فوايد مذهلة للشمر للبشرة والشعر والصحة

بقلمريهام محمود فيشعر visibility494

بذور الشمر ليها فوايد صحية كتير ، منها انه بيساعد على علاج الانتفاخ وغازات المعدة والربو والسكري ، الشمر بيحتوي على مغذيات نباتية قوية ومضادات الاكسدة ، والنهاردة من خلال السطور الجاية هنتعرف على كل فوايد بذور الشمر للبشرة والشعر والصحة.

فوايد بذور الشمر للبشرة والشعر والصحة:

1- بيحسن صحة الجهاز الهضمي:

بذور الشمر بتستخدم لعلاج مجموعة من امراض الجهاز الهضمي ، زي حرقة المعدة, الغازات المعوية (غازات الاطفال), الانتفاخ, المغص عند الرضع ، الشمر ليها تأثيرات مضادة للتشنج والريح ، وممكن انها تساعد على علاج امراض الجهاز الهضمي الخطيرة زي متلازمة القولون العصبي.

وفي ابحاث اثبتت ان بذور الشمر ممكن كمان انها تساعد على علاج مرض الجزر المعدي المريئي, الاسهال, الامساك, التهاب القولون التقرحي.

2- بيساعد على علاج الربو وامراض الجهاز التنفسي:

المغذيات النباتية الموجودة في بذور الشمر بتساعد على ازالة الجيوب الانفية ، وممكن انها تساعد في التخفيف من اعراض الربو ، وامراض الجهاز التنفسي زي التهاب الشعب الهوائية, الكحة, والانتفاخ.

ولكن في بعض الحالات التانية بذور الشمر ممكن تسبب اعراض الربو لبعض الاشخاص ، عشان كده الافضل استشارة دكتور لو انتي معرضة للاصابة بالربو.

3- مفيد للنساء المرضعات:

بذور الشمر بتحتوي على عنصر الانثول ، وبعض الابحاث قالت انه بيحتوي على نفس خصائص هرمون الاستروجين وبيزود من افراز اللبن ، وبيفيد النساء المرضعات لانه فيه مواد بتعزز الرضاعة.

4- علاج رائحة الفم الكريهة:

مضغ بذور الشمر بتنعش النفس وبتساعد على علاج رائحة الفم الكريهة ، بكل بساطة امضغي من 5 – 10 بذور من الشمر ، بذور الشمر بتساعد على زيادة انتاج اللعاب وبتخلص الفم من البكتيريا اللي بتسبب ريحة الفم الكريهة ، زيت الشمر الاساسي بيحتوي على خصائص مضادة للبكتيريا بتساعد على محاربة الجراثيم اللي بتسبب ريحة الفم الكريهة.

5- بتساعد على مكافحة مرض السكري:

الدراسات اثبتت ان زيت الشمر الاساسي ممكن انه يساعد على خفض مستويات السكر في الدم ، وبالتالي يعتبر اضافة كويسة للنظام الغذائي الخاص بمرضى السكري ، بالاضافة ان بذور الشمر تعتبر مصدر كبير لفيتامين C ، كمان بذور الشمر بتحتوي على بيتا كاروتين اللي بتساعد على تقليل مستويات الكوليسترول عند مرضى السكري من النوع التاني.

فوايد بذور الشمر
فوايد بذور الشمر

6- ممكن انه يساعد على تكبير الصدر:

بعض الابحاث اثبتت ان الشمر بيحتوي على نفس خصائص هرمون الاستروجين ، وبالتالي ممكن انه يساعد على زيادة نمو الثدي.

7- بيساعد على خفض مستويات الكوليسترول:

الشمر بيحتوي على الميثانول ، اللي بيساعد على خفض مستويات الكوليسترول ، وبيقلل كمان من ترسب الدهون (الدهون الثلاثية) في الشرايين التاجية.

8- بيساعد على علاج الوذمة:

الوذمة هي عبارة عن تورم انسجة الجسم بسبب السوائل الزيادة ، والعناصر اللي موجودة في الشمر ليها فعالية في علاج الوذمة.

9- تعزيز الخصوبة:

الشمر زي ما قولنا ليه نفس خصائص الاستروجين ، اللي ممكن انها تساعد على تعزيز الخصوبة.

10- بيساعد على تنظيم مستويات ضغط الدم:

بذور الشمر بتحتوي على البوتاسيوم ، ومعروف ان البوتاسيوم بيقاوم التأثيرات السيئة للصوديوم وبينظم كمية السوائل في مجرى الدم ، وده ممكن انه يساعد في خفض ضغط الدم.

كمان الكالسيوم الموجود في بذور الشمر ممكن انه يقلل من ضغط الدم ، وبيساعد على الحفاظ على تناغم الاوعية الدموية ، وممكن انه يساعد كمان على تنظيم معدل ضربات القلب ، كمان الالياف الموجودة في الشمر ممكن انها تساعد على تنظيم مستويات ضغط الدم.

الابحاث كمان اثبتت ان النتريت الموجود في الشمر ممكن انه يخفض مستويات ضغط الدم ، كمان بذور الشمر بتحتوي على المغنسيوم ، ومعروف ان المغذيات دي بتساعد على خفض مستويات ضغط الدم.

فوايد بذور الشمر

11- ممكن انه يساعد على علاج الفتق:

بتشير بعض المصادر ان بذور الشمر استخدمت في الطب الصيني التقليدي لعلاج الفتق ، ولكن مع ذلك الموضوع ده لسه محتاج ابحاث اكتر للتأكد منه انها ممكن تستخدم في علاج الفتق ولا لا.

12- تعزيز صحة الكبد:

بعض الدراسات اظهرت ان بذور الشمر ممكن انها تمنع انتشار خلايا سرطان الكبد ، وزيادة نشاط بعض الخلايا المضادة للاكسدة في الكبد ، والسيلينيوم الموجود في بذور الشمر ممكن انه يساعد على تحسين وظيفة انزيمات الكبد ، وبعض المصادر كمان بتشير ان بذور الشمر ممكن انها تساعد على تخفيف التهاب المسالك البولية.

13- ممكن انه يساعد على فقدان الوزن:

بذور الشمر غنية بالالياف اللي ممكن تساعد على فقدان الوزن وبتمنع الرغبة في الاكل ، كمان بتساعد على التقليل من تخزين الدهون وتحسين امتصاص العناصر الغذائية.

بذور الشمر ليها خصائص مدرة للبول ، وبتزود من اخراج البول وطرد السوائل الزيادة من الجسم اللي ممكن انه يساعد على فقدان الوزن ، ولكن غالبا فقدان الوزن الناتج عن بذور الشمر بيكون نتيجة مباشرة لفقدان المية مش الدهون.

واثبتت دراسة كورية ان شرب شاي شمر ممكن انه يقلل من الشهية عند الاشخاص اللي بيعانوا من زيادة الوزن.

14- ممكن انه يخفف من غثيان الصباح:

بذور الشمر ممكن انها تساعد على تهدئة المعدة وبتدي الجسم راحة سريعة من غثيان الصباح ، مضغ بذور الشمر او شرب شاي الشمر ممكن انه يمنع غازات المعدة ويشجع على طرد الغازات ، وعلى علاج الغثيان كمان.

15- تحسين اعراض الدورة الشهرية:

اكدت الدراسات الاولية ان الشمر آمن وفعال لتخفيف اعراض سن اليأس ، كمان الخصائص النباتية اللي موجودة في الشمر ممكن انها تساعد على علاج اعراض الدورة الشهرية زي التقلصات والهبات الساخنة في الجسم.

16- تعزيز جودة النوم:

بذور الشمر بتحتوي على المغنسيوم ، وبعض المصادر بتشير ان المغنسيوم ممكن انه يساعد على تحسين نوعية ومدة النوم ، خصوصا عند كبار السن ، وكمان بيساعد في علاج اضطرابات النوم زي الارق.

17- علاج فطريات الفم:

مضادات الاكسدة الموجودة في بذور الشمر ممكن انها تساعد في علاج فطريات الفم ، كمان الشمر بيحتوي على خصائص مضادة للبكتيريا ومضادة للفطريات ، اللي بتكون فعالة ضد الفطريات ، اكل معلقة كبيرة من الشمر مع وجبة الفطار ممكن انه يساعد على تخفيف الاعراض ، تقدري تطحنيه وتضيفيه لوجبة الفطار ، او تشربي شاي الشمر عن طريق نقع البذور في مية سخنة وتحليه وتشربيه الصبح.

18- تحسين مظهر الجلد:

كتير من مستحضرات العناية بالبشرة والكريمات المضادة للشيخوخة بييدخل فيها الشمر ، بعد ما ثبت فاعليته في حماية الجلد من تلف الجذور الحرة ، وتحسين طول عمر خلايا الجلد.

طريقة استخدام بذور الشمر للبشرة:

– لتنعيم البشرة ، خدي شوية من بذور الشمر وضيفيها لمية مغلية ، سيبيه يبرد ، ضيفي للخليط كام نقطة من زيت الشمر ، بقطعة قطن خدي من الخليط وادهني بشرتك كذا مرة خلال اليوم ، هينعم البشرة ويديكي شعور منعش.

– كمان استخدام بخار بذور الشمر مفيد لتحسين نسيج البشرة ، ضيفي معلقة كبيرة من بذور الشمر للتر مية مغلية ، غطي راسك بفوطة وعرضي بشرتك للبخار لمدة 5 دقايق ، كرريها مرتين في الاسبوع لتنضيف المسام ونضارة البشرة.

– ممكن كمان تستخدميه كماسك ، ضيفي معلقة كبيرة من بذور الشمر ل ½ كوباية مية مغلية ، سيبيه لمدة 30 دقيقة وبعدين ضيفي له معلقة كبيرة من دقيق الشوفان والعسل ، لحد ما تتكون عندك عجينة ناعمة افرديها على البشرة ، سيبي الماسك 20 دقيقة وبعدها اغسليه بمية فاترة.

فوايد الشمر للبشرة
فوايد الشمر للبشرة

19- تحسين صحة الشعر:

مضادات الاكسدة والخصائص المضادة للميكروبات الموجودة في بذور الشمر بتساعد على علاج مشاكل الشعر ، منها قشرة الشعر, كحة فروة الراس, تكسر الشعر, تساقط الشعر.

طريقة استخدام بذور الشمر للشعر:

– اعملي شاي الشمر ، اغلي كوبايتين مية وضيفي لهم 3 معالق كبيرة شمر ، سيبي الشمر منقوع في المية لمدة 15 دقيقة ، وبعدها استخدميه كاخر شطفة للشعر بعد ما تغسليه بالشامبو والبلسم ، الطريقة دي بتعزز صحة الشعر وبتمنع تكسر وتساقط الشعر.

– ممكن كمان تستخدمي محلول خل الشمر لعلاج فروة الراس والكحة وفروة الراس الجافة ، اغلي كوباية مية وضيفي لها معلقة كبيرة شمر مسحوق ، سيبيه 30 دقيقة ، وبعدين ضيفي له معلقة جلسرين وخل تفاح ، صفي الخليط على مصفى او في قطعة قماش ، دلكي فروة راسك وشعرك بالخليط وسيبيه شوية ، بعدها اشطفي الشعر ، والميزة في المحلول ده انك تقدري تخزنيه في ازازة زجاجية عندك هيقعد معاكي اسابيع.

فوايد الشمر للشعر
فوايد الشمر للشعر

ايه اللي هيحصل لجسمك لو بدأتي تاكلي عودين قرنفل كل يوم