نصايح وأفكار ازاى يبقى لبسك على الموضة وتريندي من غير ما تصرفى فلوس كتير

بقلمآية حسان فيموضة وأزياء visibility314

كلنا بنبقى عايزين نلبس تريندي وعلى الموضة، ويكون اللوك بتاعنا stylish وحلو، لكن الحقيقة هي ان الموضة والتريندات لو سيبتي نفسك تمشي وراهم من غير حساب، هيكلفوكي كتير اوي، عشان كده في الاول حابين نفكرك ان اللوك والشكل الحلوين مش بسعر الحاجة اللي انتي لابساها ابداً، لكن بذوقك واختياراتك وشخصيتك.. وانك ضروري تختاري اللي يناسبك انتي وتبقى مرتاحة فيه دايماً، ودلوقتي خلينا نقولك نصايح وافكار نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

ماتمشيش ورا الترند وخلاص:

أهم حاجة لازم ماتمشيش ورا الترند من غير ما يكون مناسب ليكى وكمان اختارى الحاجات اللى ممكن تلبسيها فى أى وقت وممكن تليق على حاجات كتير وممكن تغيرى الإكسسوارات اللى تلبسيها معاها وخلى دولابك دايما فيه حاجات ممكن تمشى على أكتر من حاجة عشان تبقى استثمرتى فلوسك كويس.

ماتمشيش ورا الترند وخلاص

حددى ميزانية مناسبة:

حددى ميزانية مناسبة وامشى عليها عشان تبقى ملزمة تشترى القطع اللى انتى فعلا محتاجاها ومهمة من غير ما تتشتتى بحاجات تانية هتلبسيها مرة او مرتين وخلاص عشان كده لازم تححدى انتى محتاجة كام وهتقدرى توفريه ولا لأ وبكده هتقدرى تحددى الحاجات المهمة بالنسبة ليكى.

حددى ميزانية مناسبة

اتجنبى القرارت السريعة فى الشراء:

اتجنبى القرارت السريعة فى الشراء لأن ساعات بنعدى من ادام المحلات ونشوف حاجة نحس أنها عاجبانا لكن هى فى الحقيقة مش الستايل بتاعنا ونكون ضيعنا الفلوس عشان كده لازم تتحكمى فى رغبتك فى الشراء وحددى بالظبط انتى محتاجة ايه.خاصة فى الشراء الاونلاين من السهل جدا انك تتسرعى فى شراء حاجات مش مهمة لأنه بضغطة زرار ممكن تطلبيها عشان كده لما تشوفى حاجة اونلاين وتحسي انك عايزاها سيفيها لبعدين وشوفى بعد كده اذا كنتى عايزاها تانى ولا لأ.

اتجنبى القرارت السريعة فى الشراء

استثمرى فلوسك:

استثمرى فلوسك فى حاجة ينفع تلبسها بأكتر من ستايل عشان متضطريش تشترى حاجة تانية فى وقت قريب عشان كده لازم تشترى حاجة تدوم عمدك وقت طويل وتقدرى تلبسيها اكتر من مرة زى مثلا البنطلونات والبلوزات والسويت شيرت اللى الوانها ممكن تليق على حاجات كتير.

استغلي الخصومات:

اشترى من المحلات اللى بتعمل عروض وخصومات لأنها ممكن يبقى فيها لبس براندات بأسعار أقل وبالتلى تقدرى تقدرى توفرى فلوس تشترى بيها حاجة تانية.

استغلي الخصومات

اعتمدي على الاكسسوارات: 

اشترى بقدر الامكان اكسسوارت متكونش غالية ومش كتير وبرده تليق على ستايلز كتيروده هيخلى عندك اكسسوارات تليق على كل حاجة مش بس لبس معين.

اهتمي بالاكسسوارات

اعرفي معانا كمان 5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم