نصايح مفيدة لطريقة عمل Baking لتثبيت المكياج

هل تعرفي ايه هو Baking المكياج او خبز المكياج؟ هو عبارة عن تكنيك لتثبيت المكياج لفترة اطول ، وهو مفيد بشكل خاص لو عندك مناسبة خاصة وعايزة مكياجك يثبت لاطول فترة ممكنة زي ما هو ، والنهاردة هنشارك معاكم نصايح لطريقة عمل Baking المكياج.

طريقة عمل Baking المكياج:

ليه محتاجة تعملي Baking للمكياج؟

التكنيك ده هدفه الاساسي هو تثبيت المكياج لاطول فترة ، والتكنيك بيعتمد على تطبيق كمية وفيرة من البودرة الشفافة بعد وضع كريم الاساس والكونسيلر ، بعدها بتسيبها من 5 – 10 دقايق ، خلال الوقت ده البشرة هتمتص البودرة وهيثبت المكياج اللي انتي حطتيه ، وفي الاخر بتشيلي البودرة الزيادة بفرشة.

لو انتي عندك دايما مشكلة مع المكياج انه بيسيح بسرعة او كريم الاساس مش بيدوم فترة طويلة ، فالتكنيك ده يعتبر هو الطريقة المناسبة اللي تعتمدي عليها ، بالاضافة ان الطريقة دي هتمنع ان الكونسيلر يشقق ويعمل خطوط رفيعة تحت العين ، عن طريق وضع البودرة فوق الكونسيلر وتسيبيها لحد ما البشرة تمتصها ده هيمنع مشكلة تشقق الكونسيلر.

نصايح اضافية:

– لتطبيق البودرة ، ممكن تستخدمي بيوتي بلندر ، او باستخدام الفرشة.

– متنسيش انك محتاجة فرشة عشان تشيلي بيها البودرة الزيادة بعد ما تخلصي ، استخدمي فرشة مروحة هتكون انسب اختيار ، او تقدري تستخدمي اي فرشة تانية تكون الشعيرات بتاعتها واسعة.

– متنسيش ترطيب البشرة قبل تطبيق المكياج وخصوصا منطقة تحت العين ، لان ده هيمنع المكياج انه يشقق ويبقى Cakey ، وكمان هيمنع الخطوط الرفيعة.

– حطي طبقة سميكة من الكونسيلر تحت العين ، لو عايزة تغطية عالية ، ومتقلقيش البودرة هتثبته في مكانه ، وهتمنع التشققات والخطوط الرفيعة ، ولكن اتأكدي من مزج الكونسيلر كويس تحت العين.

الطريقة بالفيديو:

تكنيك الجامسو Jamsu لتثبيت المكياج فترة طويلة