10 ستايلات شنط اساسية المفروض يكونوا عند كل بنت

ريهام محمود
ريهام محمود
2750

الموضة هي اكتر من اسلوب او ستايل شخصي او اننا نمشي على الحاجات التريندي وخلاص ، سواء اللبس او الشوز او الاكسسوارات ، الاختيار الصح هيكمل اللوك والستايل كله ، عشان كده مهم انك تختاري كل حاجة بتلبسيها بشكل صح ، والشنط من اكتر الحاجات المهمة في دولاب اي بنت ، والنهاردة هنقولك قايمة من 10 ستايلات شنط اساسية المفروض يكونوا عند كل بنت.

ستايلات شنط اساسية المفروض يكونوا عند كل بنت:

1- شنطة سودا للشغل:

الشنطة السودا الكبيرة انسب اختيار للشغل كل يوم ، لانها عملية ومتعددة الاستخدامات وممكن تشيلي فيها حاجات كتير ، وفي نفس الوقت مناسبة لملابس الشغل ، ممكن كمان تستخدميها لاجتماعات الشغل او حتى مواعيد غدا.

2- Tote Bag:

الشنط الكبيرة اللي بتبقى حجمها اكبر من الشنط العادية او الحجم الطبيعي ، دي عملية جدا لو في حاجات كتير عايزة تاخديها معاكي وانتي بره البيت ، او لو هتفضلي بره طول اليوم ووراكي مشواير كتير ورا بعض ، والستايل ده بيكون مريح وعملي جدا ومناسب مع اي قطعة ملابس ، وهتلاقي منها اشكال كتير ملونة, ومطبوعة عشان تدي مظهر مشرق لوك بتاعك.

3- Clutch purse لكل يوم:

الشنطة الكلتش تعتبر اختيار انيق للخروجات النهارية.

4- Box clutch للحفلات والسهرات:

الستايل التاني من الكلتش المناسب لخروجات بالليل والحفلات والسهرات.

5- Weekender bag:

لو عندك فسحة قصيرة اخر الاسبوع او رحلة قريبة ، ممكن تبقى الشنطة ال Tote مش كافية وهتحتاجي حاجة اكبر هنا شنطة الويك اند او نهاية الاسبوع هي الاختيار المناسب ، تقدري تحطي فيها كل حاجتك بسهولة ، وفي نفس الوقت تفضلي محتفظة بلوك انيق.

6- Chic suitcases:

سافري وانتي انيقة ، واعتمدي على شنطة ملونة انيقة او بألوان محايدة او بألوان جريئة مميزة تقدري تتعرفي عليها بسهولة خلال السفر.

7- حقيبة الشاطيء Beach bag:

الشاطيء محتاج شنطة كبيرة تقدري تشيليها فيها كل حاجة خاصة بيكي ومريحة ، وفي نفس الوقت جودتها كويسة عشان تتحمل ومتتعرضش للتلف بسرعة من جو البحر والرملة.

8- شنطة كاجوال بايد طويلة:

الشنطة دي مناسبة اوي لو رايحة كافية, هتدخلي سينما, او رحلة طريق قصيرة ، اختاري منها التصاميم والستايلات اللي تناسب شخصيتك.

9- شنطة بألوان جريئة:

لو عايزة تدي حياة للبسك وللوك بتاعك وتظهريه اكتر ، الشنطة بألوان جريئة هتكون هي الاختيار المناسب ليكي ، والالوان الجريئة مناسبة للصيف ، وتقدري تنسقيها مع ملابس بألوان احادية.

10- شنطة Tote بألوان محايدة:

تقدري تختاري الشنطة بألوان محايدة لو مش متأكدة بالظبط ايه اللون اللي ممكن يكون مناسب مع لبسك ومش عارفة تختاري.

إزاى تختارى الشنطة المناسبة علي حسب لبسك وشكل جسمك

إزاى تختارى الشنطة المناسبة
إزاى تختارى الشنطة المناسبة

مقالات متعلقه

9 نصايح هتساعدك في اختيار شنطة متأذيش ضهرك

9 نصايح هتساعدك في اختيار شنطة متأذيش ضهرك

موضة الشنط الكروشيه رجعت تاني

موضة الشنط الكروشيه رجعت تاني

حاجات لازم تحطيها في الاعتبار قبل ما تشتري شنطة اليد

حاجات لازم تحطيها في الاعتبار قبل ما تشتري شنطة اليد