وصفات طبيعية للتخلص من علامات واثار النضارة الطبية على البشرة

ريهام محمود
ريهام محمود
في
بشرة
430

مشكلة مشتركة بيعاني منها كل الاشخاص اللي بيلبسوا نضارة طبية ، وهي العلامات والاثار الغامقة اللي بتسيبها النضارة على الانف وتحت العين على المدى الطويل ، وبيكون الموضوع مزعج جدا ، وعشان تتخلصي من المشكلة دي النهاردة من خلال السطور الجايه هنقولك مجموعة وصفات طبيعية للتخلص من اثار النضارة الطبية على البشرة.

وصفات طبيعية للتخلص من اثار النضارة الطبية:

1- جل الالوفيرا:

جل الالوفيرا ليه تأثير مهدي على الجلد ، وبيحتوي على مضادات الالتهابات ومضادات الاكسدة ، وغني بالفيتامينات اللي هتساعدك على علاج العلامات والاثار الغامقة الناتجة عن لبس النضارة الطبية وهيساعد على شفاء انسجة الجلد.

دلكي المنطقة الغامقة بكمية من جل الالوفيرا كل يوم بالليل قبل النوم واغسليه الصبح ، وممكن تحطيه خلال فترة النهار وتسيبيه 20 دقيقة او لحد ما ينشف على البشرة وبعدين تغسليه بمية دافية ، الاستخدام المنتظم لجل الالوفيرا هيساعدك على التخلص من الاثار الغامقة.

وصفات طبيعية للتخلص من اثار النضارة الطبية 1
وصفات طبيعية للتخلص من اثار النضارة الطبية 1

2- عصير الليمون:

عصير الليمون بيحتوي على حامض الستريك اللي يعتبر مبيض طبيعي للبشرة ، وده هيساعدك على التخلص من العلامات الغامقة.

خففي عصير الليمون بشوية مية وبقطنة ادهني الاماكن الغامقة على البشرة ، كرري الوصفة دي يوميا لحد ما تتخلصي من الاثار الغامقة على الانف وتحت العيون.

وصفات طبيعية للتخلص من اثار النضارة الطبية 2
وصفات طبيعية للتخلص من اثار النضارة الطبية 2

3- الخيار:

الخيار كمان من المكونات اللي ممكن تساعدك على التخلص من العلامات الغامقة اللي بتسيبها النضارة على البشرة.

قطعي شريحة خيار وحطيها على الاماكن الغامقة لمدة 20 دقيقة ، او ممكن تستخدمي عصير الخيار تدهني بيه المناطق الغامقة ، كرري الوصفة يوميا لحد ما تتخلصي من العلامات.

وصفات طبيعية للتخلص من اثار النضارة الطبية 3
وصفات طبيعية للتخلص من اثار النضارة الطبية 3

4- البطاطس:

البطاطس بتحتوي على خصائص بتساعد على تبييض البشرة وعلاج فرط التصبغ.

حطي شريحة بطاطس على الاماكن الغامقة لمدة 20 دقيقة وبعدين شيليها واغسلي المنطقة بالمية ، وممكن كمان تستخدمي عصير البطاطس على الاماكن الغامقة ، انتظمي عليها لحد ما تتخلصي من الاثار الغامقة.

وصفات طبيعية للتخلص من اثار النضارة الطبية 4
وصفات طبيعية للتخلص من اثار النضارة الطبية 4

5- الطماطم:

الطماطم كمان من المكونات اللي بتحتوي على خصائص مبيضة وممكن تساعدك في التخلص من الاثار الغامقة.

حطي شريحة طماطم على المناطق لغامقة ، او ادهنيها بعصير الطماطم وسيبيه لحد ما ينشف وبعدين اغسليه بالمية العادية ، كرريها يوميا لحد ما تتخلصي من العلامات الغامقة.

وصفات طبيعية للتخلص من اثار النضارة الطبية 5
وصفات طبيعية للتخلص من اثار النضارة الطبية 5

6- مية الورد:

مية الورد بتساعد على ترطيب وتهدئة البشرة وبتساعد على شفاء انسجة الجلد.

ادهني المناطق الغامقة بمية الورد ، وسيبيها لمدة 15 دقيقة وبعدين اغسليها بالمية ، او ادهنيها وسيبيها طول الليل ، كرري الطريقة دي يوميا لحد ما تتخلصي من العلامات الغامقة.

وصفات طبيعية للتخلص من اثار النضارة الطبية 6

7- عسل النحل:

عسل النحل بيحتوي على خصائص مضادة للالتهابات بتساعد على تسريع شفاء الجلد.

اخلطي كمية من العسل مع شوفان مطحون ولبن لحد ما يكون عندك عجينة قوامها مناسب ، حطي الخليط على الاماكن الغامقة لمدة 15 – 20 دقيقة ، وبعدين اغسلي البشرة بالمية ، كرري الوصفة دي يوميا لحد ما تتخلصي من علامات النضارة.

وصفات طبيعية للتخلص من اثار النضارة الطبية 7

8- قشر البرتقان:

هاتي قشر البرتقان جففيه واطحنية لحد ما يبقى بودر ، اخلطي قشر البرتقان المطحون مع اللبن لحد ما تتكون عندك عجينة ، حطي العجينة دي على الاماكن الغامقة وسيبيها 15 دقيقة ، وبعدين اغسلي البشرة بالمية ، كرري الوصفة يوميا.

وصفات طبيعية للتخلص من اثار النضارة الطبية 8

9- زيت اللوز الحلو:

زيت اللوز بيحتوي على فيتامين E اللي ليه فوايد كتير جدا للبشرة وبيساعد على تفتيحها ، دلكي المناطق الغامقة يوميا بزيت اللوز الحلو لحد ما تتخلصي من العلامات الغامقة.

وصفات طبيعية للتخلص من اثار النضارة الطبية 9

مقالات متعلقه

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

روتين للعناية بالبشرة قبل العيد لبشرة نضرة وصحية

روتين للعناية بالبشرة قبل العيد لبشرة نضرة وصحية