15 فايدة مذهلة لاشعة الشمس على البشرة والشعر والصحة

بقلمريهام محمود فيصحة visibility196

دايما بنسمع ان اشعة الشمس ليها اضرار على الجلد ، وده بيخلينا نعمل اي حاجة لتجنب الشمس ، وفي حين ان التعرض المفرط لاشعة الشمس غير آمن ، لكن لازم تفتكري ان اشعة الشمس بتلعب دور حيوي في نمو الجسم ، وفي العصور القديمة كانت حمامات الشمس جزء من جلسات اليوجا لان ليها خصائص علاجية ، والعلماء استنتجوا ان الاشعة فوق البنفسجية ليها اثار مفيدة وضارة في نفس الوقت على صحة الانسان ، ونفس الاشعة فوق البنفسجية اللي ممكن تسبب الامراض الجلدية ممكن انها تعالج بعض الامراض ، والنهاردة من خلال موضوعنا هنتعرف على فوايد الشمس للبشرة والشعر والصحة.

فوايد الشمس للبشرة والشعر والصحة:

فوايد الشمس للصحة:

1- بيعزز من فيتامين D:

اكيد معروف ان الشمس واحدة من اغنى المصادر لفيتامين D الضروري جدا للصحة ، وكل مرة بتحطي فيها واقي الشمس على بشرتك قبل ما تخرجي فانتي بتحرميها انها تستفيد من الفيتامين ده.

فيتامين D مفيد لصحة وقوة العظام والاسنان, لدعم الجهاز المناعي, للحماية من الخرف والشيخوخة, لتقليل اعراض الربو, وكمان ممكن انه يحمي جسمك من السرطان.

2- اشعة الشمس ممكن تحمي من سرطان البروستاتا:

كل ما قل التعرض لاشعة الشمس ، زاد فرص خطر الاصابة بسرطان البروستاتا ، والابحاث اكدت ده ان الاشخاص اللي مش بيتعرضوا للشمس ممكن يزيد عندهم فرص الاصابة بسرطان البروستاتا ، وبيكون عندهم معدل اعلى للوفاة.

3- اشعة الشمس بتخفض مستويات الكورتيزول:

الكورتيزول هو هرمون الاجهاد ، واللي ممكن يزود من شهيتك ويأدي في النهاية لزيادة الوزن ، ومن خلال الدراسات اثبتت ان التعرض لاشعة الشمس ، ممكن انه يساعد على تقليل مستويات الكورتيزول.

4- اشعة الشمس ممكن انها تساعد في التخلص من الاكتئاب:

اشعة الشمس ممكن انها تساعد الاشخاص اللي بيعانوا من الاكتئاب ، لان قلة التعرض لاشعة الشمس ممكن انه يسبب نوع معين من الاكتئاب اسمه الاضطراب العاطفي الموسمي ، وبيحصل بشكل رئيسي في الشتا او خلال موسم الخريف ، واظهرت الدراسات ان التعرض لاشعة الشمس الصبح بدري كل يوم ممكن انه يقلل من مدة الشفاء للمرضى اللي بيعانوا من الاكتئاب ثنائي القطب.

5- قلة التعرض لاشعة الشمس ممكن يزود من خطر الاصابة بارتفاع ضغط الدم:

الدراسات اثبتت ان قلة التعرض لاشعة الشمس ، بيزود خطر الاصابة بارتفاع ضغط الدم ، بالاضافة الى انه ممكن يأثر بشكل مباشر على خطر الاصابة بامراض القلب والاوعية الدموية ، وفيتامين D يعتبر من اقوى الهرمونات لتنظيم ضغط الدم.

6- اشعة الشمس بتقلل من خطر التصلب المتعدد:

حسب الدراسات اثبتت ان الاشخاص اللي بيتعرضوا لاشعة الشمس بشكل اقل ، ده بيأدي لارتفاع معدل انتشار مرض التصلب المتعدد اللي بيسبب ضرر في الجهاز العصبي المركزي في المخ.

7- اشعة الشمس بتقلل من خطر الاصابة بالسكري:

حسب كلام الخبراء والمتخصصين ، ان فيتامين D اللي موجود في اشعة الشمس ليه تأثير وقائي من مرض السكر ، واثبتت الدراسات ان استهلاك فيتامين D بشكل مبكر مرتبط بشدة بانخفاض خطر الاصابة بمرض السكري من النوع الاول.

8- بتساعد على تقليل الصدفية:

الصدفية هي مرض جلدي بتسبب بقع حمرا وسمك للجلد وملمس غير طبيعي ، ويقال ان المرض ده غير قابل للشفاء ، ولكن بيستخدم للتقليل منه العلاج بالضوء والمعروف بالعلاج الضوئي ، والشمس هي مصدر الضوء وبالتالي ممكن ان اشعة الشمس تقلل من مرض الصدفية.

9- بتساعد على علاج البهاق:

البهاق زي ما هو معروف هو عبارة عن بقع بيضا على الجلد ، وبيتم فيه تدمير بعض مناطق الخلايا الصبغية ، وغالبا بيكون ناتج من عملية المناعة الذاتية وبيت علاجة بالتعرض للاشعة فوق البنفسجية مع علاج طبي.

10- بتحمي من التهاب المفاصل:

فيتامين D يعتبر من اهم الفيتامينات لتقوية العضم ، وقلة التعرض لاشعة الشمس ممكن انه يأدي لالتهاب المفاصل ، والتعرض ليها هيوفر فيتامين D للجسم وهيحمي من التهاب المفاصل.

فوايد اشعة الشمس للصحة
فوايد اشعة الشمس للصحة

فوايد اشعة الشمس للبشرة:

11- بتعالج حب الشباب:

اشعة الشمس ممكن انها تساعد على علاج الاضطرابات الجلدية زي حب الشباب, الصدفية, الاكزيما ، واثبتت الدراسات ان العلاج بحمامات الشمس لمدة 4 اسابيع كان ليه تأثير فعال جدا في علاج الصدفية لاكتر من 80% من الاشخاص ، وبتساعد كمان على علاج الالتهابات الفطرية.

12- ازاي تفيدي بشرتك بطريقة صح من الشمس:

عشان تتأكدي ان بشرتك تستفيد من اشعة الشمس بدل ما تسبب لها تلف ، عرضي بشرتك للشمس بشكل تدريجي بدل من التعرض الكامل مرة واحدة من اول يوم ، وده مهم بشكل خاص لو بشرتك حساسة من الشمس وجلدك مش متعود للتعرض ليها.

فوايد اشعة الشمس للبشرة
فوايد اشعة الشمس للبشرة

13- بتساعد على فقدان الوزن:

فايدة كمان مذهلة لاشعة الشمس وهي انها بتساعد على فقدان الوزن ، حمامات الشمس رائعة جدا لو عايزة تخسري وزن لانها بتساعد على التخلص من الدهون الزيادة في الجسم.

اشعة الشمس لتخسيس الوزن
اشعة الشمس لتخسيس الوزن

فوايد اشعة الشمس للشعر:

14- بتساعد على علاج تساقط الشعر:

اشعة الشمس تعتبر علاج فعال لتساقط الشعر ، ولكن مهم جدا انك تفتكري ان التعرض المفرط لاشعة الشمس ممكن يسبب اضرار اكتر من انه يفيد ، عشان كده حاولي انك تدي شعرك جرعة معقولة من اشعة الشمس ، لانه معروف ان الخلايا اللي بتساعد على نمو الشعر حساسة جدا للاشعة فوق البنفسجية ، والتعرض المفرط ليها ممكن انه يأدي لخفض مستويات فيتامين C, E الضرورية لنمو الشعر.

15- بتساعد على نمو الشعر:

 اشعة الشمس بتساعد الجسم على انتاج فيتامين D ، وده بدوره بيحفز نمو شعرك وبيمنع تساقط الشعر.

فوايد اشعة الشمس للشعر
فوايد اشعة الشمس للشعر

في حين ان استخدام واقي الشمس مهم جدا لحماية البشرة من الاضرار اللي ممكن تسببها اشعة الشمس خصوصا لو هتقضي فيها فترة طويلة ، افتكري انك متحرميش نفسك تماما من اشعة الشمس وحاولي تستفادي منها بشكل معقول ، اخرجي واسمحي لجسمك يستقبل الفيتامينات اللي محتاجها لبشرة وشعر صحيين.

وصفات طبيعية للتخلص من علامات واثار النضارة الطبية على البشرة