طريقة عمل وصفة جولاب جامون – اشهر الحلويات الهندية

بقلمريهام محمود فيحلويات visibility465

جولاب جامون هو من اشهر انواع الحلويات الهندية الكلاسيكية ، واكيد كتير مننا من متابعين الافلام الهندية شافوا في الافلام وكان نفسهم يجربوه ، وهو من انواع الحلويات الاساسية اللي بتتقدم في الافراح الهندية ، والنهاردة من خلال موضوعنا هنعرف مع بعض طريقة عمل وصفة جولاب جامون بالخطوات والفيديو.

طريقة عمل وصفة جولاب جامون:

مكونات الشربات:

– 1 ½ كوباية سكر.

– 4 فصوص حبهان.

– 1 ½ كوباية مية.

مكونات العجينة:

– 1 كوباية لبن بودرة.

– ¼ كوباية + 1 معلقة كبيرة دقيق لجميع الاغراض.

– ¼ معلقة صغيرة كربوناتو.

– 1 معلقة صغيرة سمنة.

– 1 معلقة كبيرة زبادي مع ¾ معلقة كبيرة عصير ليمون و 2 معلقة كبيرة لبن اخلطيهم مع بعض.

طريقة عمل وصفة جولاب جامون
طريقة عمل وصفة جولاب جامون

طريقة تحضير الشربات:

1- ضيفي السكر مع الحبهان في حلة على النار ، وضيفي لهم المية.

طريقة عمل الشربات
طريقة عمل الشربات

2- اغلي الخليط مع بعض لحد ما يبقى قوامه سميك شوية وميكونش ولا خفيف اوي ولا سميك اوي يبقى القوام وسط ولزج ، بعدها ارفعيه من على النار وضيفي له شوية مية ورد.

طريقة عمل الشربات

طريقة عمل العجينة:

1- اخلطي اللبن البودرة مع الدقيق والكربوناتو.

طريقة عمل وصفة جولاب جامون

2- امزجيهم مع بعض كويس جدا ، وبعدين ضيفي لهم معلقة السمنة.

طريقة عمل وصفة جولاب جامون

3- امزجي كل المكونات مع بعض كويس.

طريقة عمل وصفة جولاب جامون

4- هاتي معلقة الزبادي ، وعصير الليمون مع اللبن واخلطيهم كويس.

طريقة عمل وصفة جولاب جامون

5- ضيفي 1 ½ معلقة كبيرة من خليط الزبادي واللبن والليمون لخليط اللبن البودرة والدقيق ، واستخدمي الباقي حسب الحاجة ، هنا في الوصفة استخدمنا تقريبا معلقتين كبار ، ولو لقيتي العجينة جافة زودي لها شوية لبن.

طريقة عمل وصفة جولاب جامون

6- اعجني الخليط بايدك لحد ما تتكون عندك عجينة لزجة شوية ، ولو لقتيها بتلزق في الصوابع ادهني شوية زيت واعجنيها لحد ما تبقى العجينة قاسية شوية بس في نفس الوقت ناعمة ، وده المفروض القوام الصح للعجينة عشان تطلع معاكي مظبوطة ، ولو لقتيها لسه بتلزق في الايد ممكن ترشي رشة دقيق صغيرة عشان تظبطيها.

طريقة عمل وصفة جولاب جامون

7- قسمي العجينة ل 14 – 18 قطعة متساوية واعمليها على شكل كرات صغيرة ناعمة من غير اي خطوط او شقوق ، ومتعجنيش ولا تضغطي على العجينة وانتي بتشكليها خلي ايدك خفيفة عليها.

طريقة عمل وصفة جولاب جامون

8- في طاسة سخني السمنة او الزيت ، ويفضل انها تتحمر في السمنة.

9- لازم درجة حرارة السمنة او الزيت تكون متوسطة مش سخنة اوي ، والا الجولاب جامون هيتحمر اوي من بره ويغمق ويفضل ني من جوه.

وعشان تتأكدي من درجة الحرارة الصح ، نزلي حتة عجين صغيرة في الزيت لازم حتى العجين تطلع فوق ببطء من غير ما لونها يتغير اوي ، دي تعتبر درجة الحرارة المناسبة ، لكن لو حتة العجين ارتفعت بسرعة ، ده معناه ان الزيت سخن اوي ، ارفعيه من على النار لحد ما حرارتة تقل شوية وبعدين رجعيه على النار ونزلي فيه كور الجولاب جامون.

10- اقلي كرات الجولاب جامون في الزيت على نار متوسطة لمدة دقيقة لدقيقتين ، وخلي بالك انهم لما يتقلوا حجمهم هيزيد عشان كده وفري لهم مساحة ومتمليش الطاسة على الاخر.

11- بعد دقيقتين من القلي ، قللي النار على درجة حرارة منخفضة واقليهم لحد ما يبقى لونهم دهبي ، مع التقليب المستمر عشان تقليها من كل الجوانب بالتساوي.

12- لما لونهم يتحول للون بني دهبي طلعيهم من السمنة.

13- حطيهم مباشرة في الشربات ، والشربات لازم يكون سخن بدرجة معقولة مش سخن اوي بحيث انك ممكن تحطي صوباعك فيه تحسي بالسخونة بتاعته وتتحمليها.

14- سيبي كرات الجولاب جامون منقوعة في الشربات لمدة 3 ساعات قبل التقديم عشان تتشرب الشربات كويس من جوه.

15- بعدها قدميها وزينيها بالفستق المفروم.

الطريقة بالفيديو:

طريقة عمل كوكيز السكر بالشوكولاتة الفارمسيل الملونة