4 معتقدات غلط عن شحن الأجهزة الكهربائية.. اعرفيهم وحاولي تجنبيهم

بقلمآية حسان فيمنوعات visibility353

كتير منكوا بيقلقوا لو سابوا الشاحن فى الكهربا او لو سابوا اللاب توب بيتشحن طول الليل وعشان تعرفى الحاجات دى فعلا ممكن تبوظ الأجهزة ولا لأ اعرفى معانا 4 معتقدات غلط عن شحن الأجهزة الكهربائية.. اعرفيهم وحاولي تجنبيهم

4 معتقدات غلط عن شحن الأجهزة الكهربائية.. اعرفيهم وحاولي تجنبيهم

مينفعش تسيبى الموبايل فى الشاحن طول الليل

ممكن عادى تشحنى الموبايل طول الليل و ده بسبب ان البطارية بتوقف شحن لما بتوصل 100%.الحاجة الوحيدة اللى تقلقى عشانها هى ان الموبايل يسخن جامد لأنه فى الحالة دى بتبقى حرارة الموبايل فيها مشكلة فلو موبايلك فيه المشكلة دى بلاش تسيبيه فى الشاحن طول الليل وعشان تتجنبى تجيبى جهاز فيه العيب ده اعرفى تجارب الناس اللى اشترته قبل ما تشتريه انتى.

مينفعش تسيبى الموبايل فى الشاحن طول الليل

لازم الموبايل دايما يوصل 0% وبعدين يتشحن

كل بطارية بيبقى ليها عدد من دورات الشحن فمثلا الايفون ليه 500 دورة شحن ودورة شحن معناها ان الموبايل يتشحن من 0% ل 100% مثلا لو شحنتى الموبايل من 90% ل 100% دى تساوى 1/10 من دورة الشحن وعشان متهدريش دورات شحن اشحنى الموبايل اكتر من مرة فى اليوم و طول ما انتى مخلية البطارية من 40% ل80% هيفضل شغال معاكى وقت اطول.

لازم الموبايل دايما يوصل 0% وبعدين يتشحن

مينفعش تسيبى الشاحن متوصل فى الكهربا

انك تسيبى الشاحن متوصل فى الكهربا ممكن يسهل عليكى وميضطركيش تقعدى تدورى على الشاحن بس قواعد السلامة بتوصى انك تفصليه بعد الاستخدام لانه ممكن يسبب حريقة او قفلة بس ان ده يحصل فى المدن بيبقى نادر عشان كده مش لازم تلتزمى بيها اوى.فى 4 حالات لازم تفصلى فيها الشاحن من الكهربا بعد الاستخدام: 1- لو كهربة البيت مبتفصلش اوتوماتيك لما بيحصل قفلة او مشكلة فى الكهربا. 2- لو فى حيوانات فى البيت لانهم ممكن تعض السلك. 3- لو عندك تسريب مياه.   4- لو الشاحن بيسخن او بيعمل صوت حتو وهو مش واصل فى الجهاز.

مينفعش تسيبى الشاحن متوصل فى الكهربا

اللاب توب ممكن يبوظ لو سيبتيه فترة طويلة فى الشاحن

ممكن تسيبى اللاب فى الشاحن لأن البطارية بتوقف شحن لما توصل ل100% و الأفضل إنك تعملى مرة فى الشهر حاجة اسمها دورة شحن يعنى تسيبى البطارية لما توصل 0% وبعدين تسيبيها تتشحن لحد ما توصل 100%.

اللاب توب ممكن يبوظ لو سيبتيه فترة طويلة فى الشاحن

اعرفي معانا كمان 5 اخطاء كلنا بنعملهم واحنا بنستخدم الموبايل