرة:

1- حطي المرطب بشكل صحيح:

هل تعرفي الوقت الصح للترطيب؟ لو عايزة تحصلي على افضل نتيجة من الكريم المرطب ، يبقى لازم تحطيه بعد غسل البشرة مباشرة ، وممكن تخلي الكريم في الحمام عشان يفكرك انك تحطيه بعد ما تغسلي بشرتك على طول ، المرطب بيساعد على حبس الرطوبة في الجلد ، عشان كده وضعه بعد غسل البشرة او الشاور على طول معناه انك بتحبسي الرطوبة جوه البشرة.

طرق لعلاج جفاف البشرة 1
طرق لعلاج جفاف البشرة 1

2- استخدمي المنتجات الصحيحة:

لو بشرتك جافة ، افضل طريقة عشان تعالجي المشكلة دي هي باستخدام كريم او مرهم ، واللوشن بيكون اقل منتج فاعلية مع البشرة الجافة ، واي منتج بيحتوي على الزيوت يعتبر مستحضر مثالي جدا للبشرة الجافة ، عشان كده دوري دايما على المنتجات اللي بتحتوي على زيت الجوجوبا, زيت الزيتون, زيت جوز الهند, وزبدة الشيا كمان من المنتجات الفعالة جدا لترطيب البشرة الجافة ، من المكونات التانية كمان المفيدة للبشرة الجافة الزيوت المعدنية, الجلسرين, حمض اللاكتيك, وحمض الهيالورونيك, ولو بتفضلي المكونات الطبيعية دوري على افضل الزيوت الاساسية المناسبة للبشرة الجافة زيت زيت اللافندر, زيت اللبان الدكر, زيت بذور الجزر, زيت خشب الصندل.

طرق لعلاج جفاف البشرة 2
طرق لعلاج جفاف البشرة 2

3- الاستحمام بشكل صحيح:

لو بشرتك جافة ، فالاستحمام بطريقة معينة ممكن انه يقلل من فرص جفاف البشرة ، لو بتعاني من بشرة جافة امشي على الحاجات دي اثناء الاستحمام:

– استخدمي مية دافية مش سخنة.

– اقفلي الشباك.

– الاستحمام لمدة 5 – 10 دقايق بس.

– استخدام منتجات استحمام خالية من العطور.

– اتعاملي مع البشرة بلطف من غير فرك.

تعريض البشرة للمية لفترة طويلة ممكن انه يزود مشكلة جفاف البشرة ، عشان كده قللي من فترة الاستحمام هتلاحظي فرق كبير على بشرتك.

طرق لعلاج جفاف البشرة 3
طرق لعلاج جفاف البشرة 3

4- استخدمي منتجات خالية من العطور:

المنتجات المعطرة ممكن انها تضر البشرة الجافة اكتر وتزود المشكلة ، عشان كده اتجنبي المنتجات المعطرة او اي مزيل عرق عطري ، واتأكدي ان اي منتجات بتستخدميها تكون خالية من الكحول ، لان الحاجات دي كلها ممكن انها تضر بانتاج الزيت الطبيعي للبشرة وتمنع البشرة من الاحتفاظ بالزيوت دي وهيخلي بشرتك جافة اكتر.

طرق لعلاج جفاف البشرة 4
طرق لعلاج جفاف البشرة 4

5- استخدمي سيروم:

السيروم هيكون مفيد جدا للبشرة الجافة ويفضل استخدامه مرتين في اليوم بعد تنضيف الوش مباشرة ، وتحطي بعده على طول الكريم المرطب ، السيروم بيكون غني بالفيتامينات والمستخلصات النباتية اللي بتساعد على علاج البشرة الجافة ، وبيرطب البشرة وبيمنع الالتهاب والتقرح.

طرق لعلاج جفاف البشرة 5

6- ترطيب البشرة من الداخل:

اسألي نفسك ، هل بتشربي كمية مية كفاية كل يوم؟ لان اجسامنا بتتكون غالبيتها من المية ، فمنطقي جدا ان البشرة هتبقى جافة لو مشربناش كمية كافية من المية ، وشرب العصاير او القهوة مش بيعوض شرب المية ، لازم تتأكدي انك بتشربي كمية كافية من المية كل يوم ، لان ده ممكن جدا يحل لك المشكلة لانه ممكن يكون هو السبب الرئيسي للمشكلة.

طرق لعلاج جفاف البشرة 6

7- استخدمي جهاز مرطب:

في فصل الشتا بشكل خاص مشكلة جفاف البشرة بتزيد ، واستخدام اجهزة الترطيب في البيت ممكن تعمل فرق كبير جدا في مشكلة جفاف البشرة.

لو جربتي كل الحاجات اللي فاتت ولسه مش عارفة تتخلصي من مشكلة جفاف الجلد ، في الحالة دي الافضل استشارة دكتور جلدية ، لانه ممكن يكون عندك مشكلة جلدية زي الاكزيما.

طرق لعلاج جفاف البشرة 7

5 طرق طبيعية لتقشير البشرة صحية ونتيجتها مضمونة وسهل تعمليهم في البيت

5 طرق طبيعية لتقشير البشرة صحية ونتيجتها مضمونة
5 طرق طبيعية لتقشير البشرة صحية ونتيجتها مضمونة

مقالات متعلقه

دليل من خبراء التغذية عن افضل الاطعمة لتعزيز جمال البشرة

دليل من خبراء التغذية عن افضل الاطعمة لتعزيز جمال البشرة

طرق استخدام زيت فيتامين E على البشرة

طرق استخدام زيت فيتامين E على البشرة

طريقة عمل لوشن للجسم باستخدام الجلسرين

طريقة عمل لوشن للجسم باستخدام الجلسرين